ಕುಂದಾಪುರ : ಅರೆಹೊಳೆ ಪ್ರತಿಷ್ಠಾನವು ನಂದಗೋಕುಲ ರೆಪರ್ಟರಿಯನ್ನು ಆರಂಭಿಸುತ್ತಿದ್ದು, ಇದರ ಮೊದಲ ನಾಟಕ ಪ್ರದರ್ಶನ ಮತ್ತು ರಂಗಸವಾರಿಯ ಆರಂಭೋತ್ಸವವನ್ನು ಅರೆಹೊಳೆಯ ಡಾ. ಹಂದಟ್ಟು ಹರೀಶ್ ಹಂದೆ ರಂಗಮಂದಿರದಲ್ಲಿ ದಿನಾಂಕ 20-07-2024ರ ಶನಿವಾರದಂದು ಆಯೋಜಿಸಲಾಗಿದೆ. ಅಂದಿನ ಸಮಾರಂಭದಲ್ಲಿ ಬೈಂದೂರಿನ ಸುರಭಿ (ರಿ) ಇದರ ಅಧ್ಯಕ್ಷರಾದ ನಾಗರಾಜ ಯಡ್ತರೆ, ತೆಕ್ಕಟ್ಟೆಯ ಯಶಸ್ವಿ ಕಲಾವೃಂದದ ಕಾರ್ಯದರ್ಶಿ ವೆಂಕಟೇಶ್ ವೈದ್ಯ, ಮರವಂತೆಯ ಲೆಕ್ಕ ಪರಿಶೋಧಕ ಜತೀಂದ್ರ ಮರವಂತೆ, ಬೆಂಗಳೂರಿನ ರಂಗಪಯಣದ ಮುಖ್ಯಸ್ಥ ರಾಜ್ ಗುರು ಹೊಸಕೋಟೆ ಹಾಗೂ ರಂಗನಿರ್ದೇಶಕ ಅಮಿತ್ ಜೆ. ರೆಡ್ಡಿ ಭಾಗವಹಿಸಲಿದ್ದಾರೆ. ರೆಪರ್ಟರಿಯ ಮೊದಲ ನಿರ್ಮಾಣದ ತಿರುಗಾಟದ ನಾಟಕ ಅಮಿತ್ ಜೆ. ರೆಡ್ಡಿಯವರ ನಿರ್ದೇಶನದಲ್ಲಿ ಶೂದ್ರಕ ಕವಿಯ ‘ಮೃಚ್ಛಕಟಿಕ’ ಆಧಾರಿತ ‘ಅಡುಗೆ ಮನೆಯ ಆಟದ ಬಂಡಿ’ ನಾಟಕ ಪ್ರದರ್ಶನಗೊಳ್ಳಲಿದೆ ಎಂದು ಅರೆಹೊಳೆ ಪ್ರತಿಷ್ಠಾನದ ನಂದಗೋಕುಲ ರೆಪರ್ಟರಿ ಮತ್ತು ರಂಗಶಿಕ್ಷಣ ಕೇಂದ್ರದ ನಿರ್ದೇಶಕಿ ಶ್ವೇತಾ ಅರೆಹೊಳೆ ತಿಳಿಸಿದ್ದಾರೆ.
