ಪಡುಕುತ್ಯಾರ್ : ಶ್ರೀಮದ್ ಜಗದ್ಗುರು ಆನೆಗುಂದಿ ಸಂಸ್ಥಾನ, ಸರಸ್ವತೀ ಪೀಠ, ಪಡುಕುತ್ಯಾರು ಮಠದಲ್ಲಿ ಚಾತುರ್ಮಾಸ್ಯ ನಿರತರಾಗಿರುವ ಪೀಠಾಧಿಪತಿ ಅನಂತಶ್ರೀ ವಿಭೂಷಿತ ಕಾಳಹಸ್ತೇಂದ್ರ ಸರಸ್ವತೀ ಮಹಾಸ್ವಾಮಿಜಿಯವರ ಸಮಕ್ಷಮದಲ್ಲಿ ಪ್ರತಿಭಾನ್ವಿತ ಕಲಾವಿದೆ ಸಂಜನಾ ರಾವ್ ಬಾಗ್ಲೋಡಿಯವರ ಕೊಳಲು ವಾದನ ಕಛೇರಿ ದಿನಾಂಕ 17-08-2023 ರಂದು ನಡೆಯಿತು. ಮುಡಿಪು ಇಲ್ಲಿಯ ಇನ್ಫೋಸಿಸ್ ಕಂಪನಿಯಲ್ಲಿ ಇಂಜಿನಿಯರ್ ಆಗಿರುವ ಈಕೆ ಕೊಳಲು ವಾದನದಲ್ಲಿ ಸೀನಿಯರ್ ಪರೀಕ್ಷೆ ತೇರ್ಗಡೆ ಹೊಂದಿದ್ದು, ಕರ್ನಾಟಕ ಹಾಗೂ ಕೇರಳದ ಅನೇಕ ಕಡೆಗಳಲ್ಲಿ ಕಾರ್ಯಕ್ರಮ ನೀಡಿರುವರು. ಪಕ್ಕ ವಾದ್ಯದಲ್ಲಿ ಬಿ.ಎಸ್.ಕಿಶನ್ ಮೃದಂಗ ಹಾಗೂ ಪ್ರಥಮ್ ಆಚಾರ್ಯ ಕೃಷ್ಣಾಪುರ ತಬಲಾದಲ್ಲಿ ಸಂಜನಾ ರಾವ್ ಇವರಿಗೆ ಸಾಥ್ ನೀಡಿದರು. ಈಕೆ ಬಾಗ್ಲೋಡಿ ರಾಜೇಶ್ ರಾವ್ ಮತ್ತು ಗೀತಾ ರಾವ್ ದಂಪತಿಗಳ ಸುಪುತ್ರಿ .
