ಮಂಜೇಶ್ವರ : ಕೊಂಡೆವೂರು ಶ್ರೀ ನಿತ್ಯಾನಂದ ಯೋಗಾಶ್ರಮದ ಪ್ರತಿಷ್ಠಾ ವರ್ಧಂತಿ ಹಾಗೂ ಓಣಂ ಹಬ್ಬದ ಆಚರಣೆಯ ಪ್ರಯುಕ್ತ ದಿನಾಂಕ 29-8-2023 ನೇ ಮಂಗಳವಾರದಂದು ವಿದುಷಿ ಡಾ.ಸುಚಿತ್ರಾ ಹೊಳ್ಳ ಹಾಗೂ ಶಿಷ್ಯವೃಂದದವರಿಂದ ಕರ್ನಾಟಕ ಶಾಸ್ತ್ರೀಯ ಸಂಗೀತ ಗೋಷ್ಠಿ ಗಾಯನ ಜರಗಿತು. ಕಾರ್ಯಕ್ರಮವನ್ನು ವೇದಮೂರ್ತಿ ಹರಿನಾರಾಯಣ ಮಯ್ಯ ಕುಂಬಳೆ ಇವರು ದೀಪ ಬೆಳಗಿಸಿ ಉದ್ಘಾಟಿಸಿದರು.
ವಿದುಷಿ ಡಾ.ಸುಚಿತ್ರಾ ಹೊಳ್ಳ ಇವರ ಜೊತೆ ಅವರ ಶಿಷ್ಯೆಯರಾದ ದಿವ್ಯಾಕಾರಂತ, ರಾಧಾಮಣಿರಾವ್, ಮೈತ್ರಿ ರಾವ್, ಸುಮನರಾವ್, ಗೀತಾರಾಜೇಶ್, ಸುಪ್ರಜಾರಾವ್ ಹಾಡುಗಾರಿಕೆಯಲ್ಲಿ ಭಾಗಿಯಾದರು. ಹಿಮ್ಮೇಳ ವಾದಕರಾಗಿ ಮೃದಂಗದಲ್ಲಿ ವಿದ್ವಾನ್ ವಸಂತ ಕೃಷ್ಣ ಕಾಂಚನ ಮತ್ತು ವಯಲಿನ್ ವಾದನದಲ್ಲಿ ಶ್ರೀ ಜಗದೀಶ್ ಕೊರೆಕಾನ ಇವರು ಸಹಕರಿಸಿದರು.
