ಕುಂದಾಪುರ : ಸಂಗೀತ ಅವಿನಾಶಿ ಪ್ರತಿಷ್ಠಾನ ಮತ್ತು ಹಂಗಾರಕಟ್ಟೆಯ ಯಕ್ಷಗಾನ ಕಲಾಕೇಂದ್ರ ಪ್ರಸ್ತುತ ಪಡಿಸುವ ಅವಿನಾಶ್ ಹೆಬ್ಬಾರ್ ಇವರ ನೆನಪಿನಲ್ಲಿ ‘ಅಜರಾಮರ’ ಹಿಂದೂಸ್ತಾನಿ ಶಾಸ್ತ್ರೀಯ ಸಂಗೀತ ಕಾರ್ಯಕ್ರಮವನ್ನು ದಿನಾಂಕ 14 ಸೆಪ್ಟೆಂಬರ್ 2024ರಂದು ಸಂಜೆ 5-00 ಗಂಟೆಗೆ ಸಾಲಿಗ್ರಾಮದ ಗುಂಡ್ಮಿಯ ಸದಾನಂದ ರಂಗ ಮಂಟಪದಲ್ಲಿ ಹಮ್ಮಿಕೊಳ್ಳಲಾಗಿದೆ.
ಉಸ್ತಾದ್ ಚೋಟೆ ರಹಿಮತ್ ಖಾನ್ ಇವರಿಂದ ಸಿತಾರ್ ವಾದನ ಮತ್ತು ಮಂಗಳೂರಿನ ಶ್ರೀಮತಿ ದೀಕ್ಷಾ ನಾಯಕ್ ಇವರಿಂದ ಹಾಡುಗಾರಿಕೆ ನಡೆಯಲಿದ್ದು, ಇವರಿಗೆ ಗೋವಾದ ಶ್ರೀ ಉದಯ್ ಕುಲಕರ್ಣಿ ಮತ್ತು ಶ್ರೀ ಪ್ರವೀಣ್ ನಾಯಕ್ ಇವರುಗಳು ತಬಲದಲ್ಲಿ ಮತ್ತು ಕೋಟದ ಶ್ರೀ ಶಂಭು ಭಟ್ ಇವರು ಹಾರ್ಮೋನಿಯಂನಲ್ಲಿ ಸಾಥ್ ನೀಡಲಿದ್ದಾರೆ.
