ಧಾರವಾಡ : ಉತ್ತರ ಕರ್ನಾಟಕದ ಜನಪ್ರಿಯ ರಂಗ ಸಂಸ್ಥೆಯಾದ ಅಭಿನಯ ಭಾರತಿ (ರಿ.) ಇದರ ವತಿಯಿಂದ ‘ವಜ್ರ ಸಿರಿ ರಂಗೋತ್ಸವ 2024’ ಕಾರ್ಯಕ್ರಮವನ್ನು ಧಾರವಾಡ ಕರ್ನಾಟಕ ಕಾಲೇಜಿನ ಆವರಣದ ಸೃಜನಾ ರಂಗಮಂದಿರದಲ್ಲಿ ದಿನಾಂಕ 31-08-2024ರಿಂದ 02-09-2024ರವರೆಗೆ ಸಂಜೆ 6-00 ಗಂಟೆಗೆ ಹಮ್ಮಿಕೊಂಡಿದೆ.
ದಿನಾಂಕ 31 ಆಗಸ್ಟ್ 2024ರಂದು ಧಾರವಾಡದ ಅಭಿನಯ ಭಾರತಿ ತಂಡದವರು ಎನ್. ಸುರೇಂದ್ರನಾಥ್ ರಚಿಸಿರುವ ಶ್ರೀಪತಿ ಮಂಜನಬೈಲು ನಿರ್ದೇಶನದಲ್ಲಿ ‘ನಾ. ತುಕಾರಾಂ ಅಲ್ಲಾ’ ಎಂಬ ಹಾಸ್ಯರಸ ಪ್ರಧಾನ ನಾಟಕವನ್ನು ಪ್ರಸ್ತುತ ಪಡಿಸಲಿರುವರು. ಈ ದಿನದ ಕಾರ್ಯಕ್ರಮಕ್ಕೆ ಜೆ.ಎಸ್.ಎಸ್. ಇದರ ಕಾರ್ಯದರ್ಶಿ ಡಾ. ಅಜಿತ ಪ್ರಸಾದ ಇವರು ಚಾಲನೆ ನೀಡಲಿದ್ದಾರೆ.
ದಿನಾಂಕ 01 ಸೆಪ್ಟೆಂಬರ್ 2024ರಂದು ನಟನ ಪಯಣ ರೆಪರ್ಟರಿಯವರು ಡಾ. ಶ್ರೀಪಾದ ಭಟ್ ಇವರ ವಿನ್ಯಾಸ ಮತ್ತು ನಿರ್ದೇಶನದಲ್ಲಿ ‘ಕಣಿವೆ ಹಾಡು’ ಎಂಬ ನಾಟಕವನ್ನು ಅಭಿನಯಿಸಲಿದ್ದು, ರಂಗ ಕರ್ಮಿಗಳು ಚಲನಚಿತ್ರ ಹಾಗೂ ಧಾರಾವಾಹಿ ನಟರಾದ ಮಂಡ್ಯ ರಮೇಶ ಇವರು ಈ ದಿನದ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಿದ್ದಾರೆ.
ದಿನಾಂಕ 02 ಸೆಪ್ಟೆಂಬರ್ 2024ರಂದು ‘ಬಾಸಿಂಗಬಲ’ ಹಾಸ್ಯರಸ ಪ್ರಧಾನ ನಾಟಕವನ್ನು ಝಾಕೀರ ನವಾಫ ಇವರ ರಚನೆ ಮತ್ತು ನಿದೇಶನದಲ್ಲಿ ಸವದತ್ತಿಯ ರಂಗ ಆರಾಧನಾ ಸಾಂಸ್ಕೃತಿಕ ಸಂಘಟನೆ (ರಿ.)ಯ ತಂಡದವರು ಅಭಿನಯಿಸಲಿದ್ದು, ಈ ದಿನದ ಕಾರ್ಯಕ್ರಮಕ್ಕೆ ನಿವೃತ್ತ ಮುಖ್ಯ ಇಂಜಿನೀಯರರಾದ ಶ್ರೀ ಮಹೇಶ ಹಿರೇಮಠ ಮತ್ತು ಡಾ. ವೀರಣ್ಣ ಹವಾಲ್ದಾರ ಇವರು ಚಾಲನೆ ನೀಡಲಿದ್ದಾರೆ.
