ಮಂಗಳೂರು : ರಾಮಕೃಷ್ಣ ಮಠದಲ್ಲಿ ಸೆಪ್ಟೆಂಬರ್ ತಿಂಗಳ ಭಜನ್ ಸಂಧ್ಯಾ ಕಾರ್ಯಕ್ರಮ ಸಂಪನ್ನಗೊಂಡಿತು. ಭಜನ್ ಸಂಧ್ಯಾದ ಐದನೇ ವಾರದ ಕಾರ್ಯಕ್ರಮವನ್ನು ದಿನಾಂಕ 03-09-2023ರಂದು ಬೋಳಾರದ ಶ್ರೀ ಸತ್ಯನಾರಾಯಣ ಭಜನಾ ಮಂದಿರದ ಸದಸ್ಯರು ಹಾಗೂ ಆರನೇ ವಾರದ ಭಜನಾ ಸೇವೆಯನ್ನು ದಿನಾಂಕ 10-09-2023ರಂದು ಜಪ್ಪು ಮಹಾಕಾಳಿಪಡ್ಪಿನ ಶ್ರೀ ಆದಿಮಹೇಶ್ವರಿ ವೈದ್ಯನಾಥ ಭಜನಾ ಮಂಡಳಿಯವರು ನೆರವೇರಿಸಿದರು.
ಭಜನಾ ತಂಡದ ಸೇವೆಯ ನಂತರ ಮಂಗಳೂರು ರಾಮಕೃಷ್ಣ ಮಠದ ಅಧ್ಯಕ್ಷರಾದ ಸ್ವಾಮಿ ಜಿತಕಾಮಾನಂದಜಿ ಅವರು ಆಶೀರ್ವಚನ ನೀಡಿದರು. ಈ ಸಂದರ್ಭದಲ್ಲಿ ಆಶ್ರಮದ ವತಿಯಿಂದ ಭಜನಾ ತಂಡಗಳಿಗೆ ಸ್ಮರಣಿಕೆ ನೀಡಿ ಗೌರವಿಸಲಾಯಿತು. ತದನಂತರ ಆರತಿ ಹಾಗೂ ಆಶ್ರಮದ ವಿದ್ಯಾರ್ಥಿಗಳಿಂದ ಭಜನೆ ನಡೆಯಿತು. ಈ ಕಾರ್ಯಕ್ರಮದಲ್ಲಿ ಆಶ್ರಮದ ಭಕ್ತರು, ಸ್ವಯಂಸೇವಕರು ಹಾಗೂ ಹಲವಾರು ಸಾರ್ವಜನಿಕರು ಭಾಗವಹಿಸಿದರು.
ಮುಂದಿನ ತಿಂಗಳ ಭಜನ್ ಸಂಧ್ಯಾ ಕಾರ್ಯಕ್ರಮವು ದಿನಾಂಕ 01-10-2023 ಭಾನುವಾರದಂದು ಸಂಜೆ 4 ಗಂಟೆಗೆ ಸರಿಯಾಗಿ ಶ್ರೀ ಜನಾರ್ದನ ಭಜನಾ ಮಂಡಳಿ ಜಪ್ಪು ಬಪ್ಪಾಲ್, ಮಂಗಳೂರು ಇವರಿಂದ ಭಜನಾ ಸೇವೆ ನಡೆಯಲಿದೆ.
ಶ್ರೀ ಸತ್ಯನಾರಾಯಣ ಭಜನಾ ಮಂದಿರದ ಸದಸ್ಯರು
ಶ್ರೀ ಆದಿಮಹೇಶ್ವರಿ ವೈದ್ಯನಾಥ ಭಜನಾ ಮಂಡಳಿ
