17 ಮಾರ್ಚ್ 2023, ಮಂಗಳೂರು: ನಗರದ ಮಹತೋಬಾರ ಶ್ರೀ ಮಂಗಳಾದೇವಿ ದೇವಸ್ಥಾನದ ವರ್ಷಾವಧಿ ಜಾತ್ರಾ ಮಹೋತ್ಸವ ಸಂದರ್ಭದಲ್ಲಿ ಸಂಯೋಜಿಸಿದ ಮಂಗಳವಾದ್ಯ ಗೋಷ್ಠಿಯ ಸ್ಯಾಕ್ಸೋಫೋನ್ ಸಮ್ಮೇಳನವನ್ನು ಬೋಳಾರ ಮಾರಿಗುಡಿ ದೇವಾಲಯದ ಅಧ್ಯಕ್ಷ ಬಿ. ಅಶೋಕ್ ಕುಮಾರ್, ಮುಖ್ಯಪ್ರಾಣ ದೇವಾಲಯದ ಅಧ್ಯಕ್ಷ ವಸಂತ್‌ ಕುಮಾರ್ ಶೆಟ್ಟಿ ಉದ್ಘಾಟಿಸಿದರು.
ಶ್ರೀ ಕ್ಷೇತ್ರದ ಆಡಳಿತ ಮೊಕ್ತೇಸರ ಪಳ್ಳಿ ರಮಾನಾಥ ಹೆಗ್ಡೆ ಸ್ವಾಗತಿಸಿದರು. ಕಾರ್ಯಕ್ರಮದ ಸಂಯೋಜಕ ಸುಧಾಕ‌ರ್ ರಾವ್ ಪೇಜಾವರ ಹಿರಿಯ ಕಲಾವಿದರ ಸಂಸ್ಮರಣೆ ಮಾಡಿದರು. ವೆಂಕಟಪ್ಪ ಡೋಗ್ರ, ಡಾ. ಕದ್ರಿ ಗೋಪಾಲನಾಥ, ಡಾ. ಮಚ್ಚೇಂದ್ರನಾಥ ಮಂಗಳಾದೇವಿ ಅವರ ಸಂಸ್ಮರಣೆ ಮಾಡಲಾಯಿತು.
ಶ್ರೀ ಕ್ಷೇತ್ರದ ಮೊಕ್ತೇಸರರಾದ ರಾಮನಾಯ್ಕ ಕೋಟೆಕಾರ್, ಪ್ರೇಮಲತಾ ಎಸ್. ಕುಮಾರ್, ಆನುವಂಶಿಕ ಮೊಕ್ತೇಸರ ರಘುರಾಮ ಉಪಾಧ್ಯಾಯ, ಪ್ರಮುಖರಾದ ರಮೇಶ್‌ನಾಥ ಕದ್ರಿ, ಎನ್.ಆರ್. ರವಿ, ರಾಜೇಶ್ ಕದ್ರಿ, ಸೀತಾರಾಮ ಗುರುಪುರ, ಜಯರಾಮ, ವಿನಯ, ವಿದ್ಯಾ, ಪ್ರತಾಪ, ಅಶೋಕ, ಷಣ್ಮುಗ, ಚಂದ್ರಶೇಖರ್ ಜೋಗಿ, ಅಮೃತವರ್ಷಿಣಿ, ನಾಗೇಶ್, ಸತೀಶ್ ಮೈಸೂರು, ಸುರುಳಿ ಸತೀಶ್ ಆಚಾರ್ಯ, ಜಯರಾಮ ಸೇರಿಗಾರ್, ನವಮಿ, ವೈಷ್ಣವಿ ಕುಮಾರಿ, ಶಾಲ್ಮಲಿ, ಗಣೇಶ್ ಮಂಗಳಾದೇವಿ, ವಾಸುದೇವ ಕುಡುಪು, ವಿನಯಾನಂದ ಕಾನಡ್ಕ ಉಪಸ್ಥಿತರಿದ್ದರು. ವಾರುಣಿ ನಾಗರಾಜ್‌ ವಂದಿಸಿದರು.
