ಮೈಸೂರು : ಧ್ವನಿ ಫೌಂಡೇಷನ್ ಹಾಗೂ ಭಿನ್ನಷಡ್ಜ ಎರಡೂ ಸಂಸ್ಥೆಗಳು ಜಂಟಿಯಾಗಿ ‘ಭಿನ್ನಧ್ವನಿ’ ಎಂಬ ವಾರಾಂತ್ಯ ರಂಗ ತರಗತಿಗಳನ್ನು ಮೈಸೂರಿನ ಸ್ವರಕುಟೀರದಲ್ಲಿ ನಡೆಸಲು ಯೋಜನೆಯನ್ನು ರೂಪಿಸಿವೆ. ದಿಗ್ವಿಜಯ ಹೆಗ್ಗೋಡು ಇವರ ನಿರ್ದೇಶನದಲ್ಲಿ ನಡೆಯುವ ಈ ರಂಗಕೂಟದಲ್ಲಿ 9ರಿಂದ 15 ವರ್ಷಗಳ ಮಕ್ಕಳು ಭಾಗವಹಿಸಬಹುದು. ರಂಗಭೂಮಿಯ ಮೂಲಕ ಮಕ್ಕಳ ಕ್ರಿಯಾಶೀಲತೆ, ಕಲ್ಪನೆ, ಏಕಾಗ್ರತೆ, ಭಾಷಾಸ್ಫುಟತೆ ಮುಂತಾದ ಹಲವಾರು ವಿಷಯಗಳನ್ನು ಗಮನದಲ್ಲಿಟ್ಟುಕೊಂಡು ತರಗತಿಗಳನ್ನು ನಡೆಸಲಿದ್ದು, ಕೇವಲ ಹದಿನೈದು ಮಕ್ಕಳಿಗೆ ಮಾತ್ರ ಅವಕಾಶವಿದೆ. ಹೆಚ್ಚಿನ ಮಾಹಿತಿಗಾಗಿ 9632535749 ಮತ್ತು 9483918783 ಸಂಖ್ಯೆಯನ್ನು ಸಂಪರ್ಕಿಸಿರಿ.
