ತೆಕ್ಕಟ್ಟೆ : ಕೈಲಾಸ ಕಲಾ ಕ್ಷೇತ್ರ ಟ್ರಸ್ಟ್ ಮತ್ತು ಯಶಸ್ವೀ ಕಲಾ ವೃಂದ (ರಿ.) ಕೊಮೆ ಇದರ ವತಿಯಿಂದ ‘ರಜಾ ರಂಗು 2024’ ಬೇಸಿಗೆ ಶಿಬಿರವನ್ನು ದಿನಾಂಕ 11-04-2024ರಿಂದ 05-05-2024ರವರೆಗೆ ಬೆಳಿಗ್ಗೆ 9ರಿಂದ ಸಂಜೆ 5ರ ತನಕ ತೆಕ್ಕಟ್ಟೆಯ ಜ್ಞಾನ ವಸಂತ ಪ್ರಕೃತಿ ಪಾಠ ಶಾಲೆಯಲ್ಲಿ ಹಮ್ಮಿಕೊಳ್ಳಲಾಗಿದೆ.
ಈ ಮಕ್ಕಳ ಬೇಸಿಗೆ ಶಿಬಿರವು ರೋಹಿತ್ ಎಸ್. ಬೈಕಾಡಿ ಮತ್ತು ಶ್ರೀಶ ಭಟ್ ಚುಕ್ಕಾಣಿಯಲ್ಲಿ ನಡೆಯಲಿದ್ದು, 8ರಿಂದ 15 ವರ್ಷದ ಮಕ್ಕಳು ಇದರಲ್ಲಿ ಭಾಗವಹಿಸಬಹುದು. ಹೆಚ್ಚಿನ ಮಾಹಿತಿಗಾಗಿ ವೆಂಕಟೇಶ ವೈದ್ಯ 9945947771 ಮತ್ತು ಶ್ರೀಶ ತೆಕ್ಕಟ್ಟೆ 8073998079 ಇವರನ್ನು ಸಂಪರ್ಕಿಸಬಹುದು.
ವಿಶೇಷತೆಯನ್ನೇ ಸಾಧಿಸುತ್ತಾ ಬಂದ ಸಂಸ್ಥೆ ಬೇಸಿಗೆ ಶಿಬಿರದಿಂದ ಮಕ್ಕಳಿಗೆ ಏನೆಲ್ಲಾ ಕಲಿಸಲು ಸಾಧ್ಯ. ಹೆಚ್ಚು ಹೆಚ್ಚು ಕಲಿಸಬೇಕು. ಮಕ್ಕಳು ಸಂಭ್ರಮಿಸಬೇಕು. ಸಂಪೂರ್ಣ ಬಾಲ್ಯ ದೊರಕಬೇಕು. ಆಡುತ್ತ, ನಲಿಯುತ್ತಾ ಕಲಿಯಬೇಕು. ಮುಂದೊಂದು ಸಂದರ್ಭದಲ್ಲಿ ಇದನ್ನೆಲ್ಲಾ ನೆನಪಿಸಿ ಸಂತಸ ಪಡುವ ಶಿಬಿರ ನಮ್ಮದಾಗಬೇಕೆಂಬ ಹುಡುಕಾಟದಲ್ಲಿದ್ದೇವೆ. ನಿಮ್ಮ ನಿಮ್ಮವರ ಮಕ್ಕಳನ್ನು ಶಿಬಿರಕ್ಕೆ ಸೇರಿಸುವ ಮೂಲಕವೂ ನೀವು ಜೊತೆಯಾಗಬಹುದು.
