Subscribe to Updates

    Get the latest creative news from FooBar about art, design and business.

    What's Hot

    ರಾಜ್ಯ ಮಟ್ಟದ ಸಂಶೋಧನಾ ಕಮ್ಮಟ ‘ಕನ್ನಡ ನಾಟಕಗಳ ವಿಭಿನ್ನ ನೆಲೆಗಳು’ | ಮೇ 27

    May 23, 2025

    ಪುತ್ತೂರಿನ ‘ಬಹುವಚನಂ’ ಸಭಾಂಗಣದಲ್ಲಿ ಅದ್ಭುತವಾಗಿ ಸಂಪನ್ನಗೊಂಡ ಸಂಗೀತ ಕಛೇರಿ

    May 23, 2025

    ಮಂಡ್ಯದ ಶ್ರೀ ನಾಲ್ವಡಿ ಕೃಷ್ಣರಾಜ ಒಡೆಯರ್ ಕಲಾಮಂದಿರದಲ್ಲಿ ‘ಅಣ್ಣನ ನೆನಪು’ ಸಾಕ್ಷ್ಯ ನಾಟಕ | ಮೇ 24

    May 23, 2025
    Facebook Twitter Instagram
    Facebook Twitter Instagram YouTube
    Roovari
    Account
    Membership Plans
    Login
    • Home
    • News
    • Contact US
    Roovari
    Home » ನಾಟಕ ವಿಮರ್ಶೆ | ‘ಅಡುಗೆ ಮಾತು’ ಏಕವ್ಯಕ್ತಿ ನಾಟಕ ಪ್ರದರ್ಶನ
    Drama

    ನಾಟಕ ವಿಮರ್ಶೆ | ‘ಅಡುಗೆ ಮಾತು’ ಏಕವ್ಯಕ್ತಿ ನಾಟಕ ಪ್ರದರ್ಶನ

    January 28, 2025No Comments2 Mins Read
    Facebook Twitter Pinterest LinkedIn Tumblr WhatsApp VKontakte Email
    Share
    Facebook Twitter LinkedIn Pinterest Email

    ರಂಗ ಕರ್ಮಿ ಮ್ಯಾಥ್ಯೂ ಸುರಾನಿ ಅವರ ಸುರಾನಿಯ ನಿವಾಸದ ಆವರಣದಲ್ಲಿ ದಿನಾಂಕ 24 ಜನವರಿ 2025ರ ಸಂಜೆ ಅಡುಗೆಯ ಘಮ ಘಮ ಮತ್ತು ಅಡುಗೆಯದ್ದೇ ಮಾತುಗಳು !! ಇದನ್ನು ಆಸ್ವಾದಿಸಲು ಮತ್ತು ಮಾತುಗಳನ್ನು ಕೇಳಿಸಿಕೊಳ್ಳಲು ರಂಗಾಸಕ್ತರು ಮತ್ತು ಗ್ರಾಮಸ್ಥರು ಕುತೂಹಲದಿಂದ ಬಂದು ಸೇರಿದ್ದರು.

    ಇದೇನು ಅಡುಗೆ ಮಾತಿರಬಹುದು ಎಂದು ಆಗಮಿಸಿದ್ದ ರಂಗಾಸಕ್ತರಿಗೆ ನಿರಾಶೆಯಂತೂ ಖಂಡಿತಾ ಆಗಲಿಲ್ಲ. ಏಕೆಂದರೆ ಅಡುಗೆ ಮನೆಯಲ್ಲಿ ಹೆಣ್ಣೊಬ್ಬಳು ಅಡುಗೆ ಮಾಡುವಾಗ ಪಡುವ ಪಡಿಪಾಟಲುಗಳು ಅನಾವರಣಗೊಂಡಿದ್ದು ಮಾತ್ರವಲ್ಲ, ಅಡುಗೆ ಮಾಡಿ ಬಳಸುವುದರಲ್ಲಿಯೇ ಸುಖ ಕಾಣುವ ಅವಳ ಸಹನಾಶೀಲ ಗುಣವೂ ಅಭಿವ್ಯಕ್ತವಾಯಿತು.

