ಬೆಂಗಳೂರು : ಕಲಾವಿಲಾಸಿ ಪ್ರಸ್ತುತ ಪಡಿಸುವ ‘ಗೂಗಿ ವಾ ಥಿಯಾಂಗೋ’ ಅವರ ‘ದಿ ಬ್ಲ್ಯಾಕ್ ಹರ್ಮಿಟ್’ ಆಧಾರಿತ ‘ಮಣ್ಣಿನ ಮಗ’ ನಾಟಕ ಕನ್ನಡದಲ್ಲಿ ಪ್ರದರ್ಶನವನ್ನು ದಿನಾಂಕ 16 ಸೆಪ್ಟೆಂಬರ್ 2026ರಂದು ಸಂಜೆ 7-30 ಗಂಟೆಗೆ ಬೆಂಗಳೂರಿನ ಜೆ. ಪಿ. ನಗರದ ರಂಗಶಂಕರದಲ್ಲಿ ಹಮ್ಮಿಕೊಳ್ಳಲಾಗಿದೆ. ಈ ನಾಟಕವನ್ನು ಸಿದ್ದರಾಮು ಕೆ. ರಂಗರೂಪಕ್ಕೆ ಅಳವಡಿಸಿದ್ದು, ರಂಗಕರ್ಮಿ ಮಹಾದೇವ ಹಡಪದ ಅವರು ವಿನ್ಯಾಸ ಮಾಡಿ ನಿರ್ದೇಶಿಸುತ್ತಿದ್ದಾರೆ. ಹೆಚ್ಚಿನ ಮಾಹಿತಿಗಾಗಿ 9972629940 ಸಂಖ್ಯೆಯನ್ನು ಸಂಪರ್ಕಿಸಿರಿ.
ಗೂಗಿ ವಾ ಥಿಯಾಂಗೋ, ಆಫ್ರಿಕಾ ದೇಶಗಳಲ್ಲಿ ವಸಾಹತುಶಾಹಿ ಆಡಳಿತದ ನಂತರ ಹುಟ್ಟಿಕೊಂಡ ರಾಷ್ಟ್ರೀಯವಾದಿ ಧೋರಣೆ ಮತ್ತು ಅಲ್ಲಿನ ಜನರ ಬದುಕಿನಲ್ಲಿ ಬೇರು ಬಿಟ್ಟಿದ್ದ ಆಚರಣೆಗಳ ನಡುವಿನ ಘರ್ಷಣೆಯನ್ನು ಈ ನಾಟಕದಲ್ಲಿ ಕಟ್ಟಿಕೊಟ್ಟಿದ್ದರು. ಮಣ್ಣಿನ ಮಗ ನಾಟಕವನ್ನು ಭಾರತೀಯ ವೈವಿದ್ಯತೆ ಮತ್ತು ಇಲ್ಲಿನ ಬದುಕಿಗೆ ಹತ್ತಿರವಾಗುವಂತೆ ಮರು ವಿನ್ಯಾಸ ಮಾಡಲಾಗಿದೆ. ನಾಟಕವು ಭರಪೂರ ಹಾಸ್ಯ ಮತ್ತು ಸಂಗೀತದಿಂದ ಕೂಡಿರುತ್ತದೆ.
