ಮೈಸೂರು : ಸಾಂಸ್ಕೃತಿಕ ನಗರಿ ಮೈಸೂರಿನ ಅಜ್ಜನ ಮನೆ ಕಲಾ ಪ್ರಪಂಚ ‘ಶ್ರೀ ಮೈಸೂರು ವಾಸುದೇವಾಚಾರ್ಯರ’ ಸ್ಮರಣಾರ್ಥ ಸಾದರಪಡಿಸುವ ‘ಕಿಶೋರ ಗಾಯನ ನಮನ’ ಕಾರ್ಯಕ್ರಮವು ದಿನಾಂಕ 07-04-2024, 14-04-2024 ಮತ್ತು 21-05-2024ರಂದು ಬೆಳಿಗ್ಗೆ ಗಂಟೆ 9.30ಕ್ಕೆ ಮೈಸೂರಿನ ಅಗ್ರಹಾರ ಶ್ರೀ ವಾಸುದೇವಾಚಾರ್ಯರ ನಿವಾಸದಲ್ಲಿ ನಡೆಯಲಿದೆ.
ದಿನಾಂಕ 07-04-2024ರಂದು ಉಡುಪಿಯ ಕುಮಾರಿ ಮೇಧಾ ಉಡುಪ, ಬೆಂಗಳೂರಿನ ಚಿ. ಆದಿತ್ಯ ಶ್ರೀನಿಧಿ ತಾಯೂರ್ ಮತ್ತು ಶಿವಮೊಗ್ಗದ ಕುಮಾರಿ ದ್ಯುತಿ ಎಸ್. ಇವರ ಹಾಡುಗಾರಿಕೆಗೆ ಮೈಸೂರಿನ ವಿದ್ವಾನ್ ಶ್ರೀವತ್ಸ ಹೆಚ್. ಪಿಟೀಲು ಹಾಗೂ ವಿದ್ವಾನ್ ಜಿ. ಸುಬ್ರಮಣ್ಯ ಕುಮಾರ್ ಮೃದಂಗದಲ್ಲಿ ಸಾಥ್ ನೀಡಲಿದ್ದಾರೆ.
ದಿನಾಂಕ 14-04-2024ರಂದು ಮೈಸೂರಿನ ಕುಮಾರಿ ನಿರಾಮಯಾ ವಿ. ರಾವ್, ಚಿ. ಕುನಾಲ್ ಮಹೇಶ್ ಮತ್ತು ಕುಮಾರಿ ಹರಿಣಿ ಇವರ ಹಾಡುಗಾರಿಕೆಗೆ ಮೈಸೂರಿನ ವಿದ್ವಾನ್ ರೂಪನಗುಡಿ ರತ್ನತೇಜ ಪಿಟೀಲು ಹಾಗೂ ವಿದ್ವಾನ್ ಜಿ. ಸುಬ್ರಮಣ್ಯ ಕುಮಾರ್ ಮೃದಂಗದಲ್ಲಿ ಸಾಥ್ ನೀಡಲಿದ್ದಾರೆ.
ದಿನಾಂಕ 21-04-2024ರಂದು ಬೆಂಗಳೂರಿನ ಕುಮಾರಿ ಸಾರಂಗಿ ಎಸ್. ಹರಿತ್ವ, ಕುಮಾರಿ ಅರ್ಣ ಎಸ್., ಕುಮಾರಿ ಭುವನ ಎ. ಮತ್ತು ಕುಮಾರಿ ಸಿಂಚನ ಎಸ್. ಶಂಕರ್ ಇವರ ಹಾಡುಗಾರಿಕೆಗೆ ಮೈಸೂರಿನ ವಿದ್ವಾನ್ ಅಮೋಘ ಪಿಟೀಲು ಹಾಗೂ ಬೆಂಗಳೂರಿನ ವಿದ್ವಾನ್ ಎಸ್. ಅಶೋಕ್ ಮತ್ತು ಮೈಸೂರಿನ ವಿದ್ವಾನ್ ಸ್ಕಂದನ್ ಭಾರದ್ವಾಜ್ ಮೃದಂಗದಲ್ಲಿ ಸಾಥ್ ನೀಡಲಿದ್ದಾರೆ.
