ಹೊಸಕೋಟೆ : ಹೊಸಕೋಟೆಯ ‘ಜನಪದರು ಸಾಂಸ್ಕೃತಿಕ ವೇದಿಕೆ (ರಿ)’ ಆಯೋಜಿಸುವ ಪ್ರತಿ ತಿಂಗಳ ಎರಡನೇ ಶನಿವಾರದ ರಂಗಮಾಲೆ -79ರ ನಾಟಕ ಸರಣಿಯ ಅಂಗವಾಗಿ ದಿನಾಂಕ 10-02-2024ರ ಶನಿವಾರ ರಂಗರಥ ಬೆಂಗಳೂರು ಪ್ರಸ್ತುತಪಡಿಸಿದ ಆಫ್ರಿಕನ್ ಖ್ಯಾತ ನಾಟಕಕಾರ ವಾರಿಯೋ ಪೋ ರಚನೆಯ ಕೆ.ವಿ. ಅಕ್ಷರ ಅನುವಾದಿಸಿ, ಆಸಿಫ್ ಕ್ಷತ್ರಿಯ ಮತ್ತು ಶ್ವೇತಾ ಶ್ರೀನಿವಾಸ್ ಇವರು ನಿರ್ದೇಶನ ಮಾಡಿದ ವೈನೋದಿಕ ನಾಟಕ ‘ಇದ್ದಾಗ ನಿಮ್ದು ಕದ್ದಾಗ ನಮ್ದು’ ಏರ್ಪಡಿಸಲಾಗಿತ್ತು. ನಾಟಕ ಪ್ರದರ್ಶನವನ್ನು ವೇದಿಕೆ ಅಧ್ಯಕ್ಷ ಕೆ.ವಿ. ವೆಂಕಟರಮಣಪ್ಪ @ ಪಾಪಣ್ಣ ಕಾಟಂನಲ್ಲೂರು ಉದ್ಘಾಟಿಸಿ ಮಾತನಾಡಿದ ಅವರು ಜಗತ್ತಿನ ಶ್ರೇಷ್ಠ ಲೇಖಕ ನೋಬಲ್ ವಿಜೇತ ಆಫ್ರಿಕಾದ ಹಾಗೂ ತೃತೀಯ ಜಗತ್ತಿನ ರಾಷ್ಟ್ರಗಳ ಆಧುನಿಕ ಮಧ್ಯಮ ವರ್ಗದ ಜನಸಮುದಾಯದ ಶ್ರೇಷ್ಠ ನಾಟಕಕಾರ. ದಾರಿಯೊ ಪೋ ಇಂದಿನ ಭವಣೆಯ ಬದುಕು ಎಷ್ಟು ಅಪನಂಬಿಕೆ, ಗೊಂದಲ, ತಲ್ಲಣಗಳಿಂದ ಕೂಡಿದೆ. ನೆಮ್ಮದಿಯ ಬಾಳು ಹೇಗೆ ಹಾಳು ಮಾಡಿದೆ ಎಂಬ ವಾಸ್ತವ ಕಾಲ ದೇಶ ಮೀರಿದೆ ಎಂಬದನ್ನು ತೆರೆದಿಟ್ಟ ಅಪರೂಪದ ನಾಟಕ ಇದು ಎಂದರು. ಇದೇ ಸಂದರ್ಭದಲ್ಲಿ ರಂಗ ರಥ ತಂಡದ ನಿರ್ದೇಶಕ ಹಿರಿಯ ರಂಗಕರ್ಮಿ ಆಸಿಫ್ ಕ್ಷತ್ರಿಯರನ್ನು ಹಾಗೂ ಪ್ರಾಯೋಜಕ ಹಾಗೂ ಸಮಾಜ ಸೇವಕ ಬೊಮ್ಮೇನಹಳ್ಳಿ ಮುನಿರಾಜು ಗೌಡನನ್ನು ಸನ್ಮಾನಿಸಲಾಯಿತು. ನಾಟಕವು ನೆರೆದ ಪ್ರೇಕ್ಷಕರನ್ನು ನಗೆಗಡಲಲ್ಲಿ ತೇಲಿಸಿತು. ಪದಾಧಿಕಾರಿಗಳಾದ ಸಿದ್ದೇಶ್ವರ ನನಸುಮನೆ ಜನದೀಶ್ ಕೆಂಗನಾಳ, ಎಂ. ಸುರೇಶ್, ಶಿವಕುಮಾರ್, ಅಗ್ರಹಾರ ಮುನಿರಾಜ್ ಉಪಸ್ಥಿತರಿದ್ದರು.
