10 ಎಪ್ರಿಲ್ 2023, ಬಾಗಲಕೋಟೆ: ನಟರಾಜ ಸಂಗೀತ ನೃತ್ಯ ನಿಕೇತನ (ರಿ) ಬಾಗಲಕೋಟೆ,ನೃತ್ಯ ಸಂಸ್ಥೆಯ ನಿರ್ದೇಶಕರಾದ ವಿದುಷಿ ಶುಭದ ದೇಶಪಾಂಡೆ ಅವರ ಆಯೋಜನೆಯಲ್ಲಿ ವಿದ್ವಾನ್ ಮಂಜುನಾಥ ಎನ್ ಪುತ್ತೂರು ಅವರಿಂದ ಎರಡು ದಿನಗಳ “ತಾಳ ಪ್ರಕ್ರಿಯಾ” ಕಾರ್ಯಗಾರವು ಅಚ್ಚುಕಟ್ಟಾಗಿ ಮೂಡಿ ಬಂತು.15 ವಿದ್ಯಾರ್ಥಿನಿಯರು 2 ದಿನದ ಈ ಕಾರ್ಯಗಾರದಲ್ಲಿ ಭಾಗವಹಿಸಿ ಪ್ರಯೋಜನ ಪಡೆದರು.
ನಟರಾಜ ಸಂಗೀತ ನೃತ್ಯ ನಿಕೇತನ (ರಿ) ಬಾಗಲಕೋಟೆ :
ನಟರಾಜ ಸಂಗೀತ ನೃತ್ಯ ನಿಕೇತನವು ಇಂದು ಇಪ್ಪತ್ತು ವರ್ಷಗಳನ್ನು ಪೂರೈಸಿ ಅಮೋಘ ಸೇವೆಯನ್ನು ನಾಡಿಗೆ ಸಲ್ಲಿಸಿದೆ.ಚಾಲುಕ್ಯ ಉತ್ಸವ ಬಾಗಲಕೋಟ ಉತ್ಸವ, ರನ್ನ ಉತ್ಸವ , ಮೈಸೂರು ದಸರಾ ಉತ್ಸವಗಳಲ್ಲಿ ಸಭೆಯನ್ನು ವ್ಯಕ್ತಪಡಿಸುತ್ತಿರುವುದಲ್ಲದೆ, ಪುಣೆ, ಚೆನ್ನೈ,ಬೆಂಗಳೂರು ಅಲ್ಲದೆ, ಸಿಂಗಾಪುರ, ಥೈಲ್ಯಾಂಡ್, ಫ್ರಾನ್ಸ್ ದೇಶಗಳಲ್ಲಿ ನೃತ್ಯ ಪ್ರದರ್ಶನ ನೀಡಿ ಕೀರ್ತಿಭಾಜನರಾಗಿದ್ದರೆ ಕಲಾ ಸೇವೆಗೆ ಮುಡುಪಾಗಿಟ್ಟ ನಮ್ಮ ದೇವರ ಭವ್ಯ ಸಾಲಸ್ಕೃತಿಕ ಪರಂಪರೆಯ ಗಂಧವನ್ನು ದೇಶ-ವಿದೇಶಗಳಲ್ಲಿ ಹರಿಯುವಂತೆ ಮಾಡಿದ್ದಾರೆ. ಇದರ ರೂವಾರಿ ವಿದುಷಿ ಶುಭದ ದೇಶಪಾಂಡೆ ಅವರು ಸಂಗೀತ ನಾಟ್ಯ ಕಲಾ ಸಾಮ್ರಾಜ್ನಿ, ದಾಸನಾಗು ವಿಶೀಸಹನಾಗು ಪ್ರಶಸ್ತಿ, ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ, ಮುಂತಾದ ಅನೇಕ ಪ್ರತಿಷ್ಟಿತ ಪ್ರಶಸ್ತಿಗಳಿಗೆ ಇವರು ಭಾಜನರಾಗಿದ್ದಾರೆ.
