ಮಂಗಳೂರು : ಶ್ರೀ ಮಹಾದೇವಿ ಯಕ್ಷ ನಾಟ್ಯಾಲಯ ಬಜಪೆ ಆಯೋಜಿಸಿದ ಯಕ್ಷಗಾನ ಚಂಡೆ, ಮದ್ದಳೆ ಹಾಗೂ ಭಾಗವತಿಕೆ ತರಗತಿಗಳ ಉದ್ಘಾಟನಾ ಸಮಾರಂಭ ದಿನಾಂಕ 17-09-2023ರಂದು ಬಜಪೆಯ ಪೆರ್ಮುದೆಯಲ್ಲಿರುವ ಶಾರದಾ ಯಕ್ಷಗಾನ ಮಂಡಳಿ (ರಿ.)ಯಲ್ಲಿ ನಡೆಯಿತು.
ಯಕ್ಷಗಾನ ತರಗತಿಯನ್ನು ಚಂಡೆ, ಮದ್ದಳೆ ಹಾಗೂ ಭಾಗವತಿಕೆ ಗುರುಗಳಾದ ಮಣಿಮುಂಡ ಸುಬ್ರಮಣ್ಯ ಶಾಸ್ತ್ರಿ ಉದ್ಘಾಟಿಸಿದರು, ಈ ಕಾರ್ಯಕ್ರಮದಲ್ಲಿ ಯಕ್ಷಗಾನ ನಾಟ್ಯ ಗುರುಗಳಾದ ರಾಜೇಶ್ ಕಟೀಲು, ಕೃಷ್ಣ, ದಯಾವತಿ, ಗುರುರಾಜ ಶೆಟ್ಟಿ, ಭರತೇಶ್ ಶೆಟ್ಟಿ, ಸುರೇಶ್ ಬಜಪೆ, ವಿದ್ಯಾರ್ಥಿಗಳು ಮತ್ತು ಪೋಷಕರು ಉಪಸ್ಥಿತರಿದ್ದರು.
