Subscribe to Updates

    Get the latest creative news from FooBar about art, design and business.

    What's Hot

    ಶ್ರೀ ಕ್ಷೇತ್ರ ಪಂಚಲಿಂಗದಲ್ಲಿ ಕಿರು ನಾಟಕ, ನೃತ್ಯ ನಮನ ಮತ್ತು ಯಕ್ಷಗಾನ ಪ್ರದರ್ಶನ | ಮೇ 25 ಮತ್ತು 26

    May 24, 2025

    ಪುಸ್ತಕ ವಿಮರ್ಶೆ | ‘ವ್ಯಥೆ ಕಥೆ’ ಕನ್ನಡದ ವಿಶಿಷ್ಟವಾದ ಕಿರು ಕಾದಂಬರಿ

    May 24, 2025

    ‘ಭಾಷಾಂತರ ಪ್ರಶಸ್ತಿ’ಗೆ ಕೃತಿಗಳ ಆಹ್ವಾನ | ಕೊನೆಯ ದಿನಾಂಕ ಜೂನ್ 20

    May 24, 2025
    Facebook Twitter Instagram
    Facebook Twitter Instagram YouTube
    Roovari
    Account
    Membership Plans
    Login
    • Home
    • News
    • Contact US
    Roovari
    Home » ಕಲಾ ವಿಮರ್ಶೆ | ಬೆಂಗಳೂರಿನ ಕಿಂಕಿಣಿ ಆರ್ಟ್ ಗ್ಯಾಲರಿಯಲ್ಲಿ ಕಲಾಪ್ರದರ್ಶನ – ನವೆಂಬರ್ 11ರವರೆಗೆ
    Exhibition

    ಕಲಾ ವಿಮರ್ಶೆ | ಬೆಂಗಳೂರಿನ ಕಿಂಕಿಣಿ ಆರ್ಟ್ ಗ್ಯಾಲರಿಯಲ್ಲಿ ಕಲಾಪ್ರದರ್ಶನ – ನವೆಂಬರ್ 11ರವರೆಗೆ

    October 21, 2023No Comments2 Mins Read
    Facebook Twitter Pinterest LinkedIn Tumblr WhatsApp VKontakte Email
    Share
    Facebook Twitter LinkedIn Pinterest Email

    ಸಮುದ್ರದ ತೆರೆಗಳು ಸ್ನಾನಕ್ಕೋಸ್ಕರವೇ ಬೇರೆಯಾಗಿ ಬರುವುದಿಲ್ಲ. ಬಂದ ತೆರೆಗೆ ನಾವು ತಲೆಯೊಡ್ಡಿ ಸ್ನಾನ ಮಾಡಬೇಕು. ಬದುಕಿನಲ್ಲೂ ಅವಕಾಶಗಳು ನಮಗೋಸ್ಕರವೇ ಬೇರೆಯಾಗಿ ಸೃಷ್ಟಿಯಾಗುವುದಿಲ್ಲ. ಇದ್ದ ಅವಕಾಶವನ್ನೇ ನಮ್ಮದಾಗಿಸಿಕೊಂಡು ಸದುಪಯೋಗಪಡಿಸಿಕೊಳ್ಳಬೇಕು. ಡಾ. ಸುಬೋಧ ಕೆರ್ಕರ್ ಅವರು ದಿನನಿತ್ಯ ಸಮುದ್ರವನ್ನು ನೋಡುತ್ತಾ, ನಡೆಯುತ್ತಾ ಕಲಾವಿದರಾಗಿ ರೂಪುಗೊಂಡು ಕಲೆಯನ್ನು ಸಿದ್ಧಿಸಿಕೊಂಡವರು. ಸಮುದ್ರದ ತೆರೆಗಳು ಬಂದ ಹಾಗೆ ಇವರಲ್ಲಿ ಕಲಾ ಅಲೆಗಳು ರೂಪುಗೊಂಡವು. ಡಾಕ್ಟರ್ ಆಗಿ ರೋಗಿಗಳ ಮೈದಡವಿ ಸಾಂತ್ವನ ಹೇಳುತ್ತಿದ್ದವರು ಕಲೆಗೆ ಮಾರುಹೋಗಿ ಕಲಾವಿದರಾದವರು. ಗೋವಾ ಸಮುದ್ರ ದಂಡೆಯ ನಿಸರ್ಗ ಸವಿಯನ್ನು ಸವಿಯುತ್ತಾ ಕಲಾಸೃಷ್ಟಿಯಲ್ಲಿ ತೊಡಗಿಸಿಕೊಂಡವರು. ಗೋವಾ ಬೀಚಿನ ಮರಳಿನ ವಾಸನೆಯನ್ನೇ ಕಲೆಯಾಗಿಸಿದವರು. ಬೆಂಗಳೂರಿನ ಕಿಂಕಿಣಿ ಆರ್ಟ್ ಗ್ಯಾಲರಿಯಲ್ಲಿ Fish Tales & Catamarans ಹೆಸರಿನಲ್ಲಿ ಇವರ ಕಲಾಪ್ರದರ್ಶನ ನಡೆಯುತ್ತಿದೆ.

    ಮೀನುಗಾರರ ಮುಖದ ಭಾವನೆಗಳು, ಮರಳಿನಲ್ಲಿ ಮೂಡಿದಂತೆ ಕಾಣುವ ಭಿತ್ತಿ ಶಿಲ್ಪಗಳು, ಗೂಡು ಬಿಟ್ಟು ಹಾರಿಹೋದ ಕಣಜದ ಗೂಡು, ಜೇನುಗೂಡಿನ ಮರದಲ್ಲಿ ಕಾಣುವ ಅವಶೇಷದ ಬಿಳಿಪೊರೆಗಳು, ಮಂಗೇಶ್ಕರ್ ದೇವಸ್ಥಾನದ ಕಾವಿಕಲೆಯ ಚಿತ್ರದಂತೆ ಕಾಣುವ ಬಣ್ಣದ ಚಿತ್ರಗಳು. ಮೀನಿನ ಬುಟ್ಟಿಯನ್ನು, ಬಲೆಯನ್ನು ಹೊತ್ತ ಬಿನ್ನಾಣಗಿತ್ತಿಯಂತೆ ಸಾಗುವ ಮೀನುಗಾರ್ತಿಯರ, ಮೀನುಗಾರರ ಚಿತ್ರಗಳನ್ನು ಅಲ್ಲಿಯ ಜನಜೀವನವನ್ನು ಮತ್ತು ದೈನಂದಿನ ವೈವಿಧ್ಯಮಯ ಬದುಕನ್ನು ತಮ್ಮದೇ ಶೈಲಿಯಲ್ಲಿ ಚಿತ್ರಿಸಿದ್ದಾರೆ. ಇಲ್ಲಿಯ ಮಸಾಲೆ ಮುಖ್ಯವಾದ ಕಾಳು ಮೆಣಸು, ಕೆಂಪು ಮೆಣಸಿನಕಾಯಿ ಕೂಡಾ ಇವರ ಚಿತ್ರದ ವಿಶೇಷಗಳು. ಗೋವಾದ ಇತಿಹಾಸ ಮತ್ತು ಸಂಸ್ಕೃತಿಯನ್ನು ಜಾನಪದ ರೀತಿಯಲ್ಲಿ ಬಿಂಬಿಸುತ್ತಾ ಸಮ್ಮೋಹನಗೊಳಿಸುವ ಕಲಾಕೃತಿಗಳು. ತುಂಡುಡುಗೆಯ ದೃಶ್ಯಗಳಿಲ್ಲದೆ ಭಾಗಾಬೀಚ್, ಕಲ್ಲೊಂಗಟ್ ಬೀಚ್, ಅಂಜನಾ ಬೀಚ್, ಬೈನಾ ಬೀಚಿನಲ್ಲಿ ಅಡ್ಡಾಡಿದ ಕಡಲತೀರದ ಪ್ರಯಾಣದ ಅನುಭವ ತರುವಂತಹುದು. ಚಿತ್ರತಂತ್ರಗಳಲ್ಲಿ ಭಾವೋದ್ವೇಗ ಸಂವೇದನೆಗಳಿಂದ, ಆಂತರಿಕ ಭಾವನೆಗಳಿಂದಾಗಿ ಸಮ್ಮೋಹನಗೊಳಿಸುವ ಕಲಾಕೃತಿಗಳು.

