ಹರಿಕಥಾ ಪರಿಷತ್ತಿನಿಂದ ‘ಮನೆ-ಮನೆ ಹರಿಕಥೆ’

ಮಂಗಳೂರು : ಹರಿಕಥಾ ಪರಿಷತ್ ಮಂಗಳೂರು ಹಮ್ಮಿಕೊಂಡಿರುವ ‘ಮನೆ-ಮನೆ ಹರಿಕಥೆ’ ಯೋಜನೆಯ ಆರನೇ ಕಾರ್ಯಕ್ರಮವು ಮಂಗಳಾದೇವಿಯ ಶ್ರೀ ಎ.ಜಿ. ಸದಾಶಿವ ದಂಪತಿಗಳ ನಿವಾಸ ‘ಶ್ರೀ ಅಮೃತಾ’ದಲ್ಲಿ ದಿನಾಂಕ 08-06-2023ರಂದು ಜರಗಿತು.

ಕೀರ್ತನಕಾರರಾದ ಡಾ. ಎಸ್.ಪಿ. ಗುರುದಾಸ್ ‘ಶ್ರೀ ಕೃಷ್ಣ ಲೀಲೆ’ ಎಂಬ ವಿಷಯದಲ್ಲಿ ಹರಿಕಥೆಯನ್ನು ನಡೆಸಿಕೊಟ್ಟರು. ಶ್ರೀಮತಿ ಶಶಿರೇಖಾ ಹಾಗೂ ಶ್ರೀ ಎ.ಜಿ. ಸದಾಶಿವ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಹಲವು ಕಲಾವಿದರು ಹಾಗೂ ಕಲಾಸಕ್ತರು ಈ ಕಾರ್ಯಕ್ರಮಕ್ಕೆ ಸಾಕ್ಷಿಯಾದರು. ಹಿಮ್ಮೇಳದಲ್ಲಿ ಮಂಗಲ್ ದಾಸ್ ಗುಲ್ವಾಡಿ ತಬ್ಲಾ ಹಾಗೂ ಎಂ. ರಮೇಶ್‌ ಹೆಬ್ಬಾರ್ ಹಾರ್ಮೋನಿಯಂನಲ್ಲಿ ಸಹಕರಿಸಿದರು. ಹರಿಕಥಾ ಪರಿಷತ್ತಿನ ಪ್ರಧಾನ ಕಾರ್ಯದರ್ಶಿ ತೋನ್ಸೆ ಪುಷ್ಕಳ ಕುಮಾರ್ ಕಾರ್ಯಕ್ರಮ ನಿರ್ವಹಿಸಿದರು.