ಬೆಂಗಳೂರು : ಅಂತರಂಗ ಬಹಿರಂಗ ತಂಡ ಮತ್ತು ಕಲ್ಪವೃಕ್ಷ ಟ್ರಸ್ಟ್ ಇದರ ವತಿಯಿಂದ ವನಿತೆಯರ ವಿನೂತನ ನಗೆ ನಾಟಕ ‘ಬಾಯ್ ತುಂಬ ನಕ್ಬಿಡಿ’ ನಾಟಕ ಪ್ರದರ್ಶನವು ದಿನಾಂಕ 01-06-2024ರಂದು ಸಂಜೆ ಗಂಟೆ 7-00ಕ್ಕೆ ಬೆಂಗಳೂರಿನ ಬಸವನಗುಡಿಯಲ್ಲಿರುವ ವಾಡಿಯಾ ಸಭಾಂಗಣದಲ್ಲಿ ನಡೆಯಲಿದೆ. ನಾಗವೇಣಿ ರಂಗನ್ ರಚಿಸಿರುವ ಈ ನಾಟಕವನ್ನು ವನಿತಾ ರಂಗಾಯಣ ನಿರ್ದೇಶನ ಮಾಡಿರುತ್ತಾರೆ.
ರಂಗಭೂಮಿಯಲ್ಲಿ ಹೊಸ ಪ್ರಯತ್ನಗಳು, ಪ್ರಯೋಗಗಳು ನಡೆಯುವುದು ಸಹಜ. ನಾನಾ ಹೊಸತನದ ಪ್ರಯತ್ನಗಳು ನಡೆಯುತ್ತಲೇ ಇರುತ್ತವೆ ಕೂಡ. ಈ ನಿಟ್ಟಿನಲ್ಲಿ ಅಂತರಂಗ ಬಹಿರಂಗ ತಂಡ ಹೊಸತನವನ್ನು ಪ್ರೇಕ್ಷಕರಿಗೆ ನೀಡಬೇಕು ಎಂಬ ಉದ್ದೇಶದಿಂದ ಸಾಕಷ್ಟು ಚರ್ಚೆಗಳು ನಡೆದವು. ಈ ಹಿಂದೆ ಆದ ಹೊಸ ಪ್ರಯೋಗಗಳನ್ನೆಲ್ಲ ಬಿಟ್ಟು ಬೇರೇನಾದರೂ ಕೌತುಕವನ್ನು ಪ್ರೇಕ್ಷಕರಿಗೆ ನೀಡಬೇಕು ಎಂದಾಗ ರೂಪಗೊಂಡಿದ್ದೆ ಈ ‘ವನಿತೆಯರ ವಿನೂತನ ನಗೆ ನಾಟಕ’.
ಈ ನಾಟಕದಲ್ಲಿ ರಚನೆ, ನಿರ್ದೇಶನ, ನಟಿಯರು, ತಂತ್ರಜ್ಞರು ಎಲ್ಲರೂ ಮಹಿಳೆಯರೇ. ಇದೊಂದು ವೃತ್ತಿ ಮತ್ತು ಹಾವ್ಯಾಸಿ ರಂಗಭೂಮಿಯಲ್ಲಿ ಹೊಸ ಅಧ್ಯಾಯವೇ ಸರಿ. ಈ ಅಧ್ಯಾಯವನ್ನು ಅಂತರಂಗ ಬಹಿರಂಗ ತಂಡ ಕ್ರಿಯಾತ್ಮಕವಾಗಿ ತೆಗೆದುಕೊಂಡು ಸುಮಾರು ಮೂರು ತಿಂಗಳು ನಟಿ ಮಣಿಯರನ್ನು ಒಂದೆಡೆ ಸೇರಿಸಿ ತಿದ್ದಿ ತೀಡಿ ಒಂದು ರೂಪಕ್ಕೆ ತಂದಿದೆ. ಈ ರೀತಿಯ ಹೊಸ ಪ್ರಯತ್ನ ಮತ್ತು ಪ್ರಯೋಗಗಳನ್ನು ರಂಗಭೂಮಿ ಹಾಗೂ ಪ್ರೇಕ್ಷಕ ಪ್ರಭುಗಳು ಹಿಂದಿನಿಂದಲೂ ಸ್ವೀಕರಿಸಿ ಆಶೀರ್ವದಿಸುತ್ತಿರುವುದು ಪ್ರಯೋಗಗಳ ಹೆಗ್ಗಳಿಕೆಯೇ ಸರಿ. ಈ ನಾಟಕವನ್ನು ತಾವುಗಳು ಅಪಾರ ಸಂಖ್ಯೆಯಲ್ಲಿ ಬಂದು ಅಪ್ಪಿ ಆನಂದಿಸಿ ಆಶೀವದಿಸುತ್ತಿರೆಂಬ ನಂಬಿಕೆಯಲ್ಲಿ ಅಂತರಂಗ ಬಹಿರಂಗ ತಂಡ.
