ಕಲ್ಲೇಗ : ಕಲ್ಲೇಗ ಶ್ರೀ ದೇವಿ ಭಜನಾ ಮಂದಿರ ಇಲ್ಲಿ ನವರಾತ್ರಿ ಉತ್ಸವದ ಅಂಗವಾಗಿ ಶ್ರೀ ಆಂಜನೇಯ ಯಕ್ಷಗಾನ ಕಲಾಸಂಘ ಬೊಳುವಾರು, ಪುತ್ತೂರು ಇದರ ವತಿಯಿಂದ ದಿನಾಂಕ 20-10-2023ರಂದು ‘ಪಂಚವಟಿ’ ಎಂಬ ತಾಳಮದ್ದಳೆ ನಡೆಯಿತು.
ಹಿಮ್ಮೇಳದಲ್ಲಿ ಭಾಗವತರಾಗಿ ಶ್ರೀ ಗಿರೀಶ್ ಮುಳಿಯಾಲ, ಚೆಂಡೆ ಮದ್ದಳೆಗಳಲ್ಲಿ ಶ್ರೀ ಪದ್ಯಾಣ ಶಂಕರನಾರಾಯಣ ಭಟ್ ಮತ್ತು ಶ್ರೀ ಮುರಳೀಧರ ಕಲ್ಲೂರಾಯ ಸಹಕರಿಸಿದರು. ಮುಮ್ಮೇಳದಲ್ಲಿ ಶ್ರೀ ಭಾಸ್ಕರ್ ಬಾರ್ಯ (ಶ್ರೀ ರಾಮ), ಶ್ರೀ ಗಣರಾಜ ಕುಂಬ್ಳೆ (ಶೂರ್ಪನಖಿ), ಶ್ರೀ ದಿವಾಕರ ಆಚಾರ್ಯ ಗೇರುಕಟ್ಟೆ (ಲಕ್ಷ್ಮಣ), ಶ್ರೀ ಸುಬ್ಬಪ್ಪ ಕೈಕಂಬ (ಸೀತೆ), ಶ್ರೀ ದುಗ್ಗಪ್ಪ ಅಂಜೇರಿ (ಋಷಿಗಳು) ಸಹಕರಿಸಿದರು. ಶ್ರೀ ವಿನೋದ್ ಕಲ್ಲೇಗ ಸ್ವಾಗತಿಸಿ, ಶ್ರೀ ಜಯರಾಂ ಕಲ್ಲೇಗ ವಂದಿಸಿದರು. ಶ್ರೀ ಸಂಜೀವ ಕಲ್ಲೇಗ ಹಾಗೂ ಭಜನಾ ಮಂಡಳಿಯ ಸದಸ್ಯರು ಉಪಸ್ಥಿತರಿದ್ದರು.
