ಮಂಗಳೂರು ಗೋವಿಂದದಾಸ ಕಾಲೇಜಿನಲ್ಲಿ ‘ಪುಸ್ತಕ ಪ್ರೀತಿ ಪರಿಚಯ’

ಸುರತ್ಕಲ್: ಗೋವಿಂದದಾಸ ಕಾಲೇಜಿನ ಗ್ರಂಥಾಲಯ ವಿಭಾಗ ಮತ್ತು ಆಂತರಿಕ ಗುಣಮಟ್ಟ ಖಾತರಿ ಕೋಶ ಇವುಗಳ ಸಂಯುಕ್ತ ಆಶ್ರಯದಲ್ಲಿ ನಡೆದ ಪುಸ್ತಕಪ್ರೀತಿ ಪರಿಚಯ ಸರಣಿ ಕಾರ್ಯಕ್ರಮದಲ್ಲಿ, ದ್ವಿತೀಯ ಬಿ.ಎ. ವಿದ್ಯಾರ್ಥಿ ಎಲ್.ಕೆ. ಭೀಮರಾಜ್‌ರವರು, ಡಾ|| ಎಸ್. ನರೇಂದ್ರಕುಮಾರ್ ಬರೆದಿರುವ “ಮಹಾ ಮಾನವತಾವಾದಿ, ಭಾರತರತ್ನ ಡಾ|| ಬಿ.ಆರ್. ಅಂಬೇಡ್ಕರ್” ಪುಸ್ತಕದಲ್ಲಿ ಅಂಬೇಡ್ಕರ್‌ರವರ ಜೀವನ ಚರಿತ್ರೆಯನ್ನು ಪರಿಚಯಿಸಿದರು.

ಆಂತರಿಕ ಗುಣಮಟ್ಟ ಖಾತರಿ ಕೋಶದ ಸಂಯೋಜಕ ಪ್ರೊ. ಹರೀಶ್‌ ಆಚಾರ್ಯ, ಉಪನ್ಯಾಸಕಿಯಾರಾದ ದಯಾ ಸುವರ್ಣ, ಕ್ಯಾ. ಸುಧಾಯು ಶೆಟ್ಟಿ, ಡಾ| ವಿಜಯಲಕ್ಷ್ಮಿ, ರಶ್ಮೀ, ಗ್ರಂಥಪಾಲಕಿ ಡಾ|| ಸುಜಾತ.ಬಿ, ಗ್ರಂಥಾಲಯ ಸಿಬ್ಬಂದಿ ಸುಮನ್ ಉಪಸ್ಥಿತರಿದ್ದರು. ದ್ವಿತೀಯ ಬಿ.ಎ. ವಿದ್ಯಾರ್ಥಿನಿ ಶಿರಿನ್ ವಂದಿಸಿದರು. ಶಿಫ್ನಾಝ್ ಕಾರ್ಯಕ್ರಮವನ್ನು ನಿರೂಪಿಸಿದರು. ಪುಸ್ತಕ ಪರಿಚಯಿಸಿದ ಎಲ್.ಕೆ. ಭೀಮರಾಜ್‌ರವರಿಗೆ ಪ್ರಾಂಶುಪಾಲರಾದ ಪ್ರೊ. ಕೃಷ್ಣಮೂರ್ತಿ ಸ್ಮರಣಿಕೆ ನೀಡಿ ಗೌರವಿಸಿದರು.