ಕೇರಳದ ಕಲ್ಪೆಟ್ಟದಲ್ಲಿ ಜನಮನ ಸೆಳೆದ “ಶ್ರೀರಾಮ ಕಥಾಮೃತ”

ವಯನಾಡು : ಕರಾವಳಿಯ ಯುವ ನೃತ್ಯ ಕಲಾವಿದರಾದ ವಿದ್ವಾನ್ ಮಂಜುನಾಥ ಎನ್ ಪುತ್ತೂರು ಅವರು ನಿರ್ದೇಶಿಸಿ ನೃತ್ಯ ಸಂಯೋಜಿಸಿದ “ಶ್ರೀರಾಮ ಕಥಾಮೃತ” ಭರತನೃತ್ಯವನ್ನು ಕೇರಳದ ವಯನಾಡು ಜಿಲ್ಲೆಯ ನೃತ್ಯ ಕಲಾವಿದರ ಒಕ್ಕೂಟವು (AKDTO ) ದಿನಾಂಕ 08-06-2024 ರಂದುಪ್ರದರ್ಶಿಸಿದ್ದು, ಸುಮಾರು 18 ಹಿರಿಯ ನೃತ್ಯ ಗುರುಗಳು ಮತ್ತು ಕಿರಿಯ ನೃತ್ಯ ಶಿಕ್ಷಕರು ಈ ಪ್ರದರ್ಶನದಲ್ಲಿ ಭಾಗವಹಿಸಿದ್ದರು. ಪ್ರದರ್ಶನದ ಮೊದಲು ಗುರು ಪೂಜೆಯನ್ನು ನೆರವೇರಿಸಿ, ವಿದ್ವಾನ್ ಮಂಜುನಾಥ ಇವರನ್ನು ಗೌರವಿಸಲಾಯಿತು.
45 ನಿಮಿಷಗಳ ಈ ನೃತ್ಯಕ್ಕೆ ಕೋಲ್ಕತ್ತಾದ ನೃತ್ಯ ಕಲಾವಿದರಾದ ಶ್ರೀ ಎನ್. ದೇಬಾಶಿಷ್ ಅವರು ಪರಿಕಲ್ಪನೆ ಮತ್ತು ತಾಂತ್ರಿಕ ಅಂಶಗಳನ್ನು ನೀಡಿದ್ದಾರೆ.