ಮಂಗಳೂರು : ಕೊಂಕಣಿಯಲ್ಲಿ ಮಕ್ಕಳ ಸಾಹಿತ್ಯವನ್ನು ಸಮೃದ್ಧಗೊಳಿಸುವ ಮಹತ್ವದ ಪ್ರಯತ್ನವಾಗಿ, ಮಾಂಡ್ ಸೊಭಾಣ್, ತನ್ನ ’ಮಿಟಾಕಣ್’ ಸಾಹಿತ್ಯ ಅಕಾಡೆಮಿ ಮೂಲಕ 2025 ಜೂನ್ 28 ಮತ್ತು 29 ರಂದು ಕಲಾಂಗಣದಲ್ಲಿ ಮಕ್ಕಳ ಕಥೆಗಳ ಅನುವಾದ ಕಾರ್ಯಗಾರವನ್ನು ಆಯೋಜಿಸಿದೆ. ಈ ಕಾರ್ಯಾಗಾರವು, ಮಕ್ಕಳ ಕಥೆಗಳ ಕೊರತೆಯನ್ನು ಗಮನಿಸಿ ಬೇರೆ ಭಾಷೆಗಳಿಂದ ಪ್ರಸಿದ್ಧ ಮಕ್ಕಳ ಕಥೆಗಳನ್ನು ಅನುವಾದಿಸಿ, ಕೊಂಕಣಿ ಸಾಹಿತ್ಯ ಸಂಪತ್ತನ್ನು ವಿಸ್ತರಿಸುವ ಒಂದು ಪ್ರಯತ್ನವಾಗಿದೆ.
ಕಾರ್ಯಾಗಾರದಲ್ಲಿ ಖ್ಯಾತ ಲೇಖಕರು ಸಂಪನ್ಮೂಲ ವ್ಯಕ್ತಿಗಳಾಗಿ ಭಾಗವಹಿಸಲಿದ್ದು, ಭಾಗವಹಿಸುವವರಿಗೆ ಅನುವಾದದ ತಾಂತ್ರಿಕತೆ ಮತ್ತು ರಚನಾತ್ಮಕತೆ ಬಗ್ಗೆ ಮಾಹಿತಿ ನೀಡಲಿದ್ದಾರೆ. ಭಾಗವಹಿಸುವವರು ಯಾವುದೇ ಭಾಷೆಯ ಎರಡು ಕಥೆಗಳನ್ನು ತರಬೇಕು ಹಾಗೂ ಕಾರ್ಯಾಗಾರದಲ್ಲಿ ಅನುವಾದಗೊಂಡ ಆಯ್ದ ಕಥೆಗಳನ್ನು ಮಾಂಡ್ ಸೊಭಾಣ್ ಪುಸ್ತಕ ರೂಪದಲ್ಲಿ ಪ್ರಕಟಿಸಲಿದೆ.
ಈ ಕಾರ್ಯಾಗಾರಕ್ಕೆ ನೋಂದಣಿ ಶುಲ್ಕವಿರುವುದಿಲ್ಲ. ಆದರೆ ಭಾಗವಹಿಸಲು ಕನಿಷ್ಟ ವಯಸ್ಸು 18 ವರ್ಷ ಆಗಿರಬೇಕು. ಊಟ ಮತ್ತು ವಸತಿ ವ್ಯವಸ್ಥೆ ಒದಗಿಸಲಾಗುವುದು. ಹೆಸರು ನೋಂದಾಯಿಸಲು ಫೋ: 8105226626, ಕಲಾಂಗಣ್, ಮಕಾಳೆ, ಶಕ್ತಿನಗರ, ಮಂಗಳೂರು-16
