ಕುಂದಾಪುರ : ಅರೆಹೊಳೆಯ ನಂದಗೋಕುಲ ರಂಗಶಾಲೆಯಲ್ಲಿ ಎಂ. ಸಿ. ಎಫ್. ಪ್ರಾಯೋಜಕತ್ವದಲ್ಲಿ ನಿರ್ಮಿಸಿದ ಆರ್ಟ್ ಗ್ಯಾಲರಿಯ ಉದ್ಘಾಟನಾ ಸಮಾರಂಭವು ದಿನಾಂಕ 15-06-2024 ರಂದು ನಡೆಯಿತು.
ಕಾರ್ಯಕ್ರಮವನ್ನು ಉದ್ಘಾಟಿಸಿದ ನಾಡಿನ ಖ್ಯಾತ ಚಿತ್ರಕಲಾವಿದರಾದ ದಿನೇಶ್ ಹೊಳ್ಳ ಮಾತನಾಡಿ “ರೇಖಾ ಚಿತ್ರಗಳ ಮೂಲಕ ನಮ್ಮ ನಾಡಿನ ಕಲೆಗಳಿಗೆ ವಿಶ್ವ ಖ್ಯಾತಿ ಒದಗಿಸಿದ ಮತ್ತು ನೂತನ ಆವಿಷ್ಕಾರಗಳನ್ನು ಈ ರಂಗದಲ್ಲಿ ಮಾಡಿದ ಕೆ. ಕೆ. ಹೆಬ್ಬಾರ್ ಕಲಾಪ್ರಪಂಚದ ದಂತ ಕಥೆ. ಅರೆಹೊಳೆ ಪ್ರತಿಷ್ಠಾನವು ಈ ಆರ್ಟ್ ಗ್ಯಾಲರಿಗೆ ಕೆ. ಕೆ. ಹೆಬ್ಬಾರರ ಹೆಸರಿಡುವ ಮೂಲಕ ಅವಿಭಜಿತ ಜಿಲ್ಲೆಯಲ್ಲಿ ಹೊಸ ದಾಖಲೆ ಬರೆದಿದೆ.” ಎಂದರು
ಛಾಯಾಚಿತ್ರ ಗ್ರಾಹಕ ವಿವೇಕ್ ಗೌಡ, ರಂಗಕಲಾವಿದ ಅವಿನಾಶ್ ರೈ, ನಂದಗೋಕುಲ ನಿರ್ದೇಶಕಿ ಶ್ವೇತಾ ಅರೆಹೊಳೆ ಹಾಗೂ ಇತರರು ಉಪಸ್ಥಿತರಿದ್ದರು. ಅರೆಹೊಳೆ ಸದಾಶಿವ ರಾವ್ ನಿರೂಪಿಸಿದರು.
