ಕಿನ್ನಿಗೋಳಿ : ಶಿವಪ್ರಣಂ (ರಿ.) ನೃತ್ಯ ತರಗತಿಯ ವತಿಯಿಂದ ಕಿನ್ನಿಗೋಳಿಯ ಯುಗಪುರುಷ ಮತ್ತು ನೇಕಾರ ಸೌಧ ಇವುಗಳ ಸಹಯೋಗದೊಂದಿಗೆ ‘ಶಿವಾಂಜಲಿ 2024’ ನೃತ್ಯ ಪ್ರದರ್ಶನವನ್ನು ದಿನಾಂಕ 08-06-2024, 09-06-2024 ಮತ್ತು 15-06-2024ರಂದು ಕಿನ್ನಿಗೋಳಿಯ ಯುಗಪುರುಷದಲ್ಲಿ ಹಮ್ಮಿಕೊಳ್ಳಲಾಗಿದೆ.
ದಿನಾಂಕ 08-06-2024ರಂದು ಸಂಜೆ ಗಂಟೆ 4-45ಕ್ಕೆ ಮಂಗಳೂರಿನ ಕೊಟ್ಟಾರದ ಭರತಾಂಜಲಿ (ರಿ.) ಇದರ ನಿರ್ದೇಶಕರಾದ ಗುರು ಶ್ರೀಧರ ಹೊಳ್ಳ ಹಾಗೂ ಶ್ರೀಮತಿ ಪ್ರತಿಮಾ ಶ್ರೀಧರ್ ಇವರ ಗೌರವ ಉಪಸ್ಥಿತಿಯಲ್ಲಿ ಕ.ಸಾ.ಪ.ದ ಮಾಜಿ ಅಧ್ಯಕ್ಷರಾದ ಡಾ. ಹರಿಕೃಷ್ಣ ಪುನರೂರು ಇವರು ಈ ಕಾರ್ಯಕ್ರಮವನ್ನು ಉದ್ಘಾಟಿಸಲಿದ್ದಾರೆ. ಯುಗಪುರುಷದ ಪ್ರಧಾನ ಸಂಪಾದಕರಾದ ಶ್ರೀ ಭುವನಾಭಿರಾಮ ಉಡುಪ ಇವರು ಮುಖ್ಯ ಅತಿಥಿಗಳಾಗಿ ಭಾಗವಹಿಸಲಿದ್ದಾರೆ. ನೃತ್ಯಾಂಗನ್ ಇದರ ಗುರು ರಾಧಿಕಾ ಶೆಟ್ಟಿ ಇವರ ಶಿಷ್ಯೆ ಅದಿತಿ ಲಕ್ಷ್ಮೀ, ನೃತ್ಯ ವಸಂತ ಇದರ ಗುರು ಪ್ರವಿತ ಅಶೋಕ್ ಇವರ ಶಿಷ್ಯೆಯರಾದ ಪೂರ್ವಿಕ ಹಾಗೂ ಗಾರ್ಗಿ ದೇವಿ, ಗಾನ ನೃತ್ಯ ಅಕಾಡೆಮಿ (ರಿ.) ಇದರ ಗುರು ವಿದ್ಯಾಶ್ರೀ ರಾಧಾಕೃಷ್ಣ ಇವರ ಶಿಷ್ಯೆ ವಿದುಷಿ ಅಂಕಿತ ರೈ ಮತ್ತು ಭರತಾಂಜಲಿ (ರಿ.) ಇದರ ಗುರು ಶ್ರೀಮತಿ ಪ್ರತಿಮಾ ಶ್ರೀಧರ್ ಹಾಗೂ ಶ್ರೀಧರ ಹೊಳ್ಳ ಇವರ ಶಿಷ್ಯೆ ವಿದುಷಿ ಪ್ರಕ್ಷಿಲಾ ಜೈನ್ ಇವರುಗಳು ನೃತ್ಯ ಪ್ರದರ್ಶನ ನೀಡಲಿದ್ದಾರೆ.
ದಿನಾಂಕ 09-06-2024ರಂದು ಸಂಜೆ 5-00 ಗಂಟೆಗೆ ಗುರು ಶ್ರೀಧರ ಹೊಳ್ಳ ಹಾಗೂ ಶ್ರೀಮತಿ ಪ್ರತಿಮಾ ಶ್ರೀಧರ್ ಇವರಿಂದ ದೀಪ ಪ್ರಜ್ವಲನೆಯೊಂದಿಗೆ ಪ್ರಾರಂಭವಾಗುವ ಕಾರ್ಯಕ್ರಮದಲ್ಲಿ ಶಿವಪ್ರಣಂ ಸಂಸ್ಥೆಯ ವಿದ್ಯಾರ್ಥಿಗಳು ‘ಶಿವಾಂಜಲಿ’ ನೃತ್ಯ ಪ್ರಸ್ತುತಗೊಳಿಸಲಿರುವರು.
ದಿನಾಂಕ 15-06-2024ರಂದು ಸಂಜೆ ಗಂಟೆ 4-45ಕ್ಕೆ ಕೊಲ್ಯದ ನಾಟ್ಯ ನಿಕೇತನದ ಗುರು ಶ್ರೀ ಮೋಹನ್ ಕುಮಾರ್ ಉಳ್ಳಾಲ ಮತ್ತು ಉರ್ವದ ನಾಟ್ಯಾಲಯದ ಗುರು ಶ್ರೀಮತಿ ಕಮಲಾ ಭಟ್ ಇವರು ದೀಪ ಪ್ರಜ್ವಲನೆ ಮಾಡಿ ಈ ಕಾರ್ಯಕ್ರಮವನ್ನು ಉದ್ಘಾಟಿಸಲಿರುವರು. ಗುರು ಶ್ರೀಮತಿ ಶ್ರೀಲತಾ ಪ್ರೀತಮ್ ಇವರ ಶಿಷ್ಯ ಆದಿತ್ಯ ಜಿ.ಎಸ್. ಬೆಂಗಳೂರು, ವಿದುಷಿ ಅನ್ನಪೂರ್ಣ ರಿತೇಶ್ ಇವರ ಶಿಷ್ಯೆ ಶ್ರೇಯ ಜಿ., ಗುರು ಮಂಜರಿ ಚಂದ್ರ ಇವರ ಶಿಷ್ಯೆ ಜಾನ್ಕಿ ಡಿ.ವಿ. ಹಾಗೂ ಬೆಂಗಳೂರಿನ ಪುಣ್ಯಾಃ ಡಾನ್ಸ್ ಕಂಪೆನಿಯ ಶ್ರೀ ಪಾರ್ಶ್ವನಾಥ್ ಉಪಾದ್ಯೆ ಇವರುಗಳಿಂದ ನೃತ್ಯ ಪ್ರದರ್ಶನ ನಡೆಯಲಿದೆ.
