ಶ್ರೀ ಜಯಪ್ರಕಾಶ್ ಬಿ.
ಶ್ರೀ ಜಯಪ್ರಕಾಶ್ ಬಿ. ಇವರು ಕಳೆದ 14 ವರ್ಷಗಳಿಂದ ಎಸ್.ಡಿ.ಎಂ. ಆಯುರ್ವೇದ ಆಸ್ಪತ್ರೆ ಬಿಜೈ ಇಲ್ಲಿ ಆಯುರ್ವೇದ ವೈದ್ಯರಾಗಿ ಕೆಲಸ ಮಾಡುತ್ತಿದ್ದಾರೆ. ಕಡಬ ತಾಲೂಕಿನಲ್ಲಿ ಜನಿಸಿದ ಇವರು ಶ್ರೀ ಭಾಸ್ಕರನ್ ನಾಯರ್ ಮತ್ತು ಶ್ರೀಮತಿ ಶಾಂತಕುಮಾರಿ ಇವರ ಸುಪುತ್ರ. ಪ್ರಾಥಮಿಕ ಶಿಕ್ಷಣ ಕಡಬ ಹಾಗೂ ಆಲಂಕಾರಿನಲ್ಲಿ, ಪದವಿ ಪೂರ್ವ ಶಿಕ್ಷಣ ಉಜಿರೆಯಲ್ಲಿ ಹಾಗೂ ಮೈಸೂರಿನಲ್ಲಿ ಬಿ.ಎ.ಎಂ.ಎಸ್. ಪದವಿ ಪಡೆದಿದ್ದಾರೆ. ಚಿಕ್ಕಂದಿನಿಂದಲೇ ಚಿತ್ರಕಲೆಯಲ್ಲಿ ಆಸಕ್ತಿ ಇದ್ದು ಯಾವುದೇ ಕಲಾಶಾಲೆಯಲ್ಲಿ ಕಲಿಯದೇ ಸ್ವಂತವಾಗಿ ಚಿತ್ರಕಲೆ ಅಭ್ಯಾಸ ಮಾಡಿರುವ ಇವರು ಹೈಯರ್ ಗ್ರೇಡ್ ಪರೀಕ್ಷೆಯಲ್ಲಿ ಕರ್ನಾಟಕ ರಾಜ್ಯಕ್ಕೆ ಪ್ರಥಮ ರ್ಯಾಂ ಕ್ ಪಡೆದಿದ್ದು, ಏಳನೇ ತರಗತಿಯ ಎಳವೆಯಲ್ಲಿಯೇ ಚಿತ್ರಕಲಾ ಪ್ರದರ್ಶನ ಮಾಡಿದ್ದು ಮೆಚ್ಚುವಂತ ವಿಚಾರ. ಹಲವಾರು ಪ್ರದರ್ಶನಗಳಲ್ಲಿ ಭಾಗವಹಿಸಿ ಅನುಭವಿಯಾದ ಇವರು ಕರಾವಳಿ ಕಲಾಮೇಳ ಕದ್ರಿ, ಫಿಷರಿಸ್ ಕಾಲೇಜು ಮಂಗಳೂರು ಹಾಗೂ ಬೊಕ್ಕಪಟ್ಣದಲ್ಲಿ ವಿಶ್ವಕಲಾ ದಿನದ ಪ್ರಯುಕ್ತ ನಡೆದ ಶಿಬಿರದಲ್ಲಿ ಭಾಗವಹಿಸಿದ್ದು, ದೆಹಲಿ, ಬೆಂಗಳೂರು ಮುಂತಾದ ಕಡೆ ಆನ್ಲೈನ್ ಚಿತ್ರಕಲಾ ಪ್ರದರ್ಶನದಲ್ಲಿಯೂ ಭಾಗವಹಿರುತ್ತಾರೆ. ಪ್ರಸ್ತುತ ಮಂಗಳೂರು ಕಲಾ ಚಾವಡಿಯ ಸದಸ್ಯರಾಗಿದ್ದಾರೆ. ಅಕ್ರ್ಯಿಲಿಕ್, ಜಲವರ್ಣ, ಕಲರ್ ಪೆನ್ಸಿಲ್ ಮುಂತಾದ ಮಾಧ್ಯಗಳಲ್ಲಿ ಚಿತ್ರ ರಚಿಸುತ್ತಿರುವ ಕಲಾವಿದ ಜಯಪ್ರಕಾಶ್ ಬಿ.ಯವರ ಕುಂಚದಿಂದ ಇನ್ನಷ್ಟು ಕಲಾಕೃತಿಗಳು ಮೂಡಿ ಬರಲಿ ಎಂದು ರೂವಾರಿ ತಂಡ ಶುಭ ಹಾರೈಸುತ್ತದೆ.
