ಕಾರ್ಕಳ : ದಿವಂಗತ ಮೀರಾ ಕಾಮತ್ ಸ್ಮರಣಾರ್ಥ ಹೊಸ ಸಂಜೆ ಬಳಗ ಕಾರ್ಕಳ ಇವರು ‘ಮಕ್ಕಳ ಚಿತ್ರಕಲಾ ಸ್ಪರ್ಧೆ’ಯನ್ನು ದಿನಾಂಕ 24 ನವೆಂಬರ್ 2024ರಂದು ಬೆಳಿಗ್ಗೆ 9-00 ಗಂಟೆಗೆ ಕಾರ್ಕಳದ ಶಿಕ್ಷಣ ಸಂಸ್ಥೆಯ ಸಭಾಂಗಣ ಎಸ್.ವಿ.ಟಿ.ಯಲ್ಲಿ ಆಯೋಜಿಸಲಾಗಿದೆ. ಈ ಕಾರ್ಯಕ್ರಮವನ್ನು ಪ್ರಜಾಪಿತ ಬ್ರಹ್ಮಕುಮಾರಿ ಈಶ್ವರೀಯ ವಿಶ್ವವಿದ್ಯಾಲಯ. ಕಾರ್ಕಳ ಟೈಗರ್ಸ್, ಶಿವಾ ಸ್ಮರಣಿಕಾ ಮತ್ತು ಗಿಫ್ಟ್ಸ, ಜನಬಿಂಬ ಪತ್ರಿಕೆ, ಮುಹಮ್ಮದ್ ಗೌಸ್ ಮತ್ತು ಶಿಲಾಮಯ ದೇವಸ್ಥಾನಗಳ ನಿರ್ಮಾಣಕಾರರು ಇವರುಗಳ ಸಹ ಪ್ರಯೋಜಕತ್ವದಲ್ಲಿ ನಡೆಸಲಾಗುವುದು.
1ರಿಂದ 3ನೇ ತರಗತಿ ಮಕ್ಕಳಿಗೆ ‘ಹಣ್ಣು ತುಂಬಿದ ಬುಟ್ಟಿ’, 4ರಿಂದ 7ನೇ ತರಗತಿ ಮಕ್ಕಳಿಗೆ ‘ಬಲೂನ್ ಮಾರುವವ’ ಹಾಗೂ 8 ರಿಂದ 10ನೇ ತರಗತಿ ಮಕ್ಕಳಿಗೆ ‘ಹಳ್ಳಿಯ ಕುಲಕಸುಬು’ ಚಿತ್ರಕಲಾ ಸ್ಪರ್ಧೆಯ ವಿಷಯವಾಗಿರುತ್ತದೆ. ಕಾರ್ಕಳ ಮತ್ತು ಹೆಬ್ರಿ ತಾಲೂಕಿನ ಮಕ್ಕಳಿಗೆ ಮಾತ್ರ ಅವಕಾಶ. ಭಾಗವಹಿಸುವ ಮಕ್ಕಳು ಹೆಸರು, ವಿಳಾಸ ಸಂಪರ್ಕ ಸಂಖ್ಯೆ ಮತ್ತು ಆಧಾರ ಕಾರ್ಡ್ ನ್ನು ದಿನಾಂಕ 20 ನವೆಂಬರ್ 2024ರ ಒಳಗೆ 9845939051 ವಾಟ್ಸಾಪ್ ನಂಬರಿಗೆ ಕಳುಹಿಸಿಕೊಡಬೇಕಾಗಿ ಈ ಮೂಲಕ ವಿನಂತಿ.
