ಶ್ರೀ ರಾಮಕುಂಜೇಶ್ವರ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ಬೇಸಿಗೆ ಶಿಬಿರ

ಕಡಬ : ಶ್ರೀ ರಾಮಕುಂಜೇಶ್ವರ ಆಂಗ್ಲ ಮಾಧ್ಯಮ ಶಾಲೆಯಲ್ಲಿ ದಿನಾಂಕ 27-03-2024 ರಿಂದ 02-04-2024 ರವರೆಗೆ ಬೇಸಿಗೆ ಶಿಬಿರ ‘ಸಂಸ್ಕಾರ-ಸಂಭ್ರಮ’ ನಡೆದು, ಇದರ ಸಮಾರೋಪ ಸಮಾರಂಭವು ದಿನಾಂಕ 02-04-2024ರಂದು ಶಾಲಾ ಸಭಾಂಗಣದಲ್ಲಿ ನಡೆಯಿತು.

ಸಮಾರಂಭದ ಅಧ್ಯಕ್ಷತೆಯನ್ನು ವಹಿಸಿದ ಸಂಸ್ಥೆಯ ಕಾರ್ಯದರ್ಶಿ ಶ್ರೀಯುತ ಕೆ. ಸೇಸಪ್ಪ ರೈ ಮಾತನಾಡಿ “ವಿದ್ಯಾರ್ಥಿಗಳೆಲ್ಲರೂ ಶಿಬಿರದ ಸದುಪಯೋಗವನ್ನು ಪಡೆದು, ಜೀವನದಲ್ಲಿ ಉತ್ತಮ ಮೌಲ್ಯಗಳನ್ನು ಬೆಳೆಸಿಕೊಂಡು ಉತ್ತಮ ಪ್ರಜೆಯಾಗಬೇಕು.” ಎಂದರು.

ಮುಖ್ಯಅತಿಥಿಗಳಾದ ಸಂಸ್ಥೆಯ ಶಿಕ್ಷಕ-ರಕ್ಷಕ ಸಂಘದ ಜೊತೆ ಕಾರ್ಯದರ್ಶಿಯಾದ ಶ್ರೀ ಗಿರೀಶ್ ಎ. ಪಿ. ಹಾಗೂ ಶ್ರೀ ಶರವೂರು ಕ್ಷೇತ್ರದ ವ್ಯವಸ್ಥಾಪನಾ ಸಮಿತಿಯ ಮಾಜಿ ಅಧ್ಯಕ್ಷರಾದ ಶ್ರೀ ದಾಮೋದರ ಗೌಡ ಕಕ್ವೆ ಇವರು ಸಂದರ್ಭೋಚಿತವಾಗಿ ಮಾತನಾಡಿದರು. ಶಿಬಿರದ ಸಂಪನ್ಮೂಲ ವ್ಯಕ್ತಿ ಶ್ರೀ ಸುಬ್ರಹ್ಮಣ್ಯ ಕೆ.ಎಂ. ಶಿಬಿರದ ಬಗ್ಗೆ ತಮ್ಮ ಅನಿಸಿಕೆಯನ್ನು ವ್ಯಕ್ತಪಡಿಸಿದರು. ವೇದಿಕೆಯಲ್ಲಿ ಮಹಿಳಾ ಸಂಘಟಕಿ ಶ್ರೀಮತಿ ಸೌಮ್ಯ ಮಾಧವ,
ಸಂಸ್ಥೆಯ ಆಡಳಿತಾಧಿಕಾರಿ ಶ್ರೀ ಆನಂದ ಎಸ್. ಟಿ. ಉಪಸ್ಥಿತರಿದ್ದರು. ವಿದ್ಯಾರ್ಥಿಗಳಾದ ಆದಿತ್ಯ ಎ. ಆರ್. ಭಟ್, ಮಾನ್ವಿ ಆರ್. ರೈ, ಧನ್ಯಶ್ರೀ ಶಿಬಿರದ ಅನಿಸಿಕೆಯನ್ನು ವ್ಯಕ್ತಪಡಿಸಿದರು. ಇದೇ ಸಂದರ್ಭದಲ್ಲಿ ಸಂಸ್ಥೆಯ ಸಹಶಿಕ್ಷಕಿ ಶ್ರೀಮತಿ ಅಕ್ಷತಾ ಶೇಖರ್ ಇವರ ಚಿತ್ರಕಲಾ ಪುಸ್ತಕವನ್ನು ಬಿಡುಗಡೆಗೊಳಿಸಲಾಯಿತು.

