ಉಡುಪಿ : ಸರಿಗಮ ಭಾರತಿ ಸಂಗೀತ ವಿದ್ಯಾಲಯ (ರಿ.) ಪ್ರಸ್ತುತ ಪಡಿಸುವ ‘ವಿಜಯದಶಮಿ ಸಂಗೀತೋತ್ಸವ ಮತ್ತು ರಜತ ಸಂಭ್ರಮ -2023’ ಕಾರ್ಯಕ್ರಮವು ಉಡುಪಿಯ ಪರ್ಕಳದ ಸರಿಗಮ ಭಾರತಿ ಸಂಗೀತ ವಿದ್ಯಾಲಯದಲ್ಲಿ ದಿನಾಂಕ 24-10-2023ರಂದು ಬೆಳಿಗ್ಗೆ 8.30ರಿಂದ ನಡೆಯಲಿದೆ.
ಬೆಳಿಗ್ಗೆ 9.30ಕ್ಕೆ ಕ್ಯಾಪ್ಟನ್ ಶ್ರೀ ಗಣೇಶ್ ಕಾರ್ಣಿಕ್ ಕಾರ್ಯಕ್ರಮ ಉದ್ಘಾಟಿಸಲಿದ್ದು, ಅತಿಥಿಗಳಾಗಿ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಸಹಾಯಕ ನಿರ್ದೇಶಕಿ ಶ್ರೀಮತಿ ಪೂರ್ಣಿಮಾ ಮತ್ತು ಪರ್ಕಳದ ಉದ್ಯಮಿಗಳಾದ ರೊ. ಎಂ.ಪಿ.ಎಚ್.ಎಫ್.ಶ್ರೀ ಮಂಜುನಾಥ ಉಪಾಧ್ಯ ಅತಿಥಿಗಳಾಗಿ ಭಾಗವಹಿಸಲಿರುವರು. ಈ ಸಂದರ್ಭದಲ್ಲಿ ಬಹುಮುಖ ಪ್ರತಿಭೆಯ ಪಾಡಿಗಾರು ಶ್ರೀ ಲಕ್ಷ್ಮೀನಾರಾಯಣ ಉಪಾಧ್ಯ ಅವರನ್ನು ಅಭಿನಂದಿಸಿ ಗೌರವಿಸಲಾಗುವುದು.
ಬೆಳಿಗ್ಗೆ 8.30ರಿಂದ ಪಿಳ್ಳಾರಿ ಗೀತೆಗಳು, 9.00ಕ್ಕೆ ಹೊಸ ಸಂಗೀತ ಪಾಠ, 10.20ರಿಂದ ಕು.ನೀಹಾರಿಕಾ ದೇರಾಜೆ ಅವರ ಹಿಂದುಸ್ತಾನಿ ಗಾಯನಕ್ಕೆ ತಬಲಾದಲ್ಲಿ ಭಾರವಿ ದೇರಾಜೆ ಮತ್ತು ಹಾರ್ಮೋನಿಯಂನಲ್ಲಿ ಆದಿತ್ಯ ಭಟ್ ಪಾಣೆಮಂಗಳೂರು ಇವರು ಸಾಥ್ ನೀಡಲಿದ್ದಾರೆ. 11.30ರಿಂದ ‘ಕೃಷ್ಣ ಗಾನ ಸುಧಾ’ ಸದಸ್ಯರಾದ ಉಷಾ ಹೆಬ್ಬಾರ್ ಮತ್ತು ಶಿಷ್ಯರಿಂದ ಭಕ್ತಿ ಸಂಗೀತ ನಡೆಯಲಿದೆ.
12.30ರಿಂದ ವೇದಘೋಷ, ಸರಸ್ವತಿ ಪೂಜೆಯ ಬಳಿಕ 12.45ರಿಂದ ಸಂಗೀತ ಕೃತಿಗಳ ಪ್ರಸ್ತುತಿ ನಡೆಯಲಿದ್ದು, ಗಾಯನದಲ್ಲಿ ರೋಶ್ನಿ, ಕಶಿಕ, ಅಚಲ, ಮನಸ್ವಿನಿ, ಕ್ಷಿತಿಜ್, ತೀಕ್ಷಣ್, ಸ್ವಸ್ತಿ ಎಂ.ಭಟ್, ಅನುಶ್ರೀ ಮಳಿ, ಮನ್ವಿ ಇವರಿಗೆ ವಯೊಲಿನ್ ನಲ್ಲಿ ಅನುಶ್ರೀ ಮಳಿ, ಮಹತೀ ಕೆ.ಕಾರ್ಕಳ, ವೈಭವ್ ಪೈ ಹಾಗೂ ಮೃದಂಗದಲ್ಲಿ ಪ್ರಣವ್, ವರ್ಚಸ್, ಶಾಶ್ವತ್ ಕೆ.ಭಟ್ ಸಾಥ್ ನೀಡಲಿದ್ದಾರೆ. 3.20ರಿಂದ ಎಲ್ಲಾ ಕಲಾವಿದರಿಂದ ಪಂಚರತ್ನ ಗೋಷ್ಠಿ ಗಾಯನ ಹಾಗೂ ಸಂಜೆ 4.00ರಿಂದ ಕು.ಆತ್ರೇಯೀ ಕೃಷ್ಣಾ ಹಾಡುಗಾರಿಕೆಗೆ ವಯೊಲಿನ್ ನಲ್ಲಿ ಪೃಥ್ವಿ ಭಾಸ್ಕರ್, ಮೃದಂಗದಲ್ಲಿ ನಂದನ್ ಕಶ್ಯಪ್, ಮೋರ್ಸಿಂಗ್ ನಲ್ಲಿ ಲಿಖಿತ್ ಮೈಸೂರು ಸಹಕರಿಸಲಿದ್ದಾರೆ.
6.50ರಿಂದ ಕುಂದಾಪುರದ ‘ನಾಟ್ಯವಸಂತ’ ಇದರ ವಿದುಷಿ ಶ್ರೀಮತಿ ಪ್ರವಿತಾ ಅಶೋಕ್ ಇವರ ಶಿಷ್ಯರಿಂದ ಭರತನಾಟ್ಯ ಹಾಗೂ 8.10ರಿಂದ ಪುತ್ತೂರಿನ ಮೂಕಾಂಬಿಕಾ ಕಲ್ಚರಲ್ ಅಕಾಡೆಮಿಯ ವಿದ್ವಾನ್ ದೀಪಕ್ ಕುಮಾರ್ ಮತ್ತು ವಿದುಷಿ ಪ್ರೀತಿಕಲಾ ದೀಪಕ್ ಇವರಿಂದ ಭರತನಾಟ್ಯ ಕಾರ್ಯಕ್ರಮ ನಡೆಯಲಿದೆ. ಈ ಕಾರ್ಯಕ್ರಮಕ್ಕೆ ಕಲಾಸಕ್ತರಿಗೆ ಆದರದ ಸ್ವಾಗತ.
