Author: roovari

‘ಅಮೆರಿಕಥನ’ ಖ್ಯಾತ ಲೇಖಕ ಎ.ಎಸ್.ಎನ್. ಹೆಬ್ಬಾರರು ಬರೆದ ಪ್ರವಾಸ ಕಥನ. ಇದು ಇತರ ಪ್ರವಾಸ ಕಥನಗಳಿಗಿಂತ ಪೂರ್ತಿ ಭಿನ್ನ ಶೈಲಿಯಲ್ಲಿದೆ ಅನ್ನುವುದೇ ಇದರ ವೈಶಿಷ್ಟ್ಯ. ಅವರು ಅಮೇರಿಕಾಕ್ಕೆ ಹೋಗಿದ್ದೂ ಒಂದು ವೈಯಕ್ತಿಕ ಅಗತ್ಯವು ಸೃಷ್ಟಿಸಿದ ವಿಶಿಷ್ಟ ಸನ್ನಿವೇಶದಲ್ಲಿ. 2004ರಲ್ಲಿ ಅವರು ರೋಟರಿಯ ಶತಾಬ್ದಿ ಗವರ್ನರ್ ಆಗಿ ಆಯ್ಕೆಯಾದಾಗ ಒಂದು ವಾರ ಕಾಲ ನಡೆದ ಅಂತರ್ರಾಷ್ಟ್ರೀಯ ರೋಟರಿಯ ಶತಾಬ್ದಿ ಸಮ್ಮೇಳನದಲ್ಲಿ ಭಾಗವಹಿಸಬೇಕಾಗಿ ಬಂದಾಗ ಅವರು ಅಮೇರಿಕಾಕ್ಕೆ ಪತ್ನಿ ಸುಧಾ ಜತೆಗೆ ಹೋಗುತ್ತಾರೆ. ಅಮೇರಿಕಾದ ನ್ಯೂಜೆರ್ಸಿಯಲ್ಲಿ ಮಗ ರಘು ಮತ್ತು ಸೊಸೆ ದೀಪಾ ಇದ್ದುದರಿಂದ ಅವರ ಮನೆಯಲ್ಲಿ ಕಳೆಯಲೆಂದು ಇನ್ನೂ ಒಂದು ವಾರ ಮೊದಲೇ ಹೋಗುತ್ತಾರೆ.‌ ಪ್ರವಾಸಕಥನ ಬರೆಯುವಾಗ ಲೇಖಕರಿಗೆ ತಾವು ನೋಡಿದ ವಿಶೇಷ ಜಾಗಗಳು ಮತ್ತು ವಿದ್ಯಮಾನಗಳಿಗಿಂತ ಹೆಚ್ಚು ದಾರಿಯಲ್ಲಿ ಅವರು ಯಾರ್ಯಾರನ್ನು ಭೇಟಿಯಾದರು, ಎಲ್ಲೆಲ್ಲಿ ಉಳಿದುಕೊಂಡರು, ಅಲ್ಲಿನ ಹವೆ-ವಾತಾವರಣಗಳು ಹೇಗಿದ್ದವು, ಅಲ್ಲಿ ಯಾವ ರೀತಿ ಉಪಚಾರ ಮಾಡಿದರು, ಏನೇನು ಮಾತನಾಡಿಕೊಂಡರು, ಯಾವ್ಯಾವ ಹೋಟೆಲಿಗೆ ಹೋದರು, ಅಲ್ಲೆಲ್ಲಾ ಏನೇನು ತಿಂದರು – ಹೀಗೆ…

ಬಂಟ್ವಾಳ : ಯಕ್ಷಕಲಾ ಪೊಳಲಿ ಇದರ 31ನೇ ವರ್ಷದ ವರ್ಧಂತ್ಯುತ್ಸವದ ಪ್ರಯುಕ್ತ ‘ಪೊಳಲಿ ಯಕ್ಷೋತ್ಸವ 2026’ ಕಾರ್ಯಕ್ರಮವು ದಿನಾಂಕ 10 ಅಕ್ಟೋಬರ್ 2026ರಂದು ಪೊಳಲಿ ಶ್ರೀ ರಾಜರಾಜೇಶ್ವರಿ ದೇವಸ್ಥಾನದ ರಾಜಾಂಗಣದಲ್ಲಿ ನಡೆಯಿತು. ಈ ಕಾರ್ಯಕ್ರಮದಲ್ಲಿ ಶ್ರೀ ಕಟೀಲು ಮೇಳಗಳ ಸಂಚಾಲಕ ಕಲ್ಲಾಡಿ ಮನೆತನದ ಕಲ್ಲಾಡಿ ದೇವಿಪ್ರಸಾದ್‌ ಶೆಟ್ಟಿ ಮತ್ತು ಅನುಪಮಾ ಡಿ. ಶೆಟ್ಟಿ ದಂಪತಿಗೆ ‘ಪೊಳಲಿ ಯಕ್ಷೋತ್ಸವ ಪ್ರಶಸ್ತಿ’ ಪ್ರದಾನ ಮಾಡಲಾಯಿತು. ಇದೇ ವೇಳೆ ಹಿರಿಯ ಹಿಮ್ಮೇಳ ಕಲಾವಿದ ಹರಿನಾರಾಯಣ ಬೈಪಡಿತ್ತಾಯ ಅವರಿಗೆ ಈ ವರ್ಷದಿಂದ ಆರಂಭಿಸಲಾದ ರಸರಾಗ ಚಕ್ರವರ್ತಿ ‘ದಿನೇಶ್ ಅಮ್ಮಣ್ಣಾಯ ಸ್ಮೃತಿ ಗೌರವ ಪ್ರಶಸ್ತಿ’ ಪ್ರದಾನ ಮಾಡಲಾಯಿತು. ಕಲಾವಿದ ಉಜಿರೆ ಅಶೋಕ್ ಭಟ್ ಅಭಿನಂದನೆ ಸಲ್ಲಿಸಿದರು. 15 ಮಂದಿ ಹಿರಿಯ ಕಲಾವಿದರನ್ನು ಗೌರವ ನಿಧಿಯೊಂದಿಗೆ ಸನ್ಮಾನಿಸಲಾಯಿತು. ಅಗಲಿದ ಕಲಾವಿದರಿಗೆ ರವಿ ಅಲೆವೂರಾಯ ಸಂಸ್ಮರಣೆ ಸಲ್ಲಿಸಿದರು. ಕಲಾ ಪ್ರೋತ್ಸಾಹಕರಾದ ಮೂಡುಬಿದಿರೆ ಯಕ್ಷ ಸಂಗಮದ ಶಾಂತಾರಾಮ ಕುಡ್ವ, ಪುಳಿಂಚ ಸೇವಾ ಪ್ರತಿಷ್ಠಾನದ ಶ್ರೀಧರ ಶೆಟ್ಟಿ ಪುಳಿಂಚ, ಸಂಘಟಕ ಜಿ. ರಾಘವೇಂದ್ರ ಪುತ್ತೂರಾಯ…

ಮಂಜೇಶ್ವರ : ಕರ್ನಾಟಕ ಸರಕಾರ ಕರ್ನಾಟಕ ಗಡಿ ಪ್ರದೇಶ ಅಭಿವೃದ್ಧಿ ಪ್ರಾಧಿಕಾರ, ಪುವೆಂಪು ಪ್ರತಿಷ್ಠಾನ ತುಳುಭವನ ಬದಿಯಡ್ಕ ಕಾಸರಗೋಡು ಹಾಗೂ ರಾಷ್ಟ್ರಕವಿ ಮಂಜೇಶ್ವರ ಗೋವಿಂದ ಪೈ ಸ್ಮಾರಕ ಟ್ರಸ್ಟ್ ಇವರ ಸಂಯುಕ್ತ ಆಶ್ರಯದಲ್ಲಿ ಬಹುಭಾಷಾ ಪಂಡಿತ, ಸಂಶೋಧಕ, ತುಳುರತ್ನ ಡಾ. ಪಿ. ವೆಂಕಟರಾಜ ಪುಣಿಂಚತ್ತಾಯ (ಪುವೆಂಪು) ಅವರ ಸಂಸ್ಮರಣೆ, ಪ್ರಶಸ್ತಿ ಪ್ರದಾನ ಹಾಗೂ ಸಾಂಸ್ಕೃತಿಕ ವೈವಿಧ್ಯಮಯ ‘ಪುವೆಂಪು ನೆನಪು’ ಕಾರ್ಯಕ್ರಮವನ್ನು ದಿನಾಂಕ 24 ಅಕ್ಟೋಬರ್ 2026ರಂದು ಬೆಳಿಗ್ಗೆ 9-00 ಗಂಟೆಗೆ ಮಂಜೇಶ್ವರದ ಗಿಳಿವಿಂಡು ಪಾರ್ತಿಸುಬ್ಬ ವೇದಿಕೆಯಲ್ಲಿ ಆಯೋಜಿಸಲಾಗಿದೆ. 