ಬೆಂಗಳೂರು : ರಂಗಾಯಣದ ಖ್ಯಾತ ಹಿರಿಯ ರಂಗಕರ್ಮಿ ಹುಲುಗಪ್ಪ ಕಟ್ಟೀಮನಿ ನಡೆಸಿಕೊಡುವ 7 ದಿನಗಳ ‘ನಾಟ್ಯಶಾಸ್ತ್ರದ ಪಾಠ’ ರಂಗಶಿಬಿರವು ದಿನಾಂಕ 01-07-2024 ರಿಂದ 07-07-2024ರ ವರೆಗೆ ಬೆಂಗಳೂರಿನ ಕುಮಾರಸ್ವಾಮಿ ಬಡಾವಣೆಯ ದಯಾನಂದ ಸಾಗರ ಕಾಲೇಜು ಬಳಿಯಿರುವ ಕೆ. ವಿ. ಸುಬ್ಬಣ್ಣ ರಂಗ ಮಂದಿರದಲ್ಲಿ ಸಂಜೆ ಘಂಟೆ 5.00 ರಿಂದ ರಾತ್ರಿ ಘಂಟೆ 9.00ರವರೆಗೆ ನಡೆಯಲಿದೆ.
ಶಿಬಿರದಲ್ಲಿ ನಟ ತನ್ನ ಒಳಾವರಣವನ್ನು ಶುದ್ಧೀಕರಿಸಿ ಕೊಳ್ಳುವ, ನಟನ ಒಳನೋಟ ಅಥವಾ ಆತ ಪಠ್ಯವನ್ನು ಗ್ರಹಿಸುವ, ನಟಿಸುವ ದಾರಿಯಲ್ಲಿ ನಟನಿಗೆ ಕಿರಿ ಕಿರಿ ಆದಲ್ಲಿ ಅದನ್ನು ಪರಿಹರಿಸಿಕೊಳ್ಳುವ, ತನ್ನ ಮನೋಧರ್ಮದೊಳಗೆ ವೇಷದ ಮನೋಧರ್ಮವನ್ನ ಅಳವಡಿಸಿಕೊಳ್ಳುವ, ನಟನೆ ಮತ್ತು ಆತ ತೊಡಲಿರುವ ವೇಷದ ಹಾಗೂ ಅವರಿಬ್ಬರ ನಡುವಿನ ತಾಕಲಾಟ ಹಾಗೂ ಹೊಸ ವೇಷ ತೊಡುವ ಮುನ್ನ ಹಿಂದೆ ತಾನು ತೊಟ್ಟ ವೇಷದ ಚರಿತ್ರೆಯನ್ನು ಅಳಿಸಿ ಹಾಕುವ ಮುಂತಾದ ವಿಷಯಗಳ ಬಗ್ಗೆ ತರಗತಿಗಳು ನಡೆಯಲಿರುವುದು.
ಆಸಕ್ತರು ಹೆಚ್ಚಿನ ಮಾಹಿತಿಗಾಗಿ – 9743912770 ಸಂಖ್ಯೆಯನ್ನು ಸಂಪರ್ಕಿಸಬಹುದು.
ಹುಲುಗಪ್ಪ ಕಟ್ಟೀಮನಿ