ಶಿಬಿರದಲ್ಲಿ ಶ್ರೀ ಸುಭಾಷ್ ಪಂಜ ಇವರಿಂದ ಜನಪದ ನೃತ್ಯ, ಶ್ರೀಮತಿ ಸುಮನಾ ಕೆರೆಕರೆ ಇವರಿಂದ ಕರಕುಶಲ ವಸ್ತುಗಳ ತಯಾರಿಕೆ, ಕು. ಚೈತನ್ಯ ಇವರಿಂದ ನೃತ್ಯ ತರಬೇತಿ, ಡಾ. ಸುಧಾಕರ್ ಬರ್ಕಜೆ ಇವರಿಂದ ಜಾದೂ ಪ್ರದರ್ಶನ, ಶ್ರೀ ಸುಬ್ರಹ್ಮಣ್ಯ ಕೆ. ಎಂ. ಇವರಿಂದ ಹಾಡು ಮತ್ತು ರಂಗಕಲೆ, ಶ್ರೀ ಶಿವರಾಮ ಕಲ್ಮಡ್ಕ ಇವರಿಂದ ಮುಖವರ್ಣಿಕೆ, ಶ್ರೀ ಸುಧೀರ್ ಏನೆಕಲ್ಲು ಇವರಿಂದ ನಾಟಕ ತರಬೇತಿ, ಶ್ರೀ ರಕ್ಷಣ್ ಮಾಡೂರು ಇವರಿಂದ ಹಾಸ್ಯ ಮತ್ತು ಶಿಶುಗೀತೆ ಹಾಗೂ ಶ್ರೀ ಸತೀಶ್ ಆಚಾರ್ಯ ಮಾಣಿ ಇವರಿಂದ ಯಕ್ಷಗಾನ ನಾಟ್ಯ ತರಬೇತಿ ನಡೆದವು.

ವಿದ್ಯಾರ್ಥಿಗಳಿಗೆ ಹೊರಸಂಚಾರ ಹಾಗೆಯೇ ಸ್ಕೌಟ್ ಗೈಡ್ ಮತ್ತು ಕಬ್ ಬುಲ್ ಬುಲ್‌ನ ವಿದ್ಯಾರ್ಥಿಗಳಿಗೆ ಬೆಂಕಿ ಇಲ್ಲದ ಅಡುಗೆ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಯಿತು. ಪ್ರಾಥಮಿಕ ಶಾಲಾ ಮುಖ್ಯೋಪಾಧ್ಯಾಯಿನಿ ಶ್ರೀಮತಿ ಲೋಹಿತಾ ಎ. ಸ್ವಾಗತಿಸಿ, ಪ್ರೌಢಶಾಲಾ ಮುಖ್ಯೋಪಾಧ್ಯಾಯಿನಿ ಶ್ರೀಮತಿ ಗಾಯತ್ರಿ ಯು. ಎನ್. ವಂದನಾರ್ಪಣೆಗೈದರು. ಸಹಶಿಕ್ಷಕರಾದ ಶ್ರೀ ಕಿಶೋರ್ ಕುಮಾರ್ ಬಿ., ಶ್ರೀ ಹರೀಶ್ ಆಚಾರ್ಯ ಎಂ., ಶ್ರೀಮತಿ ಅಕ್ಷತಾ ಟಿ.,
ಶ್ರೀಮತಿ ಶುಭರಾಣಿ ಕಾರ್ಯಕ್ರಮ ಸಂಘಟಿಸಿ ನಿರ್ವಹಿಸಿದರು. ಸಂಸ್ಥೆಯ ಶಿಕಕ್ಷ-ಶಿಕ್ಷಕೇತರ ವೃಂದದವರು ಸಹಕರಿಸಿದರು.