ಕಿನ್ನಿಗೋಳಿ: ಕಿನ್ನಿಗೋಳಿಯ ಪ್ರತಿಷ್ಠಿತ ಯಕ್ಷ ಲಹರಿ(ರಿ) ಸಂಸ್ಥೆಯ ಮೂವತ್ತನಾಲ್ಕನೇ ವರ್ಷದ ತಾಳಮದ್ದಳೆ ಸಪ್ತಾಹ ‘ಧರ್ಮ ಸಂಸ್ಥಾಪನಾರ್ಥಾಯ ಸಂಭವಾಮಿ ಯುಗೇ ಯುಗೇ’ ಎಂಬ ಸರಣಿಯಲ್ಲಿ ರಜತ ವರ್ಷದ ಸಂಭ್ರಮದಲ್ಲಿರುವ ದ. ಕ. ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಮಕ್ಕಳ ಮೇಳವಾದ ಸರಯೂ ಯಕ್ಷವೃಂದ ತಂಡದಿಂದ ‘ವರಾಹ ಅವತಾರ’ ಎಂಬ ಆಖ್ಯಾನದ ತಾಳಮದ್ದಳೆ 31 ಜುಲೈ 2024 ರಂದು ನಡೆಯಿತು. ಈ ಸಂದರ್ಭದಲ್ಲಿ ಸರಯೂ ಸಂಸ್ಥೆಯ ಗೌರವ ಸಂಚಾಲಕರಾದ ಡಾ. ಹರಿಕೃಷ್ಣ ಪುನರೂರು ಉಪಸ್ಥಿತರಿದ್ದರು.
ಕಾರ್ಯಕ್ರಮದ ಹಿಮ್ಮೆಳದಲ್ಲಿ ಲಕ್ಷ್ಮೀನಾರಾಯಣ ಹೊಳ್ಳ, ಸ್ಕಂದ ಕೊನ್ನಾರ್, ಮಧುಸೂದನ ಅಲೆವೂರಾಯ ಹಾಗೂ ಗೌರೀಶ್ ರಾವ್ ಹಾಗೂ ಮುಮ್ಮೇಳದಲ್ಲಿ ನಾಗರಾಜ್ ಖಾರ್ವಿ, ಸಂತೋಷ್ ಪಿಂಟೋ, ವಿಜಯಲಕ್ಷೀ ಎಲ್. ನಿಡ್ವಣ್ಣಾಯ, ಅಕ್ಷಯ್ ಸುವರ್ಣ, ನಿಹಾಲ್ ಪೂಜಾರಿ, ಸಂಚಿತ್ ಖಾರ್ವಿ, ದೃಶಾಲ್ ಪೂಜಾರಿ, ನಿತ್ಯ ಶ್ರೀ ಪೂಜಾರಿ, ಕೃತಿ ದೇವಾಡಿಗ ಪಾತ್ರಧಾರಿಗಳಾ ಭಾಗವಹಿಸಿದ್ದರು.