2026ನೇ ಸಾಲಿನ ‘ಪುವೆಂಪು ಪ್ರಶಸ್ತಿ’ಗೆ ಕನ್ನಡದ ಹಿರಿಯ ಸಾಹಿತಿ, ಚಿಂತಕ ಪ್ರೊ. ಬರಗೂರು ರಾಮಚಂದ್ರಪ್ಪ ಇವರನ್ನು ಆಯ್ಕೆ ಮಾಡಲಾಗಿದ್ದು, ಕರ್ನಾಟಕ ಸರಕಾರದ ಸಮಾಜ ಕಲ್ಯಾಣ ಇಲಾಖೆಯ ಸಚಿವ ಕೆ.ಎಚ್. ಮುನಿಯಪ್ಪ ಇವರು ಪ್ರಶಸ್ತಿ ಪ್ರದಾನ ಮಾಡಲಿದ್ದಾರೆ. ಬೆಳಗ್ಗೆ 9-00 ಗಂಟೆಗೆ ಭಾವ ಗಾಯನ ಮತ್ತು ನೃತ್ಯ ವೈಭವ, 10-00 ಗಂಟೆಗೆ ಮಂಜೇಶ್ವರ ಶಾಸಕ ಎ.ಕೆ.ಎಂ. ಆಶ್ರಫ್ ಇವರ ಅಧ್ಯಕ್ಷತೆಯಲ್ಲಿ ಕರ್ನಾಟಕ ವಿಧಾನ ಪರಿಷತ್…

ಕಾರವಾರ : ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಹಾಗೂ ಕೊಂಕಣಿ ಕಲಾ-ಸಾಹಿತ್ಯ ಸಾಂಸ್ಕೃತಿಕ ಸಂಘಟನೆ ಕಾರವಾರ ಇದರ ಸಹಯೋಗದಲ್ಲಿ ಉತ್ತರ ಕನ್ನಡ ಜಿಲ್ಲಾ ಮಟ್ಟದ ‘ಕೊಂಕ್ಣಿ ಸಂಭ್ರಮ್’ ಸಾಹಿತ್ಯ ಕಲೆಯ ಸಂಗಮ ಕಾರ್ಯಕ್ರಮವನ್ನು ದಿನಾಂಕ 22 ಅಕ್ಟೋಬರ್ 2026ರಂದು ಅಪರಾಹ್ನ 3-00 ಗಂಟೆಗೆ ಕಾರವಾರ ಬಾಡ ಶಿವಾಜಿ ಶಿಕ್ಷಣ ಸಂಸ್ಥೆಯ ಶಂಕರ ಬಾಬಿ ಸಾಮಂತ ಸಭಾಭವನದಲ್ಲಿ ಹಮ್ಮಿಕೊಂಡಿದೆ.  ಧಾರವಾಡದ ಕೊಂಕಣಿ ಅಧ್ಯಯನ ಪೀಠ ಕರ್ನಾಟಕ ವಿಶ್ವವಿದ್ಯಾಲಯ ಇದರ ಸಂಯೋಜಕರಾದ ಡಾ. ಉದಯ ರಾಯ್ಕರ್ ಇವರು ಸಮ್ಮೇಳನಾಧ್ಯಕ್ಷತೆ ಹಾಗೂ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಯ ಅಧ್ಯಕ್ಷರಾದ ಜೋಕಿಂ ಸ್ಟ್ಯಾನಿ ಆಲ್ವಾರಿಸ್‌ರವರು ಅಧ್ಯಕ್ಷತೆಯನ್ನು ವಹಿಸಲಿದ್ದಾರೆ. ಡಾ. ಅರವಿಂದ ಶಾನಭಾಗ ಮತ್ತು ಸ್ಟೀವನ್ ಕ್ವಾಡ್ರಸ್ ಇವರಿಂದ ‘ಕೊಂಕಣಿ ನಿನ್ನೆ, ಇಂದು ಮತ್ತು ನಾಳೆ’ ಎಂಬ ವಿಷಯದ ಬಗ್ಗೆ ವಿಚಾರ ಸಂಕಿರಣ ಮತ್ತು ಕೊಂಕಣಿ ವಿವಿಧ ಕಲಾ ಪ್ರದರ್ಶನಗಳು ನಡೆಯಲಿವೆ.

