ಮಂಗಳೂರು : ಪಡೀಲ್‌ನ ಆತ್ಮಶಕ್ತಿ ಸೌಧದಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ಸಾಮಾಜಿಕ ಸೇವಾ ಸಂಸ್ಥೆ ‘ಬ್ರಹ್ಮಶ್ರೀ ನಾರಾಯಣ ಗುರುಸ್ವಾಮಿ ಪ್ರಕಾಶನ ಮತ್ತು ಚಾರಿಟೇಬಲ್ ಟ್ರಸ್ಟ್’ ಆರಂಭವಾಗಿ 20 ವರ್ಷ ತುಂಬುತ್ತಿರುವ ಹಿನ್ನೆಲೆಯಲ್ಲಿ ದ್ವಿದಶಮ ಆಚರಣೆ ನಿಮಿತ್ತ ಪದವಿ ವಿದ್ಯಾರ್ಥಿಗಳಿಗಾಗಿ ಪ್ರಬಂಧ ಸ್ಪರ್ಧೆ ಆಯೋಜಿಸಲಾಗಿದೆ.
ವಿದ್ಯಾರ್ಥಿಗಳು ಎ4 ಶೀಟ್‌ನಲ್ಲಿ ಪ್ರಬಂಧವನ್ನು ಮೂರು ಪುಟಕ್ಕೆ ಮೀರದಂತೆ ಬರೆದು ದಿನಾಂಕ 15-10-2023ರೊಳಗೆ ಅಧ್ಯಕ್ಷರು, ಬ್ರಹ್ಮಶ್ರೀ ನಾರಾಯಣ ಗುರುಸ್ವಾಮಿ ಪ್ರಕಾಶನ ಮತ್ತು ಚಾರಿಟೇಬಲ್ ಟ್ರಸ್ಟ್, ಆತ್ಮಶಕ್ತಿ ಸೌಧ, ಬೈರಾಡಿಕೆರೆ ಬಳಿ, ಪಡೀಲ್, ಮಂಗಳೂರು, ಇವರಿಗೆ ಸಲ್ಲುವಂತೆ ಕಳುಹಿಸಿಕೊಡಬೇಕು.
ಪ್ರಬಂಧದ ವಿಷಯ ‘ಸಮಾಜ ಸೇವೆ ಇಂದಿನ ಅಗತ್ಯ’. ವಿದ್ಯಾರ್ಥಿಗಳು ತಮ್ಮ ಪ್ರಬಂಧದೊಂದಿಗೆ ಶಾಲಾ ಪ್ರಾಚಾರ್ಯರಿಂದ ಕಲಿಕೆ ದೃಢೀಕೃತ ಪತ್ರವನ್ನು ಲಗತ್ತಿಸಲು, ಶಾಲಾ ವಿಳಾಸ, ದೂರವಾಣಿ ಸಂಖ್ಯೆಯನ್ನು ಸ್ಪಷ್ಟವಾಗಿ ನಮೂದಿಸಲು ಸೂಚಿಸಲಾಗಿದೆ. ವಿಜೇತರಿಗೆ ಪ್ರಥಮ, ದ್ವಿತೀಯ, ತೃತೀಯ ಬಹುಮಾನ ನೀಡಲಾಗುವುದು. ಮಾಹಿತಿಗೆ ಮೊ.9880051038, 9164229115 ಅಥವಾ 9900487611 ಸಂಪರ್ಕಿಸಬಹುದು.