    ಲಕ್ಷಾಧೀಶ್ವರ, ಕೋಟ್ಯಾಧೀಶರಾದರೂ ಬದುಕಲು ಹಣ ತಿನ್ನಲಾಗುತ್ತದೆಯೇ ?? ಹಸಿವ ನೀಗಿಸಿಕೊಳ್ಳಲು ಅಡುಗೆ ಮಾಡಲೇಬೇಕು. ಈ ಅಡುಗೆ ತಯಾರಿಗೆ ಬೇಕಲ್ಲವೆ ಅಕ್ಕಿ, ಜೋಳ, ರಾಗಿ, ಧಾನ್ಯಗಳು, ತರಕಾರಿಗಳು. ಇದೇನು ಯಾವುದಾದರೂ ಕಾರ್ಖಾನೆಯಲ್ಲಿ ತಯಾರಾಗಿ ಬರುತ್ತವೆಯೇ?! ಅಡುಗೆಗೆ ಪದಾರ್ಥಗಳು ಬರುವುದೇ ರೈತರಿಂದ ತಾನೆ ? ಅಂದ ಹಾಗೆ ಎಲ್ಲರ ಹಸಿವ ನೀಗಿಸುವ ಈ ರೈತ ಸುಖವಾಗಿದ್ದಾನೆಯೇ ??

    ಇದೆಲ್ಲವನ್ನೂ ಪ್ರಸಿದ್ದ ರಂಗ ನಟಿ, ನೀನಾಸಂ ಹಾಗೂ ದೆಹಲಿಯ ಎನ್.ಎಸ್.ಡಿ.ಯಲ್ಲಿ ತರಬೇತಿ ಪಡೆದಿರುವ ಹಾಗೂ ಈಗಾಗಲೇ ‘ಲೀಕ್ ಔಟ್’ ನಾಟಕದ ನೂರು ಪ್ರಯೋಗಗಳ ದಾಖಲೆ ಮಾಡಿರುವ ಮತ್ತು ಅನೇಕ ಕಲಾತ್ಮಕ ಚಲನಚಿತ್ರಗಳಲ್ಲಿ ಅದ್ಭುತವಾಗಿ ನಟಿಸಿ ನಾಡಿನುದ್ದಗಲ ಗಮನ ಸೆಳೆದಿರುವ ಅಕ್ಷತಾ ಪಾಂಡವಪುರ ಇವರು ತಮ್ಮ ‘ಅಡುಗೆ ಮಾತು’ ಏಕವ್ಯಕ್ತಿ ನಾಟಕ ಪ್ರದರ್ಶನದಲ್ಲಿ ನೋಡುಗರ ಮನಮುಟ್ಟುವಂತೆ ಅಭಿನಯ ಮತ್ತು ಮಾತುಗಳ ಮೂಲಕ ಕಟ್ಟಿಕೊಡುತ್ತಾರೆಂದರೆ ನಿಮಗೆಲ್ಲ ಆಶ್ಚರ್ಯ ಮತ್ತು ಕುತೂಹಲವಾಗುವುದು ಸಹಜವಲ್ಲವೆ ??

    ನಾಟಕ ನೋಡಲು ಬಂದವರನ್ನೇ ತಮ್ಮ ನಾಟಕದ ಪಾತ್ರಗಳನ್ನಾಗಿ ಪರಿವರ್ತಿಸಿ ಎಲ್ಲರನ್ನೂ ಚಿಂತನೆಗೆ ಹಚ್ಚುವ ಅಕ್ಷತಾರ ರಂಗ ಪ್ರತಿಭೆಯೇ ಅನನ್ಯವಾದುದು. ಈ ನಾಟಕದಲ್ಲಿ ತನ್ಮಯರಾಗಿ ಬಿಡುವ ಅಕ್ಷತಾ ತಾನು ಹೇಳುವ ವಿಷಯ ಮತ್ತು ಸಾಮಾಜಿಕ ಸಂದೇಶಗಳು ನೋಡುಗರನ್ನು ಮುಟ್ಟಿ ಅವರ ಮನಸ್ಸಿನಲ್ಲಿ ಅದು ಅಚ್ಚೊತ್ತಬೇಕು ಎಂದು ಪ್ರಯಾಸ ಪಡುವುದನ್ನು ನೋಡುವಾಗ ಯಾರಿಗಾದರೂ ಇವರ ಅಗಾಧವಾದ ಮಾನಸಿಕ ಪೂರ್ವ ತಯಾರಿ ಮತ್ತು ಪರಿಶ್ರಮದ ಪರಿಚಯವಾಗದಿರದು.