ಮಂಗಳೂರು : ಅಖಿಲ ಭಾರತೀಯ ಸಾಹಿತ್ಯ ಪರಿಷದ್ ಕರ್ನಾಟಕ (ನೋಂ) ದಕ್ಷಿಣ ಕನ್ನಡ ಜಿಲ್ಲಾ ಸಮಿತಿ ಇದರ ವತಿಯಿಂದ ‘ಜಿಲ್ಲಾ ಅಧಿವೇಶನ’ವನ್ನು ದಿನಾಂಕ 25 ಅಕ್ಟೋಬರ್ 2026ರಂದು ಬೆಳಗ್ಗೆ 9-30 ಗಂಟೆಗೆ ಮುಲ್ಕಿ ಶಿಮಂತೂರು ಶ್ರೀ ಆದಿ ಜನಾರ್ದನ ದೇವಾಲಯದಲ್ಲಿ ಹಮ್ಮಿಕೊಳ್ಳಲಾಗಿದೆ. ಲೇಖಕರು ಮತ್ತು ವಿದ್ವಾಂಸರಾದ ಡಾ. ವೀಣಾ ಬನ್ನಂಜೆ ಇವರು ಈ ಕಾರ್ಯಕ್ರಮವನ್ನು ಉದ್ಘಾಟನೆ ಮಾಡಲಿದ್ದು, ಧರ್ಮದರ್ಶಿ ಹರಿಕೃಷ್ಣ ಪುನರೂರು ಇವರು ಅಧ್ಯಕ್ಷತೆ ವಹಿಸಲಿದ್ದಾರೆ. ಪೂರ್ವಾಹ್ನ 10-45 ಗಂಟೆಗೆ ‘ಸಾಹಿತ್ಯದಲ್ಲಿ ವಿಶ್ವಬೋಧೆ’ ಸಾಹಿತ್ಯ ಗೋಷ್ಠಿ, ಮಧ್ಯಾಹ್ನ 1-15 ಗಂಟೆಗೆ ನಾಟ್ಯರಾಧನಾ ಕಲಾ ಕೇಂದ್ರದ ಶಿಷ್ಯ ವೃಂದದವರಿಂದ ‘ನೃತ್ಯ ವರ್ಣ’, 2-00 ಗಂಟೆಗೆ ಹಿರಿಯ ಕವಿ ಶ್ರೀಧರ್ ಡಿ.ಎಸ್. ಇವರ ಅಧ್ಯಕ್ಷತೆಯಲ್ಲಿ ಬಹುಭಾಷಾ ಕವಿಗೋಷ್ಠಿ ಹಾಗೂ ಅಪರಾಹ್ನ 3-30 ಗಂಟೆಗೆ ಅ.ಭಾ.ಸಾ.ಪ. ದ.ಕ. ಜಿಲ್ಲಾ ಸಮಿತಿ ಅಧ್ಯಕ್ಷರಾದ ಶ್ರೀಮತಿ ವೀಣಾ ಟಿ. ಶೆಟ್ಟಿ ಇವರ ಅಧ್ಯಕ್ಷತೆಯಲ್ಲಿ ಸಮಾರೋಪ ಸಮಾರಂಭ ನಡೆಯಲಿದೆ.

