ಮಂಗಳೂರು : ಹರಿಕಥಾ ಪರಿಷತ್ ಮಂಗಳೂರು ಇವರು ಉಡುಪಿ, ದ. ಕ. ಹಾಗೂ ಕಾಸರಗೋಡು ಜಿಲ್ಲೆಗಳ ವಿದ್ಯಾರ್ಥಿಗಳಿಗಾಗಿ ಹಮ್ಮಿಕೊಂಡ ಹರಿಕಥಾ ಸ್ಪರ್ಧೆಯು ದಿನಾಂಕ 25 ಡಿಸೆಂಬರ್ 2024ದಂದು ಕದ್ರಿ ಮಲ್ಲಿಕಟ್ಟೆಯ ಶ್ರೀಕೃಷ್ಣ ಕಲ್ಯಾಣಮಂದಿರದಲ್ಲಿ ನಡೆಯಿತು.
ಕಾರ್ಯಕ್ರಮವನ್ನು ಉದ್ಘಾಟಿಸಿದ ಎಸ್. ಕೆ. ಗೋಲ್ಡ್ ಸ್ಮಿತ್ ಇಂಡಸ್ಟ್ರಿಯಲ್ ಕೋ-ಆಪರೇಟಿವ್ ಸೊಸೈಟಿ ಇದರ ಅಧ್ಯಕ್ಷರಾದ ಪಿ. ಉಪೇಂದ ಆಚಾರ್ಯ ಮಾತನಾಡಿ “ಆಧ್ಯಾತ್ಮ, ಪುರಾಣ, ಸಂಗೀತ ಮತ್ತು ಶಾಸ್ತ್ರೀಯತೆಗಳಿಂದ ಕೂಡಿರುವ ಹರಿಕಥಾ ಕಲೆಯು ಅಂತಃ ಸತ್ವದಿಂದ ಶಾಶ್ವತವಾಗಿ ಉಳಿಯುವ ಕಲೆ. ಸರಕಾರ ಹಾಗೂ ಸಾರ್ವಜನಿಕ ಸಂಸ್ಥೆಗಳಿಂದ ಇಂತಹ ಕಲೆಗೆ ಇನ್ನಷ್ಟು ಪ್ರೋತ್ಸಾಹದ ಅಗತ್ಯವಿದೆ.” ಎಂದರು.
ಹರಿಕಥಾ ಪರಿಷತ್ ಇದರ ಅಧ್ಯಕ್ಷರಾದ ಕೆ. ಮಹಾಬಲ ಶೆಟ್ಟಿ ಇವರ ಅಧ್ಯಕ್ಷತೆಯಲ್ಲಿ ನಡೆದ ಈ ಕಾರ್ಯಕ್ರಮದಲ್ಲಿ ಕ. ಸಾ. ಪ. ಮಾಜಿ ಅಧ್ಯಕ್ಷರಾದ ಡಾ. ಹರಿಕೃಷ್ಣ ಪುನರೂರು ಶುಭ ಹಾರೈಸಿದರು. ಬೆಂಗಳೂರಿನ ಷಡ್ಜ ಕಲಾಕೇಂದ್ರ ಟ್ರಸ್ಟ್‌ ಇದರ ಸಂಚಾಲಕ ಡಾ. ದತ್ತಾತ್ರೆಯ ಎಲ್. ವೇಲಣ್ಕರ್, ವಿಜಯ ಬ್ಯಾಂಕ್ ಇದರ ನಿವೃತ್ತ ಮ್ಯಾನೇಜರ್ ಸುಂದರ ಶೆಟ್ಟಿ ಬೆಟ್ಟಂಪಾಡಿ, ಎಸ್. ಕೆ. ಗೋಲ್ಡ್ ಸ್ಮಿತ್ ಇಂಡಸ್ಟ್ರಿಯಲ್ ಕೋ ಆಪರೇಟಿವ್ ಸೊಸೈಟಿ ಇದರ ಪ್ರಧಾನ ವ್ಯವಸ್ಥಾಪಕರಾಗಿರುವ ಯಜ್ಞೇಶ್ವರ ಆಚಾರ್ಯ ಶುಭ ಕೋರಿದರು.
ಹರಿಕಥಾ ಪರಿಷತ್ ಇದರ ಖಜಾಂಚಿ ಡಾ. ಎಸ್. ಪಿ. ಗುರುದಾಸ್ ಸ್ವಾಗತಿಸಿ, ಪ್ರಧಾನ ಕಾರ್ಯದರ್ಶಿ ತೋನ್ಸೆ ಪುಷ್ಕಳ ಕುಮಾರ್ ನಿರೂಪಿಸಿ, ಸಂಚಾಲಕ ಸುಧಾಕರ್ ರಾವ್ ಪೇಜಾವರ ವಂದಿಸಿದರು. ಪರಿಷತ್ತಿನ ಉಪಾಧ್ಯಕ್ಷ ನಾರಾಯಣ ರಾವ್ ಕಾಸರಗೋಡು, ಸಂಚಾಲಕ ಶಂನಾಡಿಗ ಕುಂಬಳೆ, ಸುಧಾಕರ್ ಆಚಾರ್, ಉಪೇಂದ್ರ ಆಚಾರ್ಯ, ವಿಜಯಲಕ್ಷ್ಮೀ ಮತ್ತಿತರರು ಉಪಸ್ಥಿತರಿದ್ದರು.
ತೀರ್ಪುಗಾರರಾಗಿ ಮನೋಹರ ರಾವ್, ರಮೇಶ್ ಹೆಬ್ಬಾರ್, ಚಂದ್ರಕಾಂತ ಭಟ್, ನಿತ್ಯಾನಂದ ಕಾರಂತ್, ಜಿ. ಕೆ. ಭಟ್, ಮಂಜುಳಾ ರಾವ್ ಸಹಕರಿಸಿದರು. ಮಹೇಶ್ ಕುಮಾರ್ ಸ್ಪರ್ಧೆ ನಿರ್ವಹಿಸಿದರು. ವೈಭವಿ ಕುಂಬಳೆ ಸಹಕರಿಸಿದರು.
ಹರಿಕಥಾ ಸ್ಪರ್ಧೆ 2024ರ ಫಲಿತಾಂಶ :-
ಜೂನಿಯ‌ರ್ ವಿಭಾಗ: ಪ್ರಥಮ ಸ್ಥಾನ – ಪ್ರಣಮ್ಯಾ ಕೆ. ಎಸ್. ನಾಯ್ಕಾಪು, ದ್ವಿತೀಯ – ದೇವಿಕಾ ಪುತ್ತೂರು, ತೃತೀಯ – ಸಾತ್ವಿಕ್ ಕೃಷ್ಣ ಬಂದ್ಯೋಡು. ಸೀನಿಯ‌ರ್ ವಿಭಾಗ: ಪ್ರಥಮ – ಪೂಜಾ ವಾಸುದೇವ ಐಲ, ದ್ವಿತೀಯ – ನಿಶ್ಚಿತಾ ಕೃಷ್ಣ ಭಟ್, ತೃತೀಯ – ಅಭಿಜ್ಞಾ ಭಟ್ ಬೊಳುಂಬು.
