ಪುತ್ತೂರು : ಶ್ರೀ ಆಂಜನೇಯ ಯಕ್ಷಗಾನ ಕಲಾ ಸಂಘ ಬೊಳುವಾರು ಪುತ್ತೂರು ಇದರ ವತಿಯಿಂದ ತಿಂಗಳ ಸರಣಿ ತಾಳಮದ್ದಳೆಯ ಪ್ರಯುಕ್ತ ಧ್ವಜಪುರ ನಾಗಪ್ಪಯ್ಯ ವಿರಚಿತ ‘ಸೌಗಂಧಿಕಾ ಪುಷ್ಪ ಹರಣ’ ಎಂಬ ಯಕ್ಷಗಾನ ತಾಳಮದ್ದಳೆಯ ದಿನಾಂಕ 27 ಆಗಸ್ಟ್ 2024ರಂದು ಬನ್ನೂರು ಭಾರತೀ ನಗರದ ಬಲಮುರಿ ಶ್ರೀವಿದ್ಯಾ ಗಣಪತಿ ದೇವಸ್ಥಾನದಲ್ಲಿ ನಡೆಯಿತು.
ಹಿಮ್ಮೇಳದಲ್ಲಿ ಭಾಗವತರಾಗಿ ಕುಸುಮಾಕರ ಆಚಾರ್ಯ ಆಲಂಕಾರು ಹಾಗೂ ಚೆಂಡೆ, ಮದ್ದಳೆಗಳಲ್ಲಿ ಪದ್ಯಾಣ ಶಂಕರನಾರಾಯಣ ಭಟ್ ಮತ್ತು ಅಚ್ಯುತ ಪಾಂಗಣ್ಣಾಯ ಕೋಡಿಬೈಲು ಸಹಕರಿಸಿದರು. ಮುಮ್ಮೇಳದಲ್ಲಿ ಪೂಕಳ ಲಕ್ಷ್ಮೀನಾರಾಯಣ ಭಟ್ (ಭೀಮ), ಗುಡ್ಡಪ್ಪ ಬಲ್ಯ (ಹನೂಮಂತ), ಭಾಸ್ಕರ ಬಾರ್ಯ (ದ್ರೌಪದಿ), ವಿ.ಕೆ. ಶರ್ಮ (ಧರ್ಮರಾಯ), ದುಗ್ಗಪ್ಪ ನಡುಗಲ್ಲು (ಕುಬೇರ), ಅಚ್ಯುತ ಪಾಂಗಣ್ಣಾಯ (ಮಂತ್ರಿ) ಸಹಕರಿಸಿದರು. ಬಡೆಕ್ಕಿಲ ಚಂದ್ರಶೇಖರ ಭಟ್ ಸ್ವಾಗತಿಸಿ, ವಂದಿಸಿದರು. ಪುಳು ಈಶ್ವರ ಭಟ್ ಸೇವಾಕರ್ತರಾಗಿ ಸಹಕರಿಸಿದರು.
