ಶ್ರೀ ಶಾರದಾ ನಾಟ್ಯಾಲಯ, ಕುಳಾಯಿ ಹೊಸಬೆಟ್ಟು, ಕರಾವಳಿಯ ಕೋಗಿಲೆ ಯಾಗಿದ್ದಂತಹ ದಿ.ಶ್ರೀಮತಿ ಶೀಲಾ ದಿವಾಕರ ಇವರ ಸಂಸ್ಮರಣಾ ಕಾರ್ಯಕ್ರಮ “ಗಾನ ಶಾರದೆಗೆ ನಮನ” ಗುರುವಿಗೊಂದು ನಾಟ್ಯ ನಮನ ಕಾರ್ಯಕ್ರಮವು ಗೋವಿಂದ ದಾಸ ಕಾಲೇಜಿನ ಲಲಿತ ಕಲಾ ಸಂಘದ ಸಹಯೋಗದೊಂದಿಗೆ ಅದೇ ಕಾಲೇಜಿನ ಸಭಾಂಗಣದಲ್ಲಿ 26-01-2023 ರಂದು ಯಶಸ್ವಿಯಾಗಿ ನೆರವೇರಿತು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಕಾಲೇಜಿನ ಪ್ರಾಂಶುಪಾಲರಾದ ಪ್ರೊ. ಕೃಷ್ಣಮೂರ್ತಿಯವರು ವಹಿಸಿಕೊಂಡಿದ್ದರು. ಶೀಲಾ ರವರ ಪತಿಯಾದ ಶ್ರೀ ದಿವಾಕರ್ ಲಕ್ಷ್ಮಣ್, ವಿದ್ವಾನ್ ಶ್ರೀ ಶ್ರೀಧರ್ ಆಚಾರ್ , ವಿದ್ವಾನ್ ಶ್ರೀ ಮಂಜುನಾಥ್ ಎನ್ ಪುತ್ತೂರು, ಶ್ರೀ ಹೆಚ್ ಯು ಅನಂತಯ್ಯ ನವರು ವೇದಿಕೆಯಲ್ಲಿ ಉಪಸ್ಥಿತರಿದ್ದರು. ಸಂಸ್ಥೆಯ ನೃತ್ಯ ನಿರ್ದೇಶಕಿ ಸ್ವಾಗತ ವಾಚನ ಮಾಡಿದರು. ಶ್ರೀ ಶ್ರೀಧರ್ ಅಚಾರ್ ಅವರು ನುಡಿ ನಮನಗೈದರು. ವಿದುಷಿ ಸುಮಂಗಲಾ ರತ್ನಾಕರ್ ಅವರು ಕಾರ್ಯಕ್ರಮದ ನಿರೂಪಣೆ ಮಾಡಿದರು. ಸಂಸ್ಥೆಯ ಹಿರಿಯ ವಿದ್ಯಾರ್ಥಿಗಳು ನೃತ್ಯ ಸಮರ್ಪಣೆ ಮಾಡಿದರು.
