ಬೆಂಗಳೂರು : ಬರಹಗಾರ ಡಾ. ಹಾ.ಮಾ. ನಾಯಕರ ನೆನಪಿನಲ್ಲಿ ಕನ್ನಡ ಗೆಳೆಯರ ಬಳಗವು ನೀಡುವ ‘ಹಾಮಾನಾ ಕನ್ನಡ ಜಾಗೃತಿ ಪುಸ್ತಕ ಬಹುಮಾನ’ಕ್ಕೆ ಕೃತಿಗಳನ್ನು ಆಹ್ವಾನಿಸಿದೆ. ಕನ್ನಡನಾಡು, ನುಡಿ, ಸಂಸ್ಕೃತಿಗಳನ್ನು ಕುರಿತ ಪುಸ್ತಕಕ್ಕೆ ರೂ.5,000/- ನಗದು, ಜೊತೆಗೆ ಇನ್ನೊಂದು ಪುಸ್ತಕಕ್ಕೆ ರೂ.3,000/- ಸಮಾಧಾನಕರ ಬಹುಮಾನ ನೀಡಲಾಗುತ್ತದೆ. ಅದರಲ್ಲಿ ಒಂದು ಬಹುಮಾನ ಅಂಕಣ ಬರಹಕ್ಕೆ ಮೀಸಲಿರುತ್ತದೆ.
2025 ಮತ್ತು 2026ರಲ್ಲಿ ಪ್ರಕಟವಾದ ಪುಸ್ತಕಗಳನ್ನು ಬಹುಮಾನಕ್ಕೆ ಪರಿಗಣಿಸಲಾಗುವುದು. ದಿನಾಂಕ 10 ನವೆಂಬರ್ 2026ರ ಒಳಗೆ ಕೃತಿಯ ಎರಡು ಪ್ರತಿಗಳನ್ನು ರಾ.ನಂ. ಚಂದ್ರಶೇಖರ, ಸಂಚಾಲಕ, ಕನ್ನಡ ಗೆಳೆಯರ ಬಳಗ, #1 ‘ಶ್ರೀನಿಲಯ’ ಮಾರಮ್ಮ ದೇವಸ್ಥಾನದ ರಸ್ತೆ, ಕತ್ರಿಗುಪ್ಪೆ, ಬೆಂಗಳೂರು -560085 ಇಲ್ಲಿಗೆ ಕಳುಹಿಸಬೇಕು. ಡಿಸೆಂಬ‌ರ್ ಮೊದಲ ವಾರದಲ್ಲಿ ಪ್ರಶಸ್ತಿ ಪ್ರದಾನ ಮಾಡಲಾಗುವುದು ಎಂದು ಸಂಘಟಕರು ತಿಳಿಸಿದ್ದಾರೆ.
