ಬೈಂದೂರು : ಅರೆಹೊಳೆ ಪ್ರತಿಷ್ಠಾನ, ರಂಗ ಪಯಣ ಬೆಂಗಳೂರು, ಮಂದಾರ (ರಿ.) ಬೈಕಾಡಿ ಮತ್ತು ಜನಪ್ರತಿನಿಧಿ ಕುಂದಾಪುರ ಆಯೋಜಿಸುವ ಕನಸು ಕಾರ್ತಿಕ್ ನೆನಪಿನಲ್ಲಿ ‘ಅರೆಹೊಳೆ ನಾಟಕೋತ್ಸವ’ವು ದಿನಾಂಕ 03-12-2023ರಿಂದ 05-12-2023ರವರೆಗೆ ಬೈಂದೂರಿನ ನಂದಗೋಕುಲ ರಂಗ ಶಾಲೆ ಅರೆಹೊಳೆ, ಡಾ. ಹಂದಟ್ಟು ಹರೀಶ್ ಹಂದೆ ರಂಗಮಂದಿರದಲ್ಲಿ ನಡೆಯಲಿದೆ.
ದಿನಾಂಕ 03-12-2023ರಂದು ರಂಗ ಪಯಣ ತಂಡದವರು ಪ್ರಸ್ತುತ ಪಡಿಸುವ ರಾಜಗುರು ಇವರ ರಚನೆ, ಸಂಗೀತ, ವಿನ್ಯಾಸ ಮತ್ತು ನಿರ್ದೇಶನದ ‘ಪೂಲನ್ ದೇವಿ’ ನಾಟಕ ಪ್ರದರ್ಶನ, ದಿನಾಂಕ 04-12-2023ರಂದು ಸಾತ್ವಿಕ ತಂಡದವರು ಮಂಜುನಾಥ ಬೆಳಕೆರೆ ರಚಿಸಿರುವ ರಾಜಗುರು ಹೊಸಕೋಟೆ ಸಂಗೀತ ಮತ್ತು ನಿರ್ದೇಶನ ಮಾಡಿರುವ ‘ಶರೀಫ’ ಎಂಬ ನಾಟಕ ಪ್ರಸ್ತುತ ಪಡಿಸಲಿದ್ದು, ದಿನಾಂಕ 05-12-2023ರಂದು ಮನ್ವಂತರ ತಂಡದವರು ಶ್ರೀನಿವಾಸ ವೈದ್ಯ ಬರೆದಿರುವ ಕಥೆಯನ್ನು ರಾಜಗುರು ಇವರ ರಂಗರೂಪ, ವಿನ್ಯಾಸ ಸಂಗೀತ ಮತ್ತು ನಿರ್ದೇಶನದ ‘ಬಿದ್ದೂರಿನ ಬಿಗ್ ಬೆನ್’ ನಾಟಕ ಪ್ರದರ್ಶನ ನಡೆಯಲಿದೆ.
ಇದೇ ಸಂದರ್ಭದಲ್ಲಿ ಕಾರ್ತಿಕ್ ಬ್ರಹ್ಮಾವರ ನೆನಪಿನ ಕಾರ್ತಿಕ ನಮನ ಹಾಗೂ ಕಲಾವಿದೆ ಲಿಖಿತಾ ಶೆಟ್ಟಿಯವರಿಗೆ ಕಾರ್ತಿಕ್ ನೆನಪಿನ ರಂಗ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ ನಡೆಯಲಿದೆ. ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ 9880353917, 9591380997.
