ಉಡುಪಿ : ಉಡುಪಿಯ ಎಂ.ಜಿ.ಎಂ. ಕಾಲೇಜಿನ ಮುದ್ದಣ ಮಂಟಪದಲ್ಲಿ ನೃತ್ಯನಿಕೇತನ ಕೊಡವೂರು ಇವರು ಆಯೋಜನೆ ಮಾಡಿದ ಎರಡು ದಿವಸಗಳ ‘ನೃತ್ಯದೀಪೋತ್ಸವ’ ಕಾರ್ಯಕ್ರಮವು ದಿನಾಂಕ 03 ನವೆಂಬರ್ 2024ರಂದು ಬಹಳ ವಿಜೃಂಭಣೆಯಿಂದ ಸಮಾಪನಗೊಂಡಿತು.
ಸಮಾರೋಪ ಸಮಾರಂಭದಲ್ಲಿ ಅತಿಥಿಗಳಾಗಿ ಯಶಸ್ವಿ ಸಂಸ್ಥೆಯ ಆಡಳಿತ ನಿರ್ದೇಶಕರಾದ ಶ್ರೀ ಸಾಧು ಸಾಲ್ಯಾನ್ ಕೊಡವೂರು, ಸೆಂಚುರಿ ಫಾರ್ಮಿನ ಆಡಳಿತಪಾಲುದಾರರಾದ ಶ್ರೀ ರಾಜಾರಾಮ್ ಭಟ್, ಕೆನರ ಕ್ರೆಡಿಟ್ ಕೋಪರೇಟಿವ್ ಸಂಸ್ಥೆಯ ಅಧ್ಯಕ್ಷರಾದ ಶ್ರೀ ಮೋಹನ ಉಪಾಧ್ಯಾಯ, ಕರ್ಕೇರ ಇಂಜಿನಿಯರಿಂಗ್ ವರ್ಕ್ಸ್ ಮಲ್ಪೆ ಇದರ ಮುಖ್ಯಸ್ಥರಾದ ಶ್ರೀ ಪ್ರಕಾಶ್ ಕರ್ಕೇರ, ವಿ.ಡಿ. ಎಂಟರ್ ಪ್ರೈಸಸ್ ಇದರ ಮ್ಯಾನೇಜಿಂಗ್ ಡೈರೆಕ್ಟರ್ ಆಗಿರುವ ಶ್ರೀ ದಿನೇಶ್ ಭಟ್ ಕಿನ್ನಿಮುಲ್ಕಿ, ಸಿವಿಲ್ ಇಂಜಿನಿಯರ್ ಶ್ರೀ ವಿಶ್ವನಾಥ್ ಭಟ್, ಕರ್ನಾಟಕ ಕರಾವಳಿ ನೃತ್ಯಕಲಾ ಪರಿಷತ್ತಿನ ಉಪಾಧ್ಯಕ್ಷರಾದ ಚಂದ್ರಶೇಖರ ನಾವಡ ಉಪಸ್ಥಿತರಿದ್ದರು. ನೃತ್ಯನಿಕೇತನ ಕೊಡವೂರಿನ ಮುನ್ನೂರು ಜನ ನೃತ್ಯಕಲಾವಿದೆಯರು ಅಮೋಘವಾಗಿ ನೃತ್ಯ ಪ್ರದರ್ಶನ ನೀಡಿದರು. ಪೂರ್ಣಿಮಾ ಜನಾರ್ದನ್ ನಿರೂಪಿಸಿದ ಕಾರ್ಯಕ್ರಮಕ್ಕೆ ಸಂಸ್ಥೆಯ ನಿರ್ದೇಶಕರಾದ ವಿದ್ವಾನ್ ಸುಧೀರ್ ರಾವ್ ಸ್ವಾಗತಿಸಿ, ವಿದುಷಿ ಮಾನಸಿ ಸುಧೀರ್ ವಂದಿಸಿದರು.
