ಮಂಗಳೂರು : ಆರ್ಟ್ ಕೆನರಾ ಟ್ರಸ್ಟ್, ಮಂಗಳೂರು ಮತ್ತು ಕವಿತಾ ಕುಟೀರ, ಪೆರಡಾಲ ಇವರ ಸಹಯೋಗದಲ್ಲಿ ಕಾಸರಗೋಡಿನ ಪೆರಡಾಲದಲ್ಲಿರುವ ನವಜೀವನ ಹೈಸ್ಕೂಲಿನ ಹಿರಿಯ ವಿದ್ಯಾರ್ಥಿಗಳ ಸಹಕಾರದೊಂದಿಗೆ ಆಯೋಜಿಸಲಾಗುವ ನೂರ ಒಂದು(101) ಕತೆ ಮತ್ತು ಕವನಗಳನ್ನು ಒಳಗೊಂಡ ಸಂಕಲನವನ್ನು ಪುಸ್ತಕ ರೂಪದಲ್ಲಿ ಪ್ರಕಟಿಸುವವರಿದ್ದು ಅವಕಾಶ ಪಡೆಯುವುದಕ್ಕಾಗಿ ತಮ್ಮ ಬರಹಗಳನ್ನು ದಿನಾಂಕ 30-10-2023ರ ಒಳಗಾಗಿ ಸಲ್ಲಿಸಲು ಕೋರಲಾಗಿದೆ.
ಕನ್ನಡ ಭಾಷೆಯಲ್ಲಿ ರಚಿತವಾದ ಕತೆ ಮತ್ತು ಕವನಗಳನ್ನು ಕಳುಹಿಸಲು ಅವಕಾಶವಿದ್ದು, ಆಯ್ಕೆಯಾದ ಬರಹಗಳನ್ನು 30-11-2023ರ ಒಳಗೆ ತಿಳಿಸಲಾಗುವುದು. ಆಯ್ಕೆಯಲ್ಲಿ ತೀರ್ಪುಗಾರರ ನಿರ್ಧಾರವೇ ಅಂತಿಮವಾಗಿರುತ್ತದೆ. ಆಯ್ಕೆಯಾದ ಬರಹಗಾರರಿಗೆ ಸಂಕಲನದ ಬಿಡುಗಡೆ ಸಂದರ್ಭದಲ್ಲಿ ಪ್ರಮಾಣಪತ್ರದೊಂದಿಗೆ ಪುಸ್ತಕವನ್ನು ಕೊಡಲಾಗುವುದು.
ದಕ್ಷಿಣ ಕನ್ನಡ, ಉಡುಪಿ ಮತ್ತು ಕಾಸರಗೋಡು ಜಿಲ್ಲೆಗಳಲ್ಲಿ ಹುಟ್ಟಿ ಬೆಳೆದ ಹಾಗೂ ವಿದ್ಯಾರ್ಥಿಗಳಾಗಿರುವ ಎಲ್ಲರಿಗೂ ಭಾಗವಹಿಸಲು ಅವಕಾಶವಿದ್ದು, ಲೇಖಕರು 18 ರಿಂದ 35 ವರ್ಷದ ಒಳಗಿನವರಾಗಿರಬೇಕು. (ಜನವರಿ 1988 ರಿಂದ ದಶಂಬರ 2004ರ ಮಧ್ಯೆ ಜನಿಸಿದವರು). 300 ಪದಗಳನ್ನು ಮೀರದಂತೆ ಕವನ ಮತ್ತು 500 ಪದಗಳನ್ನು ಮೀರದಂತೆ ಸಣ್ಣ ಕತೆ (Micro Stories) ಆಯ್ಕೆಗಾಗಿ 3 ರಿಂದ 5 ಕತೆ-ಕವನಗಳು ಅಥವಾ 10 ರಿಂದ 12 ಚುಟುಕುಗಳನ್ನು ಕಳುಹಿಸಬಹುದು. ಬರಹ ಯೂನಿಕೋಡ್ನಲ್ಲಿ ಇರಬೇಕು. ಸ್ವಂತ ರಚನೆ ಆಗಿರಬೇಕು. ಯಾವುದೇ ಪತ್ರಿಕೆಗಳಲ್ಲಿ ಅಥವಾ ಬ್ಲಾಗ್ ಗಳಲ್ಲಿ ಪ್ರಕಟವಾಗಿರಬಾರದು. ಕೃತಿ ಚೌರ್ಯಕ್ಕೆ ಅವಕಾಶವಿಲ್ಲ. ಮಾಡಿದಲ್ಲಿ ಅವರೇ ಜವಾಬ್ದಾರರು.
ಭಾಗವಹಿಸುವ ಲೇಖಕರು ಪ್ರತ್ಯೇಕ ಪುಟದಲ್ಲಿ ಹೆಸರು. 80 ಪದಗಳಿಗೆ ಮೀರದ ಕಿರು ಪರಿಚಯ, ಅಂಚೆ ವಿಳಾಸ, ಮೊಬೈಲ್ ನಂಬರ್, ಇಮೇಲ್, ಭಾವಚಿತ್ರ, ಕಾಲೇಜಿನ ಐಡಿ ಅಥವಾ ಆಧಾರ್ ಪ್ರತಿಯನ್ನು ಕಳುಹಿಸತಕ್ಕದ್ದು.
ಬರಹಗಳನ್ನು [email protected] ಈ ಇ-ಮೇಲ್ ಗೆ ಕಳುಹಿಸತಕ್ಕದ್ದು.
ಆರ್ಟ್ ಕೆನರ ಟ್ರಸ್ಟ್ , ಕೊಡಿಯಾಲ್ ಗುತ್ತು, ಕಲೆ ಮತ್ತು ಸಾಂಸ್ಕೃತಿಕ ಕೇಂದ್ರ 12/1139/1, ಕೊಡಿಯಾಲ್ ಗುತ್ತು (ಪಶ್ಚಿಮ) ಬಂಗಾರ್ ಗುತ್ತು ರಸ್ತೆ, ಮಂಗಳೂರು – 575003
