ಧಾರವಾಡ : ಸಾಹಿತ್ಯ ಗಂಗಾ ಧಾರವಾಡ ಸಂಸ್ಥೆಯ ವತಿಯಿಂದ 2023ನೆಯ ಸಾಲಿನ ರಾಜ್ಯೋತ್ಸವದ ಪ್ರಯುಕ್ತ ರಾಜ್ಯಮಟ್ಟದ ಕವನ ಸ್ಪರ್ಧೆ ಆಯೋಜಿಸಲಾಗಿದ್ದು, ಪ್ರಥಮ, ದ್ವಿತೀಯ ಮತ್ತು ತೃತೀಯ ಬಹುಮಾನದೊಂದಿಗೆ ಎರಡು ಮೆಚ್ಚುಗೆ ಬಹುಮಾನ ನೀಡಲಾಗುವುದು. ವಿಜೇತರಿಗೆ ಪುಸ್ತಕ ಬಹುಮಾನ ಮತ್ತು ಪ್ರಶಸ್ತಿ ಪತ್ರ ನೀಡಲಾಗುವುದು. ಭಾಗವಹಿಸಿದ ಎಲ್ಲರಿಗೂ ಡಿಜಿಟಲ್ ಪ್ರಮಾಣ ಪತ್ರವನ್ನು ನೀಡಲಾಗುವುದು.
ಸ್ಪರ್ಧೆಯ ನಿಯಮಗಳು –
* ಸ್ಪರ್ಧೆಗೆ ಮುಕ್ತ ಪ್ರವೇಶವಿದ್ದು, ಯಾವುದೇ ಪ್ರವೇಶ ಶುಲ್ಕವಿರುವುದಿಲ್ಲ.
* ಒಬ್ಬರು ಒಂದು ಅಪ್ರಕಟಿತ, ಸ್ವತಂತ್ರ ಕವನವನ್ನು ಮಾತ್ರ ಕಳಿಸಬಹುದು.
* ಸ್ಪರ್ಧಿಗಳು ಯಾವುದೇ ವಿಷಯದ ಮೇಲೆ ಕವನಗಳನ್ನು ರಚಿಸಬಹುದು. ಅನುವಾದ, ಅನುಕರಣೆ, ರೂಪಾಂತರವಾದ ಕವನಗಳನ್ನು ಸ್ಪರ್ಧೆಗೆ ಪರಿಗಣಿಸಲಾಗುವುದಿಲ್ಲ.
* ಕವನವನ್ನು ತಪ್ಪಿಲ್ಲದಂತೆ ಟೈಪು ಮಾಡಿ, ಪಿ.ಡಿ.ಎಫ್. ರೂಪದಲ್ಲಿ ಕಳಿಸಬೇಕು.
* ಸ್ಪರ್ಧಿಯ ಪರಿಚಯ, ವಿಳಾಸ ಮತ್ತು ಒಂದು ಫೋಟೋವನ್ನು ಪ್ರತ್ಯೇಕವಾಗಿ ಕಳಿಸಬೇಕು.
* ಕವನಗಳನ್ನು ಕಳಿಸಲು 31-10-2023 ಕೊನೆಯ ದಿನಾಂಕವಾಗಿರುತ್ತದೆ.
* ಫಲಿತಾಂಶವನ್ನು ದಿನಾಂಕ 05-11-2023ರಂದು ಪ್ರಕಟಿಸಲಾಗುವುದು.
* ಸ್ಪರ್ಧಿಗಳು ನಮ್ಮ ವಾಟ್ಸಪ್ ನಂಬರಿಗೆ ನಿಗದಿತ ದಿನಾಂಕದೊಳಗೆ ಕವನಗಳನ್ನು ಕಳಿಸಬೇಕು.
ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಿ: ವಿಕಾಸ ಹೊಸಮನಿ – ಮೊ.9110687473 ಮತ್ತು ಸುಭಾಷ ಪಟ್ಟಾಜೆ – ಮೊ.9645081966
