ಮಂಗಳೂರಿನ ಕಲಾಂಗಣದಲ್ಲಿ ಟ್ರೈಕ್ವೆಟ್ರಾ – ನಾಟಕ ಕಾರ್ಯಾಗಾರ

ಮಂಗಳೂರು : ಮಾಂಡ್ ಸೊಭಾಣ್ ಸಂಸ್ಥೆಯ ಕಲಾಕುಲ್ ನಾಟಕ ರೆಪರ್ಟರಿ ವತಿಯಿಂದ ‘ಟ್ರೈಕ್ವೆಟ್ರಾ’ ಎಂಬ ದಶದಿನಗಳ ನಾಟಕ ಕಾರ್ಯಾಗಾರ ದಿನಾಂಕ 17-02-2024ರಿಂದ 26-02-2024ರವರೆಗೆ ಪ್ರತಿ ದಿನ ಸಂಜೆ 5.30ರಿಂದ 8.30ರವರೆಗೆ ಶಕ್ತಿನಗರದ ಕಲಾಂಗಣದಲ್ಲಿ ನಡೆಯಲಿದೆ. ನೇಷನಲ್ ಸ್ಕೂಲ್ ಆಫ್ ಡ್ರಾಮಾ ಪದವೀಧರೆ ಸವಿತ ರಾಣಿ ಇವರು ಈ ಕಾರ್ಯಾಗಾರವನ್ನು ನಡೆಸಿಕೊಡಲಿದ್ದಾರೆ.

ದೈಹಿಕ ಚಲನೆ, ಹಾವಭಾವ, ಪ್ರದರ್ಶನಾತ್ಮಕ ಸುಧಾರಣೆ, ದೃಶ್ಯ ಸಂರಚನೆ ಮತ್ತಿತರ ರಂಗಭೂಮಿಯ ನಟನಾ ಕೌಶಲ್ಯ ಹಾಗೂ ಕಲಾತ್ಮಕತೆಯನ್ನು ಹೆಚ್ಚಿಸುವ ತರಬೇತಿ ನೀಡಲಿದ್ದಾರೆ. ವಿದ್ದು ಉಚ್ಚಿಲ್ ಹಾಗೂ ವಿಕಾಸ್ ಕಲಾಕುಲ್ ಸಹಕಾರ ನೀಡಲಿದ್ದಾರೆ. ದಿನಾಂಕ 25-02-2024ರಂದು ಸವಿತ ರಾಣಿ ಇವರಿಂದ `ರೆಸ್ಟ್ ಲೆಸ್ ನೆಸ್ ಇನ್ ಪೀಸಸ್’ ಎಂಬ ಏಕ ವ್ಯಕ್ತಿ ಪ್ರದರ್ಶನ ಹಾಗೂ ಮಾಂಡ್ ತಂಡದಿಂದ `ನಿಮ್ಣೆಂ ಉತರ್’ ನಾಟಕ ಪ್ರದರ್ಶನಗೊಳ್ಳಲಿದೆ.

ಸಮಾರೋಪದಲ್ಲಿ ಡಾ. ಗಂಗೂಬಾಯಿ ಹಾನಗಲ್ ಸಂಗೀತ ಮತ್ತು ಪ್ರದರ್ಶನ ಕಲೆಗಳ ವಿಶ್ವವಿದ್ಯಾಲಯ ಮೈಸೂರು ಇವರಿಂದ ಪ್ರಮಾಣಪತ್ರ ನೀಡಲಾಗುವುದು.
ಶಿಬಿರ ಶುಲ್ಕ ರೂ.1,000/-. ಹೆಚ್ಚಿನ ಮಾಹಿತಿಗಾಗಿ ಮಾಂಡ್ ಸೊಭಾಣ್ ಕಛೇರಿ (8105226626 / 8088791528)