ಕಾಸರಗೋಡು : ತಪಸ್ಯ ಕಲಾ ಸಾಹಿತ್ಯ ವೇದಿಕೆ (ರಿ) ಕೇರಳ, ಶಂಪಾ ಪ್ರತಿಷ್ಠಾನ (ರಿ) ಬೆಂಗಳೂರು ಮತ್ತು ಜಿಲ್ಲಾ ಕನ್ನಡ ಲೇಖಕರ ಸಂಘ ಕಾಸರಗೋಡು ಇವರ ಸಂಯುಕ್ತ ಆಶ್ರಯದಲ್ಲಿ ಹಾಗೂ ಶ್ರೀ ಅಯ್ಯಪ್ಪ ಸೇವಾ ಸಮಿತಿ ಬಾಯಿಕಟ್ಟಿ ಇವರ ಸಹಯೋಗದಲ್ಲಿ ‘ಬೆಳೆಸಿರಿ’ ಎಂಬ ಮಕ್ಕಳಿಗಾಗಿ ಲಲಿತಕಲಾ ಮಿಲನ ಕಾರ್ಯಕ್ರಮವನ್ನು 07.05.2023 ಭಾನುವಾರ ಗಂಟೆ 9.00ರಿಂದ 5.00ರವರೆಗೆ ಬಾಯಿಕಟ್ಟೆಯ ಶ್ರೀ ಅಯ್ಯಪ್ಪ ಮಂದಿರದಲ್ಲಿ ಹಮ್ಮಿಕೊಳ್ಳಲಾಗಿದೆ.
ಈ ಕಾರ್ಯಕ್ರಮದಲ್ಲಿ ಚಿತ್ರ ರಚನೆ, ವ್ಯಂಗ್ಯ ಚಿತ್ರ ಪ್ರದರ್ಶನ, ಕಾರ್ಟೂನು ಪ್ರಾತ್ಯಕ್ಷಿಕೆ, ಚಿತ್ರ ಕಲಾ ಪ್ರದರ್ಶನ, ರಸಪ್ರಶ್ನೆ, ನೃತ್ಯ, ಸಂವಾದ ಸ್ಪರ್ಧೆಗಳು, ವಾಯಲಿನ್ ವಾದನ, ಭಜನೆ, ಹಾಡುಗಳು, ಹೊಸ ಕೃತಿಗಳ ಬಿಡುಗಡೆ, ಹಾಡುವ ಮತ್ತು ಇತರ ಪ್ರತಿಭಾ ಪ್ರದರ್ಶನಕ್ಕೆ ಮುಕ್ತ ಅವಕಾಶವಿದೆ. ಕಾವ್ಯ ವಾಚನ, ಹಿರಿಯ ಕಲಾವಿದರೊಂದಿಗೆ ಸಂದರ್ಶನ, ಮಾರ್ಗದರ್ಶನ, ತಪಸ್ಯದ ಯುವ ಸದಸ್ಯರಿಂದ ಮನರಂಜನೆ ಹಾಗೂ ಡಾ. ಪ್ರಮೀಳಾ ಮಾಧವ್ ಅವರ ‘ಸ್ಪೂರ್ತಿ ಚೇತಸರು’ ಕೃತಿ ಬಿಡುಗಡೆ ಕಾರ್ಯಕ್ರಮ ನಡೆಯಲಿದೆ. ತಪಸ್ಯ (ಕೇರಳ) ಕಾಸರಗೋಡು ಇದರ ಅಧ್ಯಕ್ಷರಾದ ಶ್ರೀ ಬಾಲಚಂದ್ರನ್ ಕೆ. ಮತ್ತು ಡಾ. ಪ್ರಮೀಳಾ ಮಾಧವ್ ಹಾಗೂ ಡಾ. ರಮಾನಂದ ಬನಾರಿ ಇವರು ತಮ್ಮೆಲ್ಲರಿಗೂ ಸ್ವಾಗತವನ್ನು ಕೋರಿದ್ದಾರೆ.
ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕ ಸಂಖ್ಯೆ : 9495296720, 9845921610, 9496424692.
