ಫೆಬ್ರವರಿ 04, ಕಾಸರಗೋಡು: ಕಾಸರಗೋಡು ಕೂಡ್ಲು ನಗರ ಕೊರಗಜ್ಜ ದೈವಸ್ಥಾನದ ಬ್ರಹ್ಮಕಲಶೋತ್ಸವದಲ್ಲಿ ನಾಟ್ಯನಿಲಯಂ ಮಂಜೇಶ್ವರದ ಭರತನಾಟ್ಯ ಮತ್ತು ಜಾನಪದ ನೃತ್ಯ ಕಾರ್ಯಕ್ರಮ.
ಗುರು ಶ್ರೀ ಉಳ್ಳಾಲ ಮೋಹನ್ ಕುಮಾರ್ ಇವರ ಶಿಷ್ಯ ಕಲಾ ತಪಸ್ವಿ, ಗೋವಿಂದ ಪೈ ರಾಷ್ಟ್ರೀಯ ಪ್ರಶಸ್ತಿ ವಿಜೇತ ಶ್ರೀ ಬಾಲಕೃಷ್ಣ ಮಂಜೇಶ್ವರ ಇವರ ನೇತೃತ್ವದಲ್ಲಿ 4 ದಶಕಗಳಿಂದ ನೃತ್ಯ ಕಲಾ ಸೇವೆ ನಡೆಸುತ್ತಿರುವ ‘ನಾಟ್ಯ ನಿಲಯಂ ಮಂಜೇಶ್ವರ’ ತನ್ನ ಶಾಸ್ತ್ರೀಯ ಶೈಲಿಯ ನೃತ್ಯ ಕಲೆಗೆ ಹೆಸರುವಾಸಿಯಾಗಿದೆ. ಹಲವು ನೃತ್ಯ ಕಲಾವಿದರನ್ನು ಸಮಾಜಕ್ಕೆ ನೀಡಿದ ಮತ್ತು ನೀಡುತ್ತಿರುವ ಈ ಸಂಸ್ಥೆ ಭರತನಾಟ್ಯ ಕಲಾ ಕ್ಷೇತ್ರಕ್ಕೆ ಮಹತ್ತರ ಕೊಡುಗೆ ನೀಡಿದೆ.
