ಕುಳಾಯಿ : ಶ್ರೀ ವಿಷ್ಣುಮೂರ್ತಿ ದೇವಸ್ಥಾನ ಕುಳಾಯಿ ಇಲ್ಲಿನ ಶ್ರೀ ವಿಷ್ಣುಮೂರ್ತಿ ಯಕ್ಷಗಾನ ಮಂಡಳಿ ಆಯೋಜಿಸುವ ಮಾಸಿಕ ಹುಣ್ಣಿಮೆ ತಾಳಮದ್ದಳೆ ಕಾರ್ಯಕ್ರಮವು ದಿನಾಂಕ 01-08-2023ನೇ ಮಂಗಳವಾರ ಸಂಜೆ ಶ್ರೀ ದೇವಳದಲ್ಲಿ ನಡೆಯಿತು.
ಈ ಸಂದರ್ಭದಲ್ಲಿ ‘ಯಕ್ಷಮಿತ್ರರು ಪೊಳಲಿ’ ಇವರಿಂದ ‘ಗರುಡ ಗರ್ವಭಂಗ’ ಎಂಬ ಯಕ್ಷಗಾನ ತಾಳಮದ್ದಳೆ ನಡೆಯಿತು. ಈ ಕಾರ್ಯಕ್ರಮದ ಹಿಮ್ಮೇಳದಲ್ಲಿ ಸರ್ವ ಶ್ರೀಗಳಾದ ಗಜಂತ್ತೋಡಿ ಸುಬ್ರಾಯ ಮಾಸ್ತರ್, ಸರಪಾಡಿ ಶಂಕರನಾರಾಯಣ ಕಾರಂತರು, ರಾಮಹೊಳ್ಳ ತಡಂಬೈಲ್, ವಿನಯ ಕಾರಂತ ಹಾಗೂ ಚಂದ್ರಶೇಖರ್ ಕಾರಂತ ಸಹಕರಿಸಿದರು.
ಮುಮ್ಮೇಳದಲ್ಲಿ ಸರ್ವಶ್ರೀಗಳಾದ ಕೃಷ್ಣರಾವ್ ನರ್ಲಪದವು, ನೂಯಿ ರಾಜಶೇಖರ ಭಟ್, ನಾರಾಯಣ ರಾವ್ ಕದ್ರಿ, ಬಾಂಕೆ ರಮೇಶ್, ಜಯಕರ್ ಮಾಸ್ತರ್ ಕೈಕಂಬ, ಪಿ.ಪುರುಷೋತ್ತಮ ರಾವ್ ಕೃಷ್ಣಾಪುರ ಹಾಗೂ ಎನ್.ರಾಮಚಂದ್ರ ಕಾರಂತ್ ಭಾಗವಹಿಸಿದರು.