ಬ್ರಹ್ಮಾವರ : ಮಂದಾರ ಸಾಂಸ್ಕೃತಿಕ ಹಾಗೂ ಸೇವಾ ಸಂಘಟನೆ (ರಿ.) ಬೈಕಾಡಿ-ಬ್ರಹ್ಮಾವರ ಇವರ ವತಿಯಿಂದ ಕನ್ನಡ ರಾಜ್ಯೋತ್ಸವದ ಸಂಭ್ರಮಾಚರಣೆ ಪ್ರಯುಕ್ತ ‘ನುಡಿಚಿತ್ತಾರ 2026’ ಮಕ್ಕಳಿಗೆ ಕಥೆ ಹೇಳುವ ಸ್ಪರ್ಧೆಯನ್ನು ದಿನಾಂಕ 15 ನವೆಂಬರ್ 2026ರಂದು ಬ್ರಹ್ಮಾವರ ಎಸ್.ಎಂ.ಎಸ್. ಪದವಿ ಪೂರ್ವ ಕಾಲೇಜಿನಲ್ಲಿ ಹಮ್ಮಿಕೊಳ್ಳಲಾಗಿದೆ. ಸ್ಪರ್ಧೆಯ ನಿಯಮ ನಿಬಂಧನೆಗಳು : ಎರಡು ಸುತ್ತಿನಲ್ಲಿ ಸ್ಪರ್ಧೆ ನಡೆಯುತ್ತದೆ. ಮೊದಲ ಸುತ್ತು : ನಿಮ್ಮ ಪ್ರಸ್ತುತಿಯನ್ನು ವಿಡಿಯೋ ಮಾಡಿ ಕಳಿಸಬೇಕು. ಇದರಲ್ಲಿ ಅತ್ಯುತ್ತಮ 30 ಪ್ರಸ್ತುತಿಗಳನ್ನು ಎರಡನೇ ಸುತ್ತಿಗೆ ಆಯ್ಕೆ ಮಾಡಲಾಗುವುದು. 8ರಿಂದ 14 ವರ್ಷದೊಳಗಿನ ಮಕ್ಕಳಿಗೆ, ವೈಯಕ್ತಿಕ ವಿಭಾಗ ಮಾತ್ರ. ಕಡ್ಡಾಯವಾಗಿ ಕನ್ನಡದಲ್ಲಿ ಕಥೆ ಹೇಳತಕ್ಕದ್ದು, ಕಥಾ ವೀಡಿಯೋ ಯಾವುದೇ ಎಡಿಟ್ ಇಲ್ಲದಿರಲಿ. ಸಮಯ ಮಿತಿ ಗರಿಷ್ಠ 5 ನಿಮಿಷ. ಕಥೆಯ ಆಯ್ಕೆ, ಸ್ಪಷ್ಟತೆ, ಪ್ರಸ್ತುತಿ ಹಾಗೂ ಒಟ್ಟು ಪರಿಣಾಮ ಇವು ಮುಖ್ಯವಾಗಿ ಪರಿಗಣಿಸಲ್ಪಡುವ ಅಂಶಗಳು. ಕಥೆಯ ಆಯ್ಕೆ ವಿಶಿಷ್ಟವಾಗಿರಲಿ, ಯೂಟ್ಯೂಬ್ ಅಥವಾ ಯಾವುದೇ ಸಾಮಾಜಿಕ ಜಾಲತಾಣದಿಂದ ಅನುಕರಣೆ ಬೇಡ. ಎರಡನೇ ಸುತ್ತು :…

ಬೆಂಗಳೂರು : ಭರತನಾಟ್ಯ ನೃತ್ಯಜಗತ್ತಿನಲ್ಲಿ ವಿದುಷಿ ಸುನೀತಾ ಸುಕುಮಾರನ್ ಉತ್ತಮ ನೃತ್ಯ ಕಲಾವಿದೆಯಾಗಿ ಹೆಸರಾಗಿರುವುದು ಮಾತ್ರವಲ್ಲ ‘ಶ್ರೀ ಕೃಷ್ಣ ಕಲಾಲಯ’ ನೃತ್ಯ ಸಂಸ್ಥೆಯ ಬದ್ಧತೆಯ ನೃತ್ಯ ಗುರುವಾಗಿ ಉತ್ತಮ ನೃತ್ಯ ಶಿಕ್ಷಣ ನೀಡುತ್ತ ಬಂದಿರುವುದು ಅವರ ಹಿರಿಮೆ. ಶ್ರೀಮತಿ ಸರಿತಾ ಎಸ್. ಮತ್ತು ಜಗದೀಶ್ ಎ. ದಂಪತಿಗಳ ಸುಪುತ್ರಿಯಾದ ಮೋಹಿತಾ ಜೆ. ಇವರ ನೆಚ್ಚಿನ ಶಿಷ್ಯೆಯಾಗಿದ್ದು, ತನ್ನ ಐದನೆಯ ವಯಸ್ಸಿನಿಂದಲೇ ಭರತನಾಟ್ಯ ಕಲಿಯಲಾರಂಭಿಸಿದ ಈ ಬಹುಮುಖ ಪ್ರತಿಭೆ ಕಳೆದ 13 ವರ್ಷಗಳಿಂದ ನೃತ್ಯ ಕಲಿಕೆಯಲ್ಲಿ ಅಭ್ಯಾಸ ನಿರತಳಾಗಿದ್ದಾಳೆ. ಸಹಕಾರ ನಗರದ ದೇವ್- ಇನ್- ನ್ಯಾಷನಲ್ ಸ್ಕೂಲಿನಲ್ಲಿ ಹತ್ತನೆಯ ತರಗತಿಯನ್ನು ಓದಿ –(ಸಿ.ಬಿ.ಎಸ್.ಇ.) ಪ್ರಥಮ ಶ್ರೇಣಿಯಲ್ಲಿ ತೇರ್ಗಡೆ ಹೊಂದಿರುವ ಹದಿನೇಳು ವರ್ಷದ ಈ ಬಾಲೆ ಪ್ರಸ್ತುತ ರೇವಾ ಇಂಡಿಪೆಂಡೆಂಟ್ ಪಿ.ಯು. ಕಾಲೇಜಿನಲ್ಲಿ ಪ್ರಿ-ಯೂನಿವರ್ಸಿಟಿ ತರಗತಿಯಲ್ಲಿ ಓದುತ್ತಿದ್ದಾಳೆ. ಭಾರತದಾದ್ಯಂತ ಮತ್ತು ಮಲೇಷ್ಯಾ ಸೇರಿದಂತೆ ವಿದೇಶಗಳಲ್ಲಿ ಹಲವಾರು ನೃತ್ಯ ಪ್ರದರ್ಶನಗಳಲ್ಲಿ ಭಾಗವಹಿಸಿರುವ ಮೋಹಿತಾ, ಅಖಿಲ ಭಾರತೀಯ ಗಂಧರ್ವ ಮಹಾವಿದ್ಯಾಲಯ ಮಂಡಳಿಯ ವಿಶಾರದ ಪ್ರಥಮ ವರ್ಷದ ಪರೀಕ್ಷೆ…

ಮುಂಬಯಿ : ಕನ್ನಡದ ಹೆಸರಾಂತ ಸಾಹಿತಿ ವ್ಯಾಸರಾಯ ಬಲ್ಲಾಳ ಇವರ ನೆನಪಿನಲ್ಲಿ ವ್ಯಾಸರಾಯ ಬಲ್ಲಾಳ ಪ್ರತಿಷ್ಠಾನ ಕೊಡ ಮಾಡುವ 2026ರ ಸಾಲಿನ ವ್ಯಾಸರಾಯ ಬಲ್ಲಾಳ ಪ್ರಶಸ್ತಿಗೆ ಖ್ಯಾತ ಪತ್ರಕರ್ತ, ಕರ್ನಾಟಕ ಮಲ್ಲ ದೈನಿಕದ ಸಂಪಾದಕರಾಗಿರುವ ಚಂದ್ರಶೇಖರ ಪಾಲೆತ್ತಾಡಿ ಇವರನ್ನು ಸರ್ವಾನುಮತದಿಂದ ಆರಿಸಲಾಗಿದೆ. ಈ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮವು