ಮೈಸೂರು: ಯಶಸ್ವೀ ಕಲಾವೃಂದ ಕೊಮೆ, ತೆಕ್ಕಟ್ಟೆಯ ಮಕ್ಕಳ ಯಕ್ಷಗಾನ ‘ಕೃಷ್ಣಾರ್ಜುನರ ಕಾಳಗ’ವು ದಿನಾಂಕ 16 ಜನವರಿ 2025ರಂದು ಮೈಸೂರಿನ ರಂಗಾಯಣದ ‘ವನರಂಗ’ದಲ್ಲಿ ನಡೆಯುತ್ತಿರುವ ಬಹುರೂಪಿ ನಾಟಕೋತ್ಸವದಲ್ಲಿ ‘ಸಿನ್ಸ್ 1999 ಶ್ವೇತಯಾನ-99’ ಕಾರ್ಯಕ್ರಮದಲ್ಲಿ ನಡೆಯಿತು.
ಕಾರ್ಯಕ್ರಮದ ಬಳಿಕ ತಂಡವನ್ನು ಅಭಿನಂದಿಸಿದ ಮೈಸೂರು ರಂಗಾಯಣದ ನಿರ್ದೇಶಕರಾದ ಸತೀಶ್ ತಿಪಟೂರು ಮಾತನಾಡಿ “ಕರಾವಳಿಯ ರಂಗ ಸೊಗಡು ಯಕ್ಷಗಾನ ಉಡುಗೆಗಳು ಕಲಾ ಪ್ರಕಾರಗಳಲ್ಲಿಯೇ ಶ್ರೀಮಂತವಾದದ್ದು. ಅದರಲ್ಲಿಯೂ ಮಕ್ಕಳು ರಂಗದಲ್ಲಿ ಅಭಿನಯಿಸುವಾಗ ಮಕ್ಕಳೆಂದು ಎಣಿಸಲಾಗದೇ ಇದ್ದದ್ದು ಸೋಜಿಗ. ಕೃಷ್ಣಾರ್ಜುನರಾಗಿ, ಸುಭದ್ರೆ-ರುಕ್ಮಿಣಿಯಾಗಿ, ಭೀಮ-ದಾರುಕರಾಗಿ, ಅಭಿಮನ್ಯುವಾಗಿಯೇ ಕಾಣಿಸಿಕೊಂಡು ಪ್ರೇಕ್ಷಕರಿಗೆ ಸಿಹಿ ಕಹಿಯಾಗಿ ಉಣಿಸಿ ಗೆದ್ದು ವಿಜೃಂಬಿಸಿದರು. ಇದು ಕರಾವಳಿಯ ಯಕ್ಷಗಾನದ ವಿಷೇಷ” ಎಂದರು.
ರಂಗ ನಿರ್ದೇಶಕ ಪ್ರಸನ್ನ, ಭಾಗವತರಾಗಿ ಲಂಬೋದರ ಹೆಗಡೆ ಮತ್ತು ಪ್ರಾಚಾರ್ಯರಾದ ದೇವದಾಸ್ ರಾವ್ ಕೂಡ್ಲಿ, ಚರಿತಾ ಭಾರದ್ವಾಜ್, ಶ್ರೀಷ ಭಟ್ ತೆಕ್ಕಟ್ಟೆ ಉಪಸ್ಥಿತರಿದ್ದರು.
