ಕಟೀಲು : ಶ್ರೀ ಕಟೀಲು ಪ್ರತಿಷ್ಠಾನದ ಆಶ್ರಯದಲ್ಲಿ ‘ಭರತನಾಟ್ಯ, ಸಂಗೀತ, ನಾಟಕ ಸಂಭ್ರಮೋತ್ಸವ, ಸನ್ಮಾನ ಕಾರ್ಯಕ್ರಮವು ದಿನಾಂಕ 30-12-2023ರಂದು ಸಂಜೆ 5 ಗಂಟೆಗೆ ಕಟೀಲು ದೇವಳದ ಸರಸ್ವತೀ ಸದನದಲ್ಲಿ ಜರಗಲಿದೆ.
ಉದ್ಯಮಿ ಬರೋಡದ ಶ್ರೀ ಶಶಿಧರ ಶೆಟ್ಟಿ, ಸಂಗೀತ ಕೃತಿಕಾರರಾದ ವಿದ್ವಾನ್ ಎಂ. ನಾರಾಯಣ, ಸಂಗೀತ ಭಜನಾ ಶಿಕ್ಷಕಿ ಅರುಣಾ ರಾವ್ ಕಟೀಲು ಹಾಗೂ ಭರತನಾಟ್ಯ ಶಿಕ್ಷಕಿ ವಿದುಷಿ ಶ್ರಾವ್ಯ ಕಿಶೋರ್ ಇವರುಗಳಿಗೆ ಸನ್ಮಾನ ನಡೆಯಲಿದೆ. ಸಂಸದ ನಳಿನ್ ಕುಮಾರ್ ಕಟೀಲ್, ಶಾಸಕ ಉಮಾನಾಥ ಕೋಟ್ಯಾನ್, ಮುಂಬೈನ ಉದ್ಯಮಿ ಶ್ರೀ ಕರುಣಾಕರ ಎಂ. ಶೆಟ್ಟಿ, ಎಸ್.ಸಿ.ಡಿ.ಸಿ.ಸಿ. ಬ್ಯಾಂಕ್ ಅಧ್ಯಕ್ಷ ಡಾ. ಎಂ.ಎನ್. ರಾಜೇಂದ್ರ ಕುಮಾರ್, ಮಾಜಿ ಸಚಿವ ಅಭಯಚಂದ್ರ ಜೈನ್, ಮಿಥುನ್ ರೈ, ಉದ್ಯಮಿಗಳಾದ ಅಶೋಕ್ ಶೆಟ್ಟಿ ಮುಂಬೈ, ವೇಣುಗೋಪಾಲ ಶೆಟ್ಟಿ ಮುಂಬೈ, ಐಕಳ ಆನಂದ ಶೆಟ್ಟಿ ಮುಂಬೈ, ಉದಯಕುಮಾರ್ ಮಡಂತ್ಯಾರ್, ಶಿವರಾಮ ಸಾಲ್ಯಾನ್ ಪೂನಾ, ನಿಶಾನ್ ಉಳ್ಳಾಲ್, ಸಂತೋಷ್ ಶೆಟ್ಟಿ, ಜಗದೀಪ್ ಡಿ. ಸುವರ್ಣ, ಸಚ್ಚಿದಾನಂದ ಶೆಟ್ಟಿ ಬೊಂಡಾಲ, ಮಂಗಲ್ಪಾಡಿ ನರೇಶ್ ಶೆಣೈ, ಮುಂಬೈನ ವಕೀಲ ರವಿ ಕೋಟ್ಯಾನ್, ಕಲಾರಂಗ ಉಡುಪಿಯ ಮುರಳಿ ಕಡೇಕಾರ್ ಭಾಗವಹಿಸಲಿದ್ದಾರೆ. ಇದೇ ಸಂದರ್ಭದಲ್ಲಿ ಪ್ರತಿಷ್ಠಾನದ ವಿದ್ಯಾರ್ಥಿಗಳಿಂದ ಸಾಂಸ್ಕೃತಿಕ ಕಾರ್ಯಕ್ರಮ ಜರಗಲಿದೆ.
