ಮಂಗಳೂರು : ಹರಿಕಥಾ ಪರಿಷತ್ (ರಿ.) ಮಂಗಳೂರು ಇದರ ವತಿಯಿಂದ ದಕ್ಷಿಣ ಕನ್ನಡ, ಉಡುಪಿ ಹಾಗೂ ಕಾಸರಗೋಡು ಜಿಲ್ಲೆಗಳ ಎಂಟನೇ ತರಗತಿಯಿಂದ ಪಿಯುಸಿ ಎರಡನೇ ವರ್ಷದವರೆಗಿನ ವಿದ್ಯಾರ್ಥಿ, ವಿದ್ಯಾರ್ಥಿನಿಯರಿಗಾಗಿ ಆಯೋಜಿಸಿದ ‘ಹರಿಕಥಾ ಸ್ಪರ್ಧೆ’ಯು ದಿನಾಂಕ 31-12-2023ರಂದು ಕದ್ರಿ ಮಲ್ಲಿಕಟ್ಟೆಯ ಶ್ರೀ ಕೃಷ್ಣ ಕಲ್ಯಾಣ ಮಂಟಪದಲ್ಲಿ ಅಪರಾಹ್ನ ಗಂಟೆ 1.30ಕ್ಕೆ ಉದ್ಘಾಟನೆಗೊಳ್ಳಲಿದೆ.
ಹರಿಕಥಾ ಪರಿಷತ್ (ರಿ.) ಮಂಗಳೂರು ಇದರ ಅಧ್ಯಕ್ಷರಾದ ಶ್ರೀ ಕೆ. ಮಹಾಬಲ ಶೆಟ್ಟಿಯವರ ಅಧ್ಯಕ್ಷತೆಯಲ್ಲಿ ನಡೆಯುವ ಈ ಕಾರ್ಯಕ್ರಮವನ್ನು ವಿಜಯ ಬ್ಯಾಂಕಿನ ನಿವೃತ್ತ ಸೀನಿಯರ್ ಮ್ಯಾನೇಜರ್ ಲಯನ್ ಶ್ರೀ ಸುಂದರ ಶೆಟ್ಟಿ ಬೆಟ್ಟಂಪಾಡಿಯವರು ಉದ್ಘಾಟಿಸಲಿದ್ದಾರೆ.
ಅಪರಾಹ್ನ ಗಂಟೆ 2ರಿಂದ ಈ ಸ್ಪರ್ಧೆಯಲ್ಲಿ ಉದಯೋನ್ಮುಖ ಕಥಾ ಕೀರ್ತನ ಪ್ರತಿಭೆಗಳಾದ ಕಾಟುಕುಕ್ಕೆಯ ಕು. ಅಭಿಜ್ಞಾ ಭಟ್, ಬಂದ್ಯೋಡಿನ ಮಾ. ಸಾತ್ವಿಕ್ ಕೃಷ್ಣ ತುಂಗ, ಉಪ್ಪಳದ ಕು. ಪೂಜಾ ವಾಸುದೇವ ಐತಾಳ, ಪುತ್ತೂರಿನ ಕು. ದೇವಿಕಾ ಕೆ., ಮಂಗಳೂರಿನ ಕು. ಶ್ರದ್ಧಾ ಗುರುದಾಸ್, ಕಾರ್ಕಳದ ಕು. ಅನನ್ಯಾ ಘಾಟಕ್, ಪುತ್ತೂರಿನ ಕು. ಆಪ್ತ ಚಂದ್ರಮತಿ ಮುಳಿಯ ಮತ್ತು ನೀರ್ಚಾಲು ಕು. ಭಾವನಾ ನಾಯಕ್ ಇವರುಗಳು ಭಾಗವಹಿಸಲಿರುವರು. ಸಂಜೆ ಗಂಟೆ 6.30ರಿಂದ ಸಮಾರೋಪ ಮತ್ತು ಬಹುಮಾನ ವಿತರಣಾ ಸಮಾರಂಭ ನಡೆಯಲಿದೆ.
