13 ಫೆಬ್ರವರಿ 2023, ಬೆಳಗಾವಿ: ರಂಗಸಂಪದ ಬೆಳಗಾವಿ ಫೆಬ್ರವರಿ 11 ಮತ್ತು 12ರಂದು ಆಯೋಜಿಸಿದ ಎರಡು ದಿನಗಳ ರಂಗತರಬೇತಿ ಕಾರ್ಯಾಗಾರ ಬೆಳಗಾವಿಯ ಕನ್ನಡ ಸಾಹಿತ್ಯ ಭವನದಲ್ಲಿ ಅತೀ ಯಶಸ್ವಿಯಾಗಿ ಮೂಡಿಬಂತು. 16 ರಿಂದ 70 ವರ್ಷ ವಯಸ್ಸಿನ 25 ಅತೀ ಉತ್ಸಾಹೀ ರಂಗಾಸಕ್ತರು ತಮ್ಮ ಜೀವನದ ಸರ್ವ ಶ್ರೇಷ್ಠ ರಂಗತರಬೇತಿಯನ್ನು ಆನಂದಿಸಿದರು. ತರಬೇತಿದಾರ ಶ್ರೀ. ವೈಭವ ಲೋಕೂರ ಅವರ ಶ್ರೇಷ್ಟ ರಂಗತರಬೇತಿ ಎಲ್ಲರನ್ನೂ ಸತತವಾಗಿ ಒಂದು ಬೇರೆಯೇ ಲೋಕಕ್ಕೆ ಕೊಂಡೊಯ್ದು ವಿಶಿಷ್ಟ ಅನುಭವ ನೀಡಿತು. ರಂಗಸಂಪದ ಬೆಳಗಾವಿ ಮತ್ತೊಮ್ಮೆ ರಂಗಭೂಮಿಯ ಮತ್ತೊಂದು ಚಟುವಟಿಕೆಯನ್ನು ಯಶಸ್ವಿಯಾಗಿ ಪ್ರದರ್ಶಿಸಿತು.