ಮುಂಬಯಿ ವಿಶ್ವವಿದ್ಯಾಲಯದಲ್ಲಿ ಡಿಸೆಂಬರ್ ಮೊದಲ ವಾರದಲ್ಲಿ ನಡೆಯಲಿದೆ. ದಿನಾಂಕ 19 ಅಕ್ಟೋಬರ್ 2026ರಂದು ಮುಂಬಯಿ ವಿಶ್ವವಿದ್ಯಾಲಯದಲ್ಲಿ ನಡೆದ ಆಯ್ಕೆ ಸಮಿತಿಯ ಸಭೆಯಲ್ಲಿ ಪ್ರತಿಷ್ಠಾನದ ಸಂಚಾಲಕರಾದ ಕುಸುಮ ಬಲ್ಲಾಳ್, ಕನ್ನಡ ವಿಭಾಗದ ಮುಖ್ಯಸ್ಥರಾದ ಡಾ. ಜಿ.ಎನ್. ಉಪಾಧ್ಯ ಹಾಗೂ ಆಯ್ಕೆ ಸಮಿತಿಯ ಸದಸ್ಯರಾದ ಡಾ. ಪೂರ್ಣಿಮಾ ಸುಧಾಕರ ಶೆಟ್ಟಿ ಇವರು ಹಾಜರಿದ್ದು, ಚಂದ್ರಶೇಖರ ಪಾಲೆತ್ತಾಡಿಯವರ ಪತ್ರಿಕೋದ್ಯಮದ ಸಾಧನೆಯನ್ನು ಗುರುತಿಸಿ ಈ ಪ್ರಶಸ್ತಿಗೆ ಅವರನ್ನು ಆಯ್ಕೆ ಮಾಡಲಾಯಿತು. ವ್ಯಾಸರಾಯ ಬಲ್ಲಾಳ ಇವರು ಮೊದಲು ಪತ್ರಿಕೋದ್ಯಮದಲ್ಲಿ ಕೆಲಸ ಮಾಡಿ ಬಳಿಕ ಸಾಹಿತ್ಯ ಕ್ಷೇತ್ರಕ್ಕೆ ಕಾಲಿಟ್ಟವರು. ನುಡಿ ಪತ್ರಿಕೆಯ ಬೆಳವಣಿಗೆಯಲ್ಲಿ ಬಲ್ಲಾಳರ ಪಾತ್ರ ಅಪಾರವಾದುದು. ಹೀಗಾಗಿ ಈ ಸಾಲಿನ…

ಬೆಂಗಳೂರು : ಪ್ರತ್ಯಭಿಜ್ಞ ಪ್ರಸ್ತುತ ಪಡಿಸುವ ಡಾ. ಶತಾವಧಾನಿ ಆರ್. ಗಣೇಶ್ ಅವರ ‘ಬ್ರಹ್ಮಪುರಿಯ ಭಿಕ್ಷುಕ’ ಕೃತಿ ಆಧಾರಿತ ‘ಜ್ಞಾಪಕ ಚಿತ್ರಶಾಲೆ’ ಡಿ.ವಿ.ಜಿ.ಯವರ ಬದುಕಿನ ರಸಪ್ರಸಂಗಗಳು ನಾಟಕ ಪ್ರದರ್ಶನವನ್ನು ದಿನಾಂಕ 20 ಅಕ್ಟೋಬರ್ 2026ರಂದು ಸಂಜೆ 7-30 ಗಂಟೆಗೆ ಬೆಂಗಳೂರಿನ ರಂಗಶಂಕರದಲ್ಲಿ ಆಯೋಜಿಸಲಾಗಿದೆ. ಎನ್.ಸಿ. ಮಹೇಶ್ ಇವರು ರಂಗರೂಪ ಮತ್ತು ನಿರ್ದೇಶನ ಮಾಡಿದ್ದು, ಹೆಚ್ಚಿನ ಮಾಹಿತಿಗಾಗಿ 89713 83155 ಸಂಖ್ಯೆಯನ್ನು ಸಂಪರ್ಕಿಸಿರಿ.