    ಇಷ್ಟಾಗಿಯೂ ತಾನು ತನ್ಮಯವಾಗಿ ನಾಟಕವನ್ನು ಮುನ್ನಡೆಸುತ್ತಿರುವಾಗ ಒಂದು ಸಣ್ಣ ಕರ್ಕಶ ಸದ್ದು, ಅಮ್ಮಂದಿರ ಸಂಗಡ ಬಂದಿರುವ ಪುಟಾಣಿಗಳ ಛೇಷ್ಟೆ ಅಥವಾ ಯಾರೋ ಒಬ್ಬ ಪ್ರೇಕ್ಷಕನ ಎಡಬಿಡಂಗಿತನವೋ ತಲೆಹರಟೆಯೋ ಅಕ್ಷತಾರ ಏಕಾಗ್ರತೆಗೆ ಭಂಗ ತಂದು ತಾಳ ತಪ್ಪುವಂತೆ ಮಾಡಿಬಿಡಬಹುದು.

    ಆದರೂ ದಿನಕ್ಕೊಂದು ತಾಣ, ದಿನಕ್ಕೊಂದು ಭಿನ್ನ ಪ್ರೇಕ್ಷಕ ಗಣ – ಇವೆಲ್ಲವನ್ನೂ ಸರಿದೂಗಿಸಿಕೊಂಡು ಹೋಗುವ ಚಾಕಚಕ್ಯತೆ, ಸಂಯಮ ಅಕ್ಷತಾರಿಗಿದೆ. ನಿಜಕ್ಕೂ ಇದು ಅಕ್ಷತಾರಲ್ಲಿರುವ ದೊಡ್ಡ ಶಕ್ತಿ ಮತ್ತು ಪ್ರತಿಭೆ. ಇವೆಲ್ಲದರ ಪರಿಚಯ ಮತ್ತು ದರ್ಶನ ಪಡೆಯಲು ನೀವೂ ಅಕ್ಷತಾರ ‘ಅಡುಗೆ ಮಾತು’ ಮತ್ತು ‘ಲೀಕ್ ಔಟ್’ ನಾಟಕಗಳನ್ನು ನೋಡಿ.

    – ಟಿ.ಕೆ. ರಮೇಶ್ ಶೆಟ್ಟಿ ತೀರ್ಥಹಳ್ಳಿ

    drama review
    Share. Facebook Twitter Pinterest LinkedIn Tumblr WhatsApp Email
    Previous Articleಉಡುಪಿಯಲ್ಲಿ ಸಂಸ್ಕೃತಿ ವಿಶ್ವ ಪ್ರತಿಷ್ಠಾನದ ‘ಸಂಸ್ಕೃತಿ ಉತ್ಸವ -2025’ | ಜನವರಿ 30 ಮತ್ತು 31
    Next Article ಕುತ್ತಾರಿನಲ್ಲಿ ವಿಜೃಂಭಣೆಯಿಂದ ಜರಗಿದ ‘ಗುರುಕುಲ ಉತ್ಸವ -2025’
    roovari

    Add Comment Cancel Reply


    Related Posts

    ರಾಜ್ಯ ಮಟ್ಟದ ಸಂಶೋಧನಾ ಕಮ್ಮಟ ‘ಕನ್ನಡ ನಾಟಕಗಳ ವಿಭಿನ್ನ ನೆಲೆಗಳು’ | ಮೇ 27

    May 23, 2025

    ಮಂಡ್ಯದ ಶ್ರೀ ನಾಲ್ವಡಿ ಕೃಷ್ಣರಾಜ ಒಡೆಯರ್ ಕಲಾಮಂದಿರದಲ್ಲಿ ‘ಅಣ್ಣನ ನೆನಪು’ ಸಾಕ್ಷ್ಯ ನಾಟಕ | ಮೇ 24

    May 23, 2025

    ಪುಸ್ತಕ ವಿಮರ್ಶೆ | ಸುನಂದಾ ಬೆಳಗಾಂವಕರ ಇವರ ‘ಕೇಳು ಪಾಪಕ್ಕ’

    May 23, 2025

    ಬೆಂಗಳೂರಿನ ರಂಗಶಂಕರದಲ್ಲಿ ‘ಶಿವೋಹಂ’ ನಾಟಕ ಪ್ರದರ್ಶನ | ಮೇ 31

    May 23, 2025

    Add Comment Cancel Reply


    Facebook Twitter Instagram YouTube
    • Shipping, Refunds & Cancellation
    • Terms & Conditions
    • Privacy Policy
    • Contact US
    © 2025 Roovari | Baikady Studios. All Rights Reserved.

    Type above and press Enter to search. Press Esc to cancel.

    Sign In or Register

    Welcome Back!

    Login below or Register Now.


    Lost password?

    Register Now!

    Already registered? Login.


    A password will be e-mailed to you.