ಮಂಗಳೂರು : ಕದ್ರಿಯ ನೃತ್ಯ ಭಾರತಿ (ರಿ.) ವತಿಯಿಂದ ಕರ್ನಾಟಕ ಕಲಾಶ್ರೀ ಗುರು ಗೀತಾ ಸರಳಾಯ ಮತ್ತು ವಿದುಷಿ ಶ್ರೀಮತಿ ರಶ್ಮಿ ಸರಳಾಯ ಇವರ ಶಿಷ್ಯೆ ವಿದುಷಿ ವೈಷ್ಣವಿ ವಿ. ಪ್ರಭು ಇವರ ‘ನಟರಾಜ ವಂದನಂ’ ಭರತನಾಟ್ಯ ಕಾರ್ಯಕ್ರಮವು ದಿನಾಂಕ 02-02-2024ರಂದು ಗಂಟೆ 5ಕ್ಕೆ ಮಂಗಳೂರಿನ ಪುರಭವನದಲ್ಲಿ ನಡೆಯಲಿದೆ. ಈ ಕಾರ್ಯಕ್ರಮದ ಉದ್ಘಾಟನೆಯನ್ನು ಶಾಂತಲಾ ಮತ್ತು ರಾಜ್ಯೋತ್ಸವ ಪ್ರಶಸ್ತಿ ವಿಜೇತ ಶ್ರೀ ಉಳ್ಳಾಲ ಮೋಹನ್ ಕುಮಾರ್ ಇವರು ನೆರವೇರಿಸಲಿದ್ದು, ಶ್ರೀ ಚಕ್ರವರ್ತಿ ಸೂಲಿಬೆಲೆ ಇವರು ಅಧ್ಯಕ್ಷತೆ ವಹಿಸಲಿದ್ದಾರೆ.
ಈ ಭರತನಾಟ್ಯ ಕಾರ್ಯಕ್ರಮವು ವಿದುಷಿ ಶ್ರೀಮತಿ ಗೀತಾ ಸರಳಾಯ ಇವರ ನಿರ್ದೇಶನದಲ್ಲಿ ನಡೆಯಲಿದ್ದು, ನೃತ್ಯ ಸಂಯೋಜನೆ ಮತ್ತು ನಟುವಾಂಗಂನಲ್ಲಿ ವಿದುಷಿ ಶ್ರೀಮತಿ ರಶ್ಮಿ ಸರಳಾಯ ಇವರು ಸಹಕರಿಸಲಿದ್ದಾರೆ. ಶ್ರೀ ಸ್ವರಾಗ ಮಾಹೆ ಇವರ ಹಾಡುಗಾರಿಕೆಗೆ ಶ್ರೀ ಪಯ್ಯನೂರು ರಾಜನ್ ಮೃದಂಗ ಹಾಗೂ ಶ್ರೀ ಗಣೇಶ್ ಕೆ.ಎಸ್. ಕೊಳಲಿನಲ್ಲಿ ಸಾಥ್ ನೀಡಲಿದ್ದಾರೆ. ಯಕ್ಷ ಮಂಜುಳ ಮತ್ತು ಕದ್ರಿ ಮಹಿಳಾ ಬಳಗದ ಅಧ್ಯಕ್ಷರಾದ ಶ್ರೀಮತಿ ಪೂರ್ಣಿಮ ಪ್ರಭಾಕರ ಪೇಜಾವರ ಮತ್ತು ಮುಲ್ಕಿ ನಟನಂ ಅಕಾಡೆಮಿಯ ವಿದುಷಿ ಶ್ರೀಮತಿ ರಮ್ಯ ಚಂದ್ರ ನಿರ್ವಾಹಕರಾಗಿ ಸಹಕರಿಸಲಿದ್ದಾರೆ.
ಶ್ರೀ ವಿವೇಕ ಆರ್. ಪ್ರಭು, ಶ್ರೀಮತಿ ಶಾಂತೇರಿ ವಿ. ಪ್ರಭು ಮತ್ತು ಶ್ರೀ ಸಿದ್ಧಾರ್ಥ ವಿ. ಪ್ರಭು ತಮ್ಮೆಲ್ಲರಿಗೂ ಆತ್ಮೀಯ ಸ್ವಾಗತ ಕೋರಿದ್ದಾರೆ.