    ಪ್ರಸಿದ್ದ ಕಲಾವಿದರಾದ ಎಫ್.ಎನ್. ಸೋಜಾ ಅವರ ಕಲಾಕೃತಿಗಳನ್ನು ನೆನಪಿಸುವಂತೆ ತೋರಿದರೂ, ಇವರದೇ ಆದ ವೈಯಕ್ತಿಕ ನೆಲೆಯಲ್ಲಿ ರೂಪುಗೊಂಡ ಕಲಾಕೃತಿಗಳು. ಅವರೇ ಹೇಳುವಂತೆ ಪ್ರಾರಂಭದಲ್ಲಿ ಇವರ ಮೇಲೆ ಸೋಜಾ ಅವರ ಕಲಾಕೃತಿಗಳು ಅತ್ಯಂತ ಪ್ರಭಾವ ಬೀರಿದ್ದವು. ಕೋಟಿ ಕೋಟಿ ಜನರಿದ್ದರೂ ಒಬ್ಬೊಬ್ಬರೂ ಬೇರೆ ಬೇರೆಯಾಗಿ ಕಾಣುವಂತೆ ಇವರ ಶೈಲಿಯು ಭಿನ್ನವಾಗಿ ಮನಸ್ಸಿನಲ್ಲಿ ನೆನಪಿನಲ್ಲಿ ಉಳಿಯುತ್ತದೆ. ಮರ, ಮರಳು, ಸೆರಾಮಿಕ್, ಬಣ್ಣ ಎಲ್ಲವನ್ನೂ ಸಮರ್ಥವಾಗಿ ಬಳಸಿಕೊಂಡು ಕಲಾತ್ಮಕವಾಗಿಸಿದ್ದಾರೆ. ಹುಟ್ಟಿದ ಊರು ಸ್ವರ್ಗಕ್ಕಿಂತ ಮಿಗಿಲು ಅನ್ನುವಂತೆ ಗೋವಾವನ್ನೇ ತನ್ನ ಚಿತ್ರದ ವಸ್ತುವನ್ನಾಗಿಸುವ ಮೂಲಕ ಕೊಂಕಣ ಕ್ಷೇತ್ರವನ್ನು ಪ್ರಪಂಚದಾದ್ಯಂತ ಪರಿಚಯಿಸುವ ಪ್ರಯತ್ನ ಇವರದು. ಸಮುದ್ರ ಗರ್ಭದ ನಿಗೂಢತೆಯಂತೆ ಇವರ ಪ್ರತಿಯೊಂದು ಚಿತ್ರವೂ ಒಂದೊಂದು ಕಥೆಯನ್ನು ಹೇಳುತ್ತ ಕಾವ್ಯವನ್ನು ಓದಿದಂತೆ ಭಾಸವಾಗುವ ಕಲಾಕೃತಿಗಳು. ಗೋವಾದಲ್ಲಿ ಇವರದೇ ಆದ ಸ್ವಂತ ಮ್ಯೂಸಿಯಂ ಕೂಡಾ ಹೊಂದಿದ್ದಾರೆ. ದಿನಾಂಕ 13-10-2023ರಂದು ಕಿಂಕಿಣಿ ಗ್ಯಾಲರಿ ಸಂಸ್ಥಾಪಕ ವಿವೇಕ್ ರಾಧಾಕೃಷ್ಣನ್ ಅವರಿಂದ ಒಡಗೂಡಿ ಉದ್ಘಾಟನೆಗೊಂಡ ಈ ಕಲಾಪ್ರದರ್ಶನ ದಿನಾಂಕ 11-11-2023ರ ತನಕ ನಡೆಯಲಿದೆ.

    • ಗಣಪತಿ ಎಸ್. ಹೆಗಡೆ , ಕಲಾ ವಿಮರ್ಶಕರು, ಬೆಂಗಳೂರು

    Share. Facebook Twitter Pinterest LinkedIn Tumblr WhatsApp Email
    Previous Articleಮೂಲ್ಕಿ ವಿಜಯ ಕಾಲೇಜಿನಲ್ಲಿ ಸೃಜನಶೀಲ ಬರಹ ಕಾರ್ಯಾಗಾರ
    Next Article ಉರ್ವ ಶ್ರೀ ಚಾಮುಂಡೇಶ್ವರೀ ನೂತನ ಯಕ್ಷಗಾನ ಮೇಳ ಉದ್ಘಾಟನೆ | ಅಕ್ಟೋಬರ್ 22ರಂದು
    roovari

    Add Comment Cancel Reply


    Related Posts

    ಬೆಂಗಳೂರಿನಲ್ಲಿ ಕ್ಲೇ ಮಾಡೆಲಿಂಗ್ ಪ್ರದರ್ಶನ | ಮೇ 24

    May 21, 2025

    ಉಡುಪಿಯ ಬ್ರಾಹ್ಮಿ ಸಭಾಭವನದಲ್ಲಿ ಜಾನಪದ ನೃತ್ಯ ಸ್ಪರ್ಧೆ ‘ನೃತ್ಯ ಸಂಭ್ರಮ-2025’ | ಮೇ 18

    May 17, 2025

    ಸಿಂಧನೂರು ಸತ್ಯಾ ಗಾರ್ಡನ್ ನಲ್ಲಿ 11ನೇ ‘ಮೇ ಸಾಹಿತ್ಯ ಮೇಳ’ | ಮೇ 17 ಮತ್ತು 18

    May 16, 2025

    ಆಳ್ವಾಸ್ ಇಂಜಿನಿಯರಿಂಗ್ ಕಾಲೇಜಿನಲ್ಲಿ ‘ಸಿರಿಪರ್ಬ- 2025’ ತುಳು ಸಾಂಸ್ಕೃತಿಕ ಉತ್ಸವ

    May 10, 2025

    Add Comment Cancel Reply


    Facebook Twitter Instagram YouTube
    • Shipping, Refunds & Cancellation
    • Terms & Conditions
    • Privacy Policy
    • Contact US
    © 2025 Roovari | Baikady Studios. All Rights Reserved.

    Type above and press Enter to search. Press Esc to cancel.

    Sign In or Register

    Welcome Back!

    Login below or Register Now.


    Lost password?

    Register Now!

    Already registered? Login.


    A password will be e-mailed to you.