ಉಡುಪಿ : ಶ್ರೀ ಮಹತೋಭಾರ ಶ್ರೀ ಶಂಕರ ನಾರಾಯಣ ದೇವಸ್ಥಾನ ಕೊಡವೂರು ಮತ್ತು ನೃತ್ಯ ನಿಕೇತನ ಕೊಡವೂರು ಇದರ ಜಂಟಿ ಆಶ್ರಯದಲ್ಲಿ ಆರಂಭಗೊಂಡ ‘ನೃತ್ಯ ಶಂಕರ’ ಸರಣಿ ಕಾರ್ಯಕ್ರಮವು ದಿನಾಂಕ 12-2-2024ರ ಸೋಮವಾರ ಸಂಜೆ ಕೊಡವೂರು ಶ್ರೀ ಶಂಕರ ನಾರಾಯಣ ದೇವಸ್ಥಾನದ ವಸಂತ ಮಂಟಪದಲ್ಲಿ ನಡೆಯಲಿದೆ.
ಉಡುಪಿ ಪುತ್ತೂರಿನ ಸುಬ್ರಹ್ಮಣ್ಯ ನಗರದ ಕುಮಾರಿ ಯಶಸ್ವಿನಿ ಪ್ರದರ್ಶನ ನೀಡಲಿದ್ದು, ಈ ಕಾರ್ಯಕ್ರಮವು ಸಂಜೆ ಗಂಟೆ 6.25 ರಿಂದ ನಡೆಯಲಿದೆ. ವಿಜಯ ಸನಿಲ್ ಮತ್ತು ಸುಮ ಸನಿಲ್ ದಂಪತಿಗಳ ಸುಪುತ್ರಿಯಾದ ಕುಮಾರಿ ಯಶಸ್ವಿ, ಉಡುಪಿಯ ಅಜ್ಜರ ಕಾಡಿನಲ್ಲಿರುವ ಜಿ. ಶಂಕರ್ ಮಹಿಳಾ ಕಾಲೇಜಿನಲ್ಲಿ ತನ್ನ ಪ್ರಥಮ ವರ್ಷದ ಎಂ. ಕಾಂ. ವಿದ್ಯಾಭ್ಯಾಸವನ್ನು ಮಾಡುತ್ತಿದ್ದಾರೆ.
ಭರತನಾಟ್ಯವನ್ನು ಅಮ್ಮುಂಜೆಯ ಭ್ರಾಮರಿ ನಾಟ್ಯಾಲಯ (ರಿ) ಇದರ ನಿರ್ದೇಶಕರಾದ ವಿದ್ವಾನ್ ಕೆ. ಭವಾನಿ ಶಂಕರ್ ಇವರಲ್ಲಿ ಕಳೆದ 15 ವರ್ಷಗಳಿಂದ ಕಲಿಯುತ್ತಿದ್ದು, ಈಗ ಅಂತಿಮ ವಿದ್ವತ್ತನ್ನು ಕಲಿಯುತ್ತಿದ್ದಾರೆ.
ಇವರು ಭರತನಾಟ್ಯದಲ್ಲಿ ಉಡುಪಿ ಜಿಲ್ಲಾ ಮಟ್ಟದ ಯುವಜನೋತ್ಸವದಿಂದ ರಾಜ್ಯ ಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ. ಕರ್ನಾಟಕ ಸಂಗೀತ ನೃತ್ಯ ಅಕಾಡೆಮಿಯ ಶಿಷ್ಯ ವೇತನ ಪಡೆದಿರುವ ಇವರು ಚಂದ್ರಕಲಾ ಡ್ಯಾನ್ಸ್ ಅಕಾಡೆಮಿಯವರು ಆಯೋಜಿಸಿದಂತಹ ರಾಷ್ಟ್ರಮಟ್ಟದ ಸ್ಪರ್ಧೆಯಲ್ಲಿ ಪ್ರಶಸ್ತಿ, ಸೃಷ್ಟಿ ಕಲಾಕಟೀರ ಆಯೋಜಿಸಿದಂತಹ ರಾಷ್ಟ್ರಮಟ್ಟದ ಸ್ಪರ್ಧೆಯಲ್ಲಿ ಪ್ರಶಸ್ತಿ, ನಾದಂ ಅನಂತಪುರಿ ಡ್ಯಾನ್ಸ್ ಫೆಸ್ಟಿವಲ್ ನಲ್ಲಿ ‘ಕಲಾಭೂಷಣ’ ಬಿರುದು, ಬೆಂಗಳೂರಿನ ನೃತ್ಯ ಕಿಂಕಿಣಿ ನಟನಂ ಶಿವಂ ಇವರಿಂದ ‘ನೃತ್ಯ ಕಲಾ ಜ್ಯೋತಿ’ ಬಿರುದುದನ್ನು ಪಡೆದುಕೊಂಡಿದ್ದಾರೆ.