ಸುರತ್ಕಲ್ : ಸುರತ್ಕಲ್ ಬಂಟರ ಸಂಘದ ಯಕ್ಷಗಾನ ತರಬೇತಿ ಕೇಂದ್ರ ‘ಯಕ್ಷ ಸಿರಿ’ ಇದರ ನಾಲ್ಕನೇ ವರ್ಷದ ವಾರ್ಷಿಕೋತ್ಸವ ಸಮಾರಂಭವು ದಿನಾಂಕ 17 ಅಕ್ಟೋಬರ್ 2026ರಂದು ಸುರತ್ಕಲ್ ಬಂಟರ ಭವನದಲ್ಲಿ ಜರುಗಿತು. ಕಾರ್ಯಕ್ರಮಕ್ಕೆ ದೀಪ ಬೆಳಗಿಸುವ ಮೂಲಕ ಚಾಲನೆ ನೀಡಿದ ಗೋವಿಂದ ದಾಸ್ ಕಾಲೇಜಿನ ಆಡಳಿತಾತ್ಮಕ ನಿರ್ದೇಶಕರಾದ ರಮೇಶ್ ಭಟ್ ಎಸ್.ಜಿ. ಇವರು “ಯಕ್ಷಗಾನ ಇಂದು ದೇಶದ ಗಡಿಯನ್ನು ದಾಟಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಗುರುತಿಸಿಕೊಳ್ಳುತ್ತಿದೆ. ಇದು ಯಕ್ಷಗಾನ ಪ್ರೇಮಿಗಳಾದ ನಮ್ಮೆಲ್ಲರಿಗೂ ಹೆಮ್ಮೆಯ ಸಂಗತಿ. ಯಕ್ಷ ಸಿರಿಯ ಮೂಲಕ ಮಕ್ಕಳಿಗೆ ಯಕ್ಷಗಾನ ಕಲಿಸುವುದು ಮಾತ್ರವಲ್ಲದೆ ಅವರಿಗೆ ಪ್ರೌಢಿಮೆಯನ್ನು ಪರಿಪೂರ್ಣತೆಯನ್ನು ತುಂಬುತ್ತದೆ. ಮಕ್ಕಳನ್ನು ಕೇವಲ ತರಬೇತಿಗೆ ಸೇರಿಸಿ ಸುಮ್ಮನಾದರೆ ಸಾಲದು, ಯಕ್ಷಗಾನ ನೋಡಲು ಹೋಗುವಾಗಲೂ ಕರೆದುಕೊಂಡು ಹೋಗಿ ಇದರಿಂದ ಬೆಳೆಯುತ್ತಲೇ ಮಕ್ಕಳು ನಮ್ಮ ಸಂಸ್ಕೃತಿಯನ್ನು ಅರಿತುಕೊಂಡು ಉತ್ತಮ ಕಲಾವಿದರಾಗುತ್ತಾರೆ” ಎಂದರು. ಯಕ್ಷಗಾನ ಕಲಾ ಸಂಘಟಕ ಮಾಧವ ಎಸ್. ಶೆಟ್ಟಿ ಬಾಳ ಮಾತಾಡಿ “ಮೊದಲ ಮಹಿಳಾ ಯಕ್ಷಗಾನ ತಂಡ ಸ್ಥಾಪನೆಯಾಗಿದ್ದು, ನಮ್ಮ ಬಾಳದಲ್ಲಿ ಮಹಾಗಣಪತಿ ಯಕ್ಷಗಾನ…